මහින්ද රාජපක්ෂ කරපු වැරදි වලට ප්‍රසිද්ධියේ සමාව ගත් හැටි - වීඩියෝ සහිතයි - Former President Mahinda Apologise To People; Pledges Not To Repeat Past Mistakes - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Apr

මහින්ද රාජපක්ෂ කරපු වැරදි වලට ප්‍රසිද්ධියේ සමාව ගත් හැටි - වීඩියෝ සහිතයි

3 Views

‘‘මගේ වැරදි තිබුණා, වැරදිකරපු අය සමහරු අපි නිදහස් කළා,
සමහරු කරපු වැරදිවලට අපි දඩුවම් කළේ නැහැ. අපි ඒවා වසන් කරන්න හැදුවා‘‘

වැරදිකරුවන් ආරක්ෂා කිරීම තමන් අතීතයේ කළ වරදක් බව, හිටපු ජනාධිපති මහින්ද රාජපක්ෂ මහතා පවසනවා. ඔහු සදහන් කළේ තවදුරටත් එවැනි වැරදි සිදු නොකිරීමට වගබලා ගන්නා බවයි.

හම්බේගමුවේ පැවති පුණ්‍යොත්සවයකට එක්වෙමින් මහින්ද රාජපක්ෂ මහතා මේ බව සදහන් කළා. අනතුරුව ජන හමුවක්ද පැවති අතර එම අවස්ථාවට ඌව පළාත් හිටපු මහ ඇමති ශෂීන්ද්‍ර රාජපක්ෂ මහතාද එක්ව සිටියා.

මෙහිදී අදහස් දැක්වූ මහින්ද රාජපක්ෂ මහතා...

මට ඊයේ තෑග්ගක් ගෙනත් දුන්නා. අල්ලස් කොමිසමට මට එන්න කියලා. මම බැලුවා මොකටද ඒ කියලා. බලනකොට මම අල්ලසක් දීලා. තිස්ස අත්තනායක මහත්තයාට කැබිනට් ඇමතිකමක් දීලා. මේ වගේ විහිළු තමයි අද අපිට දකින්න තියෙන්නේ. ප්‍රශ්න කිරීම්, පළිගැනීම්, මේ බෝධි පූජාවේ බලයෙන් ඔවුන්ගේ හිත්වල තියෙන ක්‍රෝධය නැතිවෙලා, වෛරය නැතිවේවා කියලා ප්‍රාර්ථනා කරනවා. දැන් මේවා කතා කරලා හෙට යනකොට තවත් ලියුමක් ගෙනත් දෙයිද දන්නේ නැහැ. මම වැරදි නැහැ කියන්නේ නැහැ. මගේ වැරදි තිබුණා. වැරදිකරපු අය සමහර ඒවායෙන් අපි නිදහස් කළා. අපි බලපෑම් කරලා. ඒක තමයි ඒක වරදක්. සමහර අය කරපු වැරදිවලට අපි දඩුවම් කළේ නැහැ. අපි ඒවා වසන් කරන්න හැදුවා. මම හිතනවා මම කරපු වරද මේක. තමුන්නාන්සේලාගෙන් ඒ ගැන සමාව ඉල්ලන ගමන් මම තමුන්නාන්සේලාට කියනවා තවත් නම් ඒ වැරදි කරන්න මම සූදානම් නැහැ කියලා. එතකොට ඉතින් හුගක් අය යාවි. අපිට බනීවි. මොනවා වුණත් අපේ ඉතිහාසය අමතක කරන්න එපා. අපි ශ්‍රී ලංකා නිදහස් පක්ෂයට ආදරෙයි. පක්ෂය කියන්නේ ඩාලි පාරේ තියෙන කාර්යාලයවත්, අත ලකුණවත් නෙමෙයි. ඒක මේ රටේ ගොවි කම්කරු පංචමහා බලවේග එකතුවෙන තැන. එතන තමයි ශ්‍රී ලංකා නිදහස් පක්ෂය තියෙන්නේ කියන එක පැහැදිලිවම මම කියනවා.

මෙහි වීඩියෝව පහතින් නරඹන්න...