පෙම් පටලැවිල්ල නිසා දිවි නසාගත් පන්නල මව හා දියණියගේ මරණයන් ගැන සැකයක් - Mother And Daughter Death Love Case Update 2 - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Dec

පෙම් පටලැවිල්ල නිසා දිවි නසාගත් පන්නල මව හා දියණියගේ මරණයන් ගැන සැකයක්

5 Views

ගෙල වැළලාගත් මවගේ කකුල් බිම ගෑවෙනවලු
ලියපු ලියුම් ගැනත් පරීක්ෂණ

කුලියාපිටිය - පන්නල - හාවානෙළිය ප්‍රදේශයේ නිවසක් තුළ දී මවක් සහ දියණියක් ගෙළ වැළලාගෙන මියයාම සැක සහිත බව ඔවුන්ගේ ඥාතීන් සහ ප්‍රදේශවාසීන් පවසනවා.

ඊයේ පෙරවරුවේ සිය නිවසේ ස්ථාන දෙකකදී මෙලෙස ගෙළ වැළලාගෙන මිය ගොස් සිටියේ 45 හැවිරිදි මව සහ 20 හැවිරිදි ඇගේ දියණියයි. නිවසේ කාමරයක තිබී දියණියගේ සිරුර සොයා ගැනුණු අතර, පිටත පිහිටි මඩුවක තිබී මවගේ සිරුර සොයා ගත්තා. මව එල්ලී සිටින ආකාරය අනුව ඇයගේ කකුල් බිම ගෑවෙන බවයි ඥාති කාන්තාවක් පවසා සිටියේ.

එසේම නිවසේ තිබී ඔවුන් දෙදෙනාගෙන් එක් අයෙකු ලියන ලද ලිපියක් ද හමුවී ඇති අතර, පොලීසිය සදහන් කළේ අදාළ ලිපිය අනුව පරීක්ෂණ ආරම්භ කර ඇති බවයි. එහි මවද අත්සන් කර ඇති බවට ඥාති කාන්තාවක් පවසා සිටියා.

මිය ගොස් සිටි 20 හැවිරිදි තරුණිය, තරුණයෙකු සමඟ ප්‍රේම සබදතාවක් පවත්වාගෙන ගොස් ඇති අතර, ඔහු ඊයේ රාත්‍රියේ මෙම නිවසේ රැදී සිට තිබෙනවා. අදාළ තරුණයා විටින් විට තරුණියට අඩත්තේට්ටම් සිදුකළ බවයි ඥාතීන් ප්‍රකාශ කළේ.

මෙම කරදර හිරිහැර දරාගන්නට බැරිතැන ඔවුන් දිවිනසාගන්නට ඇතැයි ඥාතීන් සැක පලකරනවා.

‘‘කසාදේ ඉක්මන් කරන්නැයි කොල්ලෙක් ඇවිත් හැමදාම රණ්ඩු කරනවා‘‘ - පෙම් පටලැවිල්ලක් නිසා එල්ලී මැරුණු මව හා දියණිය ගැන ගම්මු කියන කතාව