Nov
05
1,004 Views
ඔහුගේ මරණය ඊයේ අම්බලන්ගොඩ ප්‍රදේශයම කම්පනය කරන්නක්. මේ කියන්න යන්නේ අන්න ඒ කතාව ගැන අද ඇසෙන තවත් එක් වෙනස්ම ආරංචියක්.
අම්බලන්ගොඩ මෝදර දේවාල කමිටුවේ සභාපති වරුෂවිතාන මිරන්ත, වෙඩිතබා ඝාතනය කිරීම හිනිදුම සහ මීටියාගොඩ ප්‍රදේශවල අවන්හල් දෙකකදී සිදුවූ වෙඩි තැබීම් හා ඝාතනය අතර සම්බන්ධයක් ඇති බවට සැකකරන තොරතුරු විමර්ශන නිලධාරීන්ට ලැබී තිබෙනවා.
ව්‍යාපාරිකයෙක්ද වන වරුෂවිතාන මිරන්ත දකුණේ කුප්‍රකට පාතාලයේ මත්කුඩු ජාවාරම්කරුවෙක් වන කරන්දෙණිය සුද්දාගේ මස්සිනා බව පොලීසිය සඳහන් කරයි. එහෙත් වර්ෂවිනාත මහතා අපරාධවලට සම්බන්ධ පුද්ගලයෙක් නොවන බව විමර්ශන නිලධාරීන්ට පෙනී ගොස් තිබෙනවා.
අම්බලන්ගොඩ නගර සභාව ආසන්න මාර්ග‍‍යේ යතුරුපැදියකින් ගමන්කරමින් සිටි ඔහුට ඊයේ පෙරවරුවේදී වෙඩි තබා ඝාතනය කරනු ලබන්නේ මෝටර් රථයකින් පැමිණි අයෙකි. මිලිමීටර් 09 වර්ගයේ ගිනි අවියක් මේ සඳහා යොදා‍ගෙන ඇතැයි පොලිස් මාධ්‍ය කොට්ඨාසය සඳහන් කළේය. වෙඩි වැදුණු ඔහු මිය යන්නේ බළපිටිය රෝහලට ඇතුළත් කිරීමෙන් අනතුරුවයි.
ඔහුගේ පපු ප්‍රදේශයට වෙඩි පහර තුනක් වැදී තිබූ බව රෝහල් ප්‍රකාශකයෙක් පැවැසීය. හිතහොඳ දොස්තර ලෙසින් ප්‍රකටව සිටි කරන්දෙණිය රෝහලේ සේවයේ නිරත වෛද්‍යවරයකු කොන්ත්‍රාත්තුවකට අනුව ඝාතනය කරමින් පාතාලයේ කුප්‍රකට චරිතයක් බවට කරන්දෙණිය සුද්දා පත්වුණා. හමුදා සේවයේ නිරතව සිටියදී කළ එම ඝාතනයෙන් පසු කරන්දෙණිය සුද්දා මිනිස් ඝාතන රැසකටම චෝදනා ලැබූවෙක්. කාලයක් බන්ධනාගාරගතව සිටි ඔහු ඇප ලැබීමෙන් අනතුරුව ඩුබායි වෙත පලාගොස් එරට සිට මත්කුඩු ජාවාරම හා පාතාල අපරාධ මෙ‍ෙහයවමින් සිටින බව පොලීසිය සඳහන් කරයි.
පසුගිය ජනවාරි 30 වැනිදා හිනිදුම මහබෝධිවත්තේ නවාතැන් පොළකදී තිදෙනකුට මරු කැඳවමින් සිදුවූ වෙඩි තැබීම කරන්දෙණිය සුද්දාගේ මෙහෙයැවීමකට අනුව සිදුවූ බව එකළ කියැවිණි. යතුරුපැදියකින් පැමිණි දෙදෙනෙක් විසින් ටී-56 අවියකින් කළ වෙඩි තැබීමෙන් නවාතැන් පොළේ හිමිකරුද ඝාතනය වුණා. ඔහු පොලිස් විශේෂ කාර්ය බලකායේ තොරතුරුකරුවෙක් ලෙස කටයුතු කර ඇති බව ද සඳහන්.
පසුගිය මැයි 3 වැනිදා රාත්‍රී කාලයේදී මීටියාගොඩ එරනවිල පිහිටි අවහන්හලක් තුළදී මත්පැන් පානය කරමින් සිටි පිරිසක් ඉලක්ක කරගෙන වෙඩි තැබීමක් සිදුවුණේද කරන්දෙණිය සුද්දාගේ මෙහෙයවීමෙනි.
මෙම ඝාතනයන්වලට පළිගැනීමක් ලෙස කරන්දෙණිය සුද්දාට දැනෙන්නට වරුෂ විතානගේ ඝාතනය සිදුකර තිබේදැයි විමර්ශන කණ්ඩායම් සැකකරයි. ඒ සම්බන්ධයෙන් තොරතුරු පොලිස් විශේෂ කාර්ය බළකාය සහ විශේෂ පොලිස් කණ්ඩායම් කිහිපයක්ම සොයා බලමින් සිටින බව පොලිස් තොරතුරු අනාවරණය කළා.
තවමත් මෙම වෙඩි තැබීම සම්බන්ධයෙන් නිශ්චිත තොරතුරක් ලැබී නැති බවත් පැති කිහිපයක් ඔස්සේ විමර්ශන පවත්වන බවත් ඇල්පිටිය කොට්ඨාසයභාර ජ්‍යෙෂ්ඨ පොලිස් අධිකාරී ලකී රන්දෙණිය පැවැසීය.
වෙඩි ප්‍රහාරයකින් ඝාතනය වූ වරුෂවිතාන මිරන්ත පසුගිය පළාත් පාලන මැතිවරණයේදී අම්බලන්ගොඩ නගර සභාවට සමගි ජන බලවේගය පක්ෂයෙන් ඉදිරිපත් කරන ලද අතිරේක නාමයෝජනා ලැයිස්තුවේ සිටින අයෙකි. ඔහුට අම්බලන්ගොඩ ධීවර වරායේ බහුදින ධීවර යාත්‍රා දෙකක් ඇති බවටද අනාවරණය වී තිබෙනවා.
පාතාල අපරාධකරුවෙක් වූ ලොකු පැටීගේ රුපියල් කෝටි 33ක කළු සල්ලි සුදු කිරීම සම්බන්ධයෙන් අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසය මගින් පසුගිය දා අත්අඩංගුවට ගනු ලැබූවේ මොහු සභාපතිධුරය දරන මෝදර දේවාල‍යේ කපුවායි.
වෙඩික්කරුවන් පැමිණ ඇති මෝටර් රථය කරන්දෙණිය එගොඩවිල ප්‍රදේශයේ දමාගොස් තිබියදී පොලිස් විශේෂ කාර්ය බළකාය විසින් වෙඩි තැබීමෙන් පැයක් යන්නට මත්තෙන් සොයා ගන්නා ලදි. මෙම මෝටර් රථය රක්ෂණ සමාගමකට අයත් එකක් බව අංක තහඩුවලට අනුව අනාවරණය වී ඇත. එම අංක තහඩු ව්‍යාජ ඒවාදැයි තහවුරුකර ගැනීමට ද විමර්ශන පැවැත්වෙනවා.
ගාලු දිසාභාර නියෝජ්‍ය පොලිස්පති ජගත් සේරම්, ඇල්පිටිය ජ්‍යෙෂ්ඨ පොලිස් අධිකාරි ලකී රන්දෙණිය යන මහත්වරුන්ගේ උපදෙස් මත අම්බලන්ගොඩ පොලීසිය විමර්ශන පවත්වයි.
දිනමිණ පුවත්පත ඇසුරෙන්..
ව්‍යාපාරිකයෙක්ද වන වරුෂවිතාන මිරන්ත දකුණේ කුප්‍රකට පාතාලයේ මත්කුඩු ජාවාරම්කරුවෙක් වන කරන්දෙණිය සුද්දාගේ මස්සිනා බව පොලීසිය සඳහන් කරයි. එහෙත් වර්ෂවිනාත මහතා අපරාධවලට සම්බන්ධ පුද්ගලයෙක් නොවන බව විමර්ශන නිලධාරීන්ට පෙනී ගොස් තිබෙනවා.
අම්බලන්ගොඩ නගර සභාව ආසන්න මාර්ග‍‍යේ යතුරුපැදියකින් ගමන්කරමින් සිටි ඔහුට ඊයේ පෙරවරුවේදී වෙඩි තබා ඝාතනය කරනු ලබන්නේ මෝටර් රථයකින් පැමිණි අයෙකි. මිලිමීටර් 09 වර්ගයේ ගිනි අවියක් මේ සඳහා යොදා‍ගෙන ඇතැයි පොලිස් මාධ්‍ය කොට්ඨාසය සඳහන් කළේය. වෙඩි වැදුණු ඔහු මිය යන්නේ බළපිටිය රෝහලට ඇතුළත් කිරීමෙන් අනතුරුවයි.
ඔහුගේ පපු ප්‍රදේශයට වෙඩි පහර තුනක් වැදී තිබූ බව රෝහල් ප්‍රකාශකයෙක් පැවැසීය. හිතහොඳ දොස්තර ලෙසින් ප්‍රකටව සිටි කරන්දෙණිය රෝහලේ සේවයේ නිරත වෛද්‍යවරයකු කොන්ත්‍රාත්තුවකට අනුව ඝාතනය කරමින් පාතාලයේ කුප්‍රකට චරිතයක් බවට කරන්දෙණිය සුද්දා පත්වුණා. හමුදා සේවයේ නිරතව සිටියදී කළ එම ඝාතනයෙන් පසු කරන්දෙණිය සුද්දා මිනිස් ඝාතන රැසකටම චෝදනා ලැබූවෙක්. කාලයක් බන්ධනාගාරගතව සිටි ඔහු ඇප ලැබීමෙන් අනතුරුව ඩුබායි වෙත පලාගොස් එරට සිට මත්කුඩු ජාවාරම හා පාතාල අපරාධ මෙ‍ෙහයවමින් සිටින බව පොලීසිය සඳහන් කරයි.
පසුගිය ජනවාරි 30 වැනිදා හිනිදුම මහබෝධිවත්තේ නවාතැන් පොළකදී තිදෙනකුට මරු කැඳවමින් සිදුවූ වෙඩි තැබීම කරන්දෙණිය සුද්දාගේ මෙහෙයැවීමකට අනුව සිදුවූ බව එකළ කියැවිණි. යතුරුපැදියකින් පැමිණි දෙදෙනෙක් විසින් ටී-56 අවියකින් කළ වෙඩි තැබීමෙන් නවාතැන් පොළේ හිමිකරුද ඝාතනය වුණා. ඔහු පොලිස් විශේෂ කාර්ය බලකායේ තොරතුරුකරුවෙක් ලෙස කටයුතු කර ඇති බව ද සඳහන්.
පසුගිය මැයි 3 වැනිදා රාත්‍රී කාලයේදී මීටියාගොඩ එරනවිල පිහිටි අවහන්හලක් තුළදී මත්පැන් පානය කරමින් සිටි පිරිසක් ඉලක්ක කරගෙන වෙඩි තැබීමක් සිදුවුණේද කරන්දෙණිය සුද්දාගේ මෙහෙයවීමෙනි.
මෙම ඝාතනයන්වලට පළිගැනීමක් ලෙස කරන්දෙණිය සුද්දාට දැනෙන්නට වරුෂ විතානගේ ඝාතනය සිදුකර තිබේදැයි විමර්ශන කණ්ඩායම් සැකකරයි. ඒ සම්බන්ධයෙන් තොරතුරු පොලිස් විශේෂ කාර්ය බළකාය සහ විශේෂ පොලිස් කණ්ඩායම් කිහිපයක්ම සොයා බලමින් සිටින බව පොලිස් තොරතුරු අනාවරණය කළා.
තවමත් මෙම වෙඩි තැබීම සම්බන්ධයෙන් නිශ්චිත තොරතුරක් ලැබී නැති බවත් පැති කිහිපයක් ඔස්සේ විමර්ශන පවත්වන බවත් ඇල්පිටිය කොට්ඨාසයභාර ජ්‍යෙෂ්ඨ පොලිස් අධිකාරී ලකී රන්දෙණිය පැවැසීය.
වෙඩි ප්‍රහාරයකින් ඝාතනය වූ වරුෂවිතාන මිරන්ත පසුගිය පළාත් පාලන මැතිවරණයේදී අම්බලන්ගොඩ නගර සභාවට සමගි ජන බලවේගය පක්ෂයෙන් ඉදිරිපත් කරන ලද අතිරේක නාමයෝජනා ලැයිස්තුවේ සිටින අයෙකි. ඔහුට අම්බලන්ගොඩ ධීවර වරායේ බහුදින ධීවර යාත්‍රා දෙකක් ඇති බවටද අනාවරණය වී තිබෙනවා.
පාතාල අපරාධකරුවෙක් වූ ලොකු පැටීගේ රුපියල් කෝටි 33ක කළු සල්ලි සුදු කිරීම සම්බන්ධයෙන් අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසය මගින් පසුගිය දා අත්අඩංගුවට ගනු ලැබූවේ මොහු සභාපතිධුරය දරන මෝදර දේවාල‍යේ කපුවායි.
වෙඩික්කරුවන් පැමිණ ඇති මෝටර් රථය කරන්දෙණිය එගොඩවිල ප්‍රදේශයේ දමාගොස් තිබියදී පොලිස් විශේෂ කාර්ය බළකාය විසින් වෙඩි තැබීමෙන් පැයක් යන්නට මත්තෙන් සොයා ගන්නා ලදි. මෙම මෝටර් රථය රක්ෂණ සමාගමකට අයත් එකක් බව අංක තහඩුවලට අනුව අනාවරණය වී ඇත. එම අංක තහඩු ව්‍යාජ ඒවාදැයි තහවුරුකර ගැනීමට ද විමර්ශන පැවැත්වෙනවා.
ගාලු දිසාභාර නියෝජ්‍ය පොලිස්පති ජගත් සේරම්, ඇල්පිටිය ජ්‍යෙෂ්ඨ පොලිස් අධිකාරි ලකී රන්දෙණිය යන මහත්වරුන්ගේ උපදෙස් මත අම්බලන්ගොඩ පොලීසිය විමර්ශන පවත්වයි.
දිනමිණ පුවත්පත ඇසුරෙන්..
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
