11 Views
අනුරාධපුර සමාජශාලාවකදී ඝාතනය කෙරුණු වසන්ත සොයිසාගේ මරණයට සම්බන්ධ බවට සැකකෙරෙන එස් එෆ් ලොකූ හා ඔහුගේ ගෝලයින් පසුගියදා අධිකරණය හමුවේ පෙනී සිටියා. එම අවස්ථාවේදී අධිකරණ භූමියට ඔවුන් 37 දෙනා රැගෙන ආවත් ඔවුන් රැඳවීමට එහි ඉඩ පහසුකම් නොතිබී තිබෙනවා.
මෙම නඩුව අනුරාධපුර ප්රධාන මහෙස්ත්රාත් අධිකරණය හමුවේ පසුගිය 23වනදා පෙරවරු 9.30ට මුල්ම නඩුව ලෙස කැඳවූ අවස්ථාවේ පැමිණිල්ල වෙනුවෙන් පෙනී සිටීමට අනුරාධපුර මූලස්ථාන ප්රධාන පොලිස් පරීක්ෂකවරයා හෝ වෙනත් පොලිස් පරීක්ෂකවරයකු විවෘත අධිකරණයේ පෙනී නොසිටීම අධිකරණයේ දැඩි දෝෂ දර්ශනයට ලක්ව තිබෙනවා.
එමෙන්ම මහෙස්ත්රාත් කලංසූරිය මහතා නඩුව දහවල් 12.45ට යළි කැඳවීමට නියෝග කරමින් අනුරාධපුර මූලස්ථාන ප්රධාන පොලිස් පරීක්ෂකවරයාට හෝ වෙනත් පොලිස් පරීක්ෂකයෙකුට එකී වේලාවේ අධිකරණය හමුවේ පෙනී සිටින ලෙසට නියෝග කළේය.
නඩුව දහවල් 12.45 දක්වා කල් තැබීම නිසා සැකකරුවන් අධිකරණයට රැගෙන ආ බන්ධනාගාර නිලධාරීන් අපහසුතාවට පත්ව සිටින අයුරු දක්නට ලැබිණ. ඒ මෙම නඩුවට අදාළ සැකකරුවන් 37 දෙනා වෙනත් නඩුවලට අදාළ සැකකරුවන් සහ අනෙකුත් පිරිස් සමඟ අධිකරණ සිර මැදිරියේ හෝ විවෘත අධිකරණයේ තබා ගැනීමට ඉඩකඩ ප්රමාණවත් නොවීම නිසාය. පසුව මෙම නඩුවේ සැකකරුවන් 37 දෙනා යළි අනුරාධපුර බන්ධනාගාරයට රැගෙන ගොස් අධිකරණය පසුව කළ දැනුම්දීමක් අනුව පස්වරු 3.15ට යළි අධිකරණයට රැගෙන ඒමට බන්ධනාගාර නිලධාරීන් කටයුතු කළේය.
ඒ අනුව පස්වරු 3.15ට මෙම නඩුව යළි කැඳවූ අවස්ථාවේ අනුරාධපුර මූලස්ථාන ප්රධාන පොලිස් පරීක්ෂක මහතා විවෘත අධිකරණය හමුවේ පෙනී සිටිමින් මෙම නඩුවට තමාට හෝ වෙනත් පොලිස් පරීක්ෂකවරයකුට මුල් අවස්ථාවේ අධිකරණය හමුවේ පෙනී සිටීමට නොහැකිවීම පිළිබඳ අධිකරණයෙන් සමාව අයැද සිටියේය. මෙහිදී මූලස්ථාන ප්රධන පොලිස් පරීක්ෂකවරයා අමතමින් මහෙස්ත්රාත්වරයා පැවැසුවේ මෙම නඩුවට ජ්යෝෂ්ඨ පොලිස් නිලධාරියකු පැමිණීම සෑම නඩු දිනයකම අධිකරණය අනිවාර්ය කොට සලකන බවයි.
පොලිසිය මෙම සියලු සැකකරුවන් අධිකරණයට ඉදිරිපත් කර ඇත්තේ අයුතු ජන රාශියක නියැළීම, කුමන්ත්රණය කිරීම, අයුතු ඇතුළු වීම, මිනී මැරීම, මිනී මැරීමට තැත් කිරීම, මිනී මැරීමට ආධාර අනුබල දීම බරපතළ සහ සුළු තුවාල සිදු කිරීම, තර්ජනය කිරීම, දේපොළවලට අලාභහානි සිදු කිරීම, බිය වැද්දීම, මුදල් කොල්ල කෑම, භාණ්ඩ පැහැර ගැනීම යන චෝදනා යටතේයි. වසන්ත සොයිසා මහතා ඝාතනය කිරීම සම්බන්ධයෙන් පොලිසිය මෙතෙක් සිදු කළ විමර්ශනවලදී අපරාධයට යොදා ගත් බවට සැකකෙරෙන භාණ්ඩ 61ක් සොයා ගෙන ඇති අතර එම භාණ්ඩ 61 නඩු භාණ්ඩ ලෙස නම් කර තිබේ.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
