අධික වේගයෙන් ධාවනය වූ ලොරි රථයක ගැටීමෙන් පුද්ගලයින් දෙදෙනෙක් ජීවිතක්ෂයට.. ප්‍රදේශයක් කැළඹෙයි.. - Social Story - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Dec

අධික වේගයෙන් ධාවනය වූ ලොරි රථයක ගැටීමෙන් පුද්ගලයින් දෙදෙනෙක් ජීවිතක්ෂයට.. ප්‍රදේශයක් කැළඹෙයි..

23 Views

මේ කියන්නේ අපරික්ෂාකාරී රිය ධාවනයක් නිසා සිදුවුණු තවත් සංවේදී පුවතක් ගැන කතාවක්.

ඩයගම සිට කොළඹ දක්වා ධාවනය වූ ලංගම බස් රථයක සිටි මගීන් දෙදෙනෙකු බසයෙන් බැසයන අවස්ථාවේ ලොරි රථයක ගැටීමෙන් බිහිසුණු අනතුරක් ගැනයි.

හැටන් නුවරඑලිය ප්‍රධාන මාර්ගයේ දිඹුල පතන මංසන්ධියේදී මෙම අනතුර සිදුව තිබෙනවා.

අද (20) උදෑසන 7:00ට පමණ මෙම අනතුර සිදුව ඇති බවයි සඳහන් වෙන්නේ.

ඩයගම සිට කොළඹ දක්වා ධාවනය වූ බස් රථයේ රියැදුරුට විවේක ගැනීම සදහා බස් රථය මාර්ගයේ ප්‍රතිවිරුද්ධ දිශාවේ නතර කළ අවස්ථාවේ බස් රථයේ ගමන් ගත් මගීන් දෙදෙනෙකුද බස් රථයේ පසුපස දොරෙන් ප්‍රධාන මාර්ගයට බසින අවස්ථාවේ නාත්තන්ඩියේ සිට නුවරඑලිය දක්වා අධික වේගයෙන් රා ප්‍රවාහනය කරමින් තිබූ ලොරි රථයක ගැටීමෙන් මෙම අනතුර සිදුව තිබෙනවා.

ලොරි රථයේ රියැදුරා දිඹුල පතන පොලිසිය විසින් සැකපිට අත්අඩංගුවට ගෙන ඇති අතර, රියැදුරුට නින්ද යෑමෙන් මෙම අනතුර සිදු වී ඇති බවයි අනතුර පිළිබඳ පරික්ෂණ පවත්වන දිඹුල පතන පොලිසියේ රථවාහන අංශයේ නිළධාරියෙකු කියා සිටියේ.

අනතුරින් මියගොස් ඇත්තේ ලිඳුල මෙරායා ප්‍රදේශයේ පදිංචි අබ්දුල් රහීම් නමැති 25 හැවිරිදි තරුණයෙක්වන අතර අනෙක් පුද්ගලයාගේ අනන්‍යතාවය මෙතෙක් තහවුරු වී නැහැ.