7 Views
පාර්ලිමේන්තු මන්ත්‍රි නාමල් රාජපක්ෂ අත්අඩංගුවට ගැනීම දේශපාලන පළිගැනීමක් බව පාර්ලිමේන්තු මන්ත්‍රී ඩලස් අලහප්පෙරුම පවසනවා.
හිටපු ජනාධිපති මහින්ද රාජපක්ෂගේ බත්තරමුල්ල කාර්යාලයේ අද කැඳවා තිබූ මාධ්‍ය හමුවකට එක්වෙමිනුයි ඔහු මේ බව කියා සිටියේ.
එම අවස්ථාවට පාර්ලිමේන්තු මන්ත්‍රිවරුන් වන මහින්දානන්ද අලූත්ගමගේ, රංජිත් සොයිසා, ජොන්ස්ටන් ප්‍රනාන්දු, රෝහිත අබේගුණවර්ධන, ඇතුලූ ඒකාබද්ධ විපක්ෂයේ මන්ත්‍රිවරුන් රැසක් එක්ව සිටියා.
ඔවුන් අද උදෑසන රක්ෂිත බන්ධනාගාර ගත කර සිටින නාමල් රාජපක්ෂ මන්ත්‍රීවරයාගේ සුවදුක් විමසීමෙන් අනතුරුවයි මෙම මාධ්‍ය හමුව කැඳවා තිබුණේ.
එහිදී පාර්ලිමේන්තු මන්ත්‍රී මහින්දානන්ද අලූත්ගමගේ කියා සිටියේ ඒකාබද්ධ විපක්ෂයේ මන්ත්‍රිවරුන් 51 දෙනාම සිරගත කළත් රජයට එරෙහිව ගෙනයන අරගලය අඛන්ඩව සිදුකරන බවයි.
මේ අතර, නාමල් රාජපක්ෂ මන්ත්‍රීවරයාගේ සුව දුක් විමසීම සඳහා හිටපු ජනාධිපති මහින්ද රාජපක්ෂද අද පස්වරුවේ මැගසින් බන්ධනාගාරයට ගොස් තිබුණා.
අද පෙරවරුවේ හිටපු ජනාධීපති ආර්යා ශිරන්ති රාජපක්ෂ සහ නාමල් රාජපක්ෂ මන්ත්‍රීවරයාගේ සොහොයුරන් වන යෝෂිත සහ රෝහිත රාජපක්ෂ ද එහි පැමිණි බව සඳහන්.
පසුව මාධ්‍ය වෙත අදහස් දැක්වූ රෝහිත රාජපක්ෂ කියා සිටියේ සිරගෙදර දැන් පුරුදු තැනක් වී ඇති බවයි.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
