අද හවස තල්දූව හෙල්ලූ බිහිසුණු අනතුර. මාර්ගයේ ගිය බයිසිකලය ගිනි ජාලාවක් වෙද්දී කාර් එක ප්‍රපාතයට පෙරළෙයි. - Accident - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Feb

අද හවස තල්දූව හෙල්ලූ බිහිසුණු අනතුර. මාර්ගයේ ගිය බයිසිකලය ගිනි ජාලාවක් වෙද්දී කාර් එක ප්‍රපාතයට පෙරළෙයි.

1,221 Views

අද සන්ධ්‍යාවේ රුවන්වැල්ල, තල්දූව ප්‍රදේශයම කම්පා කරවමින් අතිශය බිහිසුණු රිය අනතුරක් සිදුව තිබෙනවා.

තල්දූව - අමිතිරිගල මාර්ගයේ මැදගොඩ ප්‍රදේශයේදී මෝටර් රථයක් සහ යතුරුපැදියක් මුහුණට මුහුණ ගැටීමෙන් පුද්ගලයන් තිදෙනෙකුට සිය ජීවිත අහිමි වී ඇති බවයි රුවන්වැල්ල පොලිසිය තහවුරු කළේ.

අද (08) පස්වරු 5.00ට පමණ සිදුවූ මෙම ගැටීම කෙතරම් ප්‍රබලද යන්න පසක් කරමින්, අනතුරත් සමඟ යතුරුපැදිය එම ස්ථානයේදීම ගිනිගෙන විනාශ වී තිබෙනවා. ඒත් සමඟම පාලනය කරගත නොහැකි වූ මෝටර් රථය අසල පිහිටි ප්‍රපාතයකට පෙරළී ගොස් නතර වී ඇත්තේ අවට සිටි පිරිස් භීතියට පත් කරමින්.

අනතුරෙන් බරපතල තුවාල ලැබූ තිදෙනෙකු වහාම ක්‍රියාත්මක වූ ප්‍රදේශවාසීන් විසින් අවිස්සාවේල්ල රෝහලට ඇතුළත් කිරීමට පියවර ගත්තත්, ඒ වන විටත් ඔවුන් මෙලොව හැර ගොස් ඇති බවයි වාර්තා වන්නේ.

මියගිය පිරිස අතර මෝටර් රථයේ ගමන් කළ දෙදෙනෙකු සහ යතුරුපැදියේ ගමන් කළ පුද්ගලයා සිටින බව තහවුරු වී තිබෙනවා.

අධික වේගය මෙම මාරක අනතුරට හේතුව වන්නට ඇති බවට සැක කෙරෙන අතර, රුවන්වැල්ල පොලිසිය මේ වන විටත් සිද්ධිය සම්බන්ධයෙන් වැඩිදුර විමර්ශන පවත්වනවා.