එක් රැයකින් ලෝකයේම අවධානය දිනූ 9 හැවිරිදි පිරිමි දරුවා අවුරුදු 18ක තරුණයෙක්ද? ඔහු මුදල් ලබාගන්න රඟපෑවාද? - සමාජ මාධ්‍ය කැළඹූ කතාවේ ඇත්ත නැත්ත මෙන්න - Video & Photos - Quaden's Bayles' Mother Slams Conspiracy Theories That Her Bullied Nine-year-old Boy Is Actually An 18-year-old Man - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Feb

එක් රැයකින් ලෝකයේම අවධානය දිනූ 9 හැවිරිදි පිරිමි දරුවා අවුරුදු 18ක තරුණයෙක්ද? ඔහු මුදල් ලබාගන්න රඟපෑවාද? - සමාජ මාධ්‍ය කැළඹූ කතාවේ ඇත්ත නැත්ත මෙන්න - Video & Photos

2 Views

ලෝකය වටෙන්ම දරුවාට ඩොලර් 440 000ක පරිත්‍යාග ලැබිලා..

"ඒ අපහාස ඇත්තටම ඉතා පිළිකුල් සහගතයි.."

"ඔව් ඔහුට නවයයි. ඔහුගේ හැඬිම විහිළුවක් නෙවෙයි.."

ක්වේඩන් බේල්ස් කියන්නෙ ඕස්ට්‍රේලියාවේ ස්වදේශික පවුලක ඉන්න අවුරුදු 9ක පුංච් දරුවෙක්.

ක්වේඩන්ගෙ අම්මා පසුගියදා අන්තර්ජාලයට නිකුත් කරපු වීඩියෝවක් නිසා මෙයා ගැන ලෝකයේ බොහෝ දෙනා අවධානය යොමු වෙලා තියෙනවා.

මේ පුංචි දරුවා උපතින්ම කුරු එහෙමත් නැත්නම් මිටි පුද්ගලයෙක්. ශාරීරික වෙනස්කම නිසා පාසලේ යාලුවෝ හැමදාම මෙයාව සමච්චලයට ලක් කරනවා.

ඉතින් මේ වෙද්දි ක්වේඩන් තමන්ට ජීවිතය නැති කරගන්න ඕනි කියන තත්වයට පත් වෙන්න තරම් මානසිකව වැටිලා ඉන්න බව ඔහුගේ මව කියන්නෙ ඇඬූ කඳුලින්.

කොහොම වුනත් මානසික පීඩනයට ගොදුරු වුන මේ පුංචි ක්වේඩන්ගෙ වීඩියෝව ලොව පුරා මිලියන ගණනක් සංවේදී මිනිසුන්ගේ අවධානය දිනා ගන්න සමත් වෙලා තිබෙනවා.

හියු ජැක්මන් වැනි ප්‍රසිද්ධ චරිත පවා මේ පොඩ්ඩාව දිරිමත් කිරීමේ අරමුණින් ඔහු වෙනුවෙන් තමන් සහ තවත් බොහෝ දෙනා සිටින බව කියන වීඩියෝ අන්තර්ජාලය එක් කරල තිබුණා.

එතැනින් නොනැවතුන අමෙරිකානු විකට නළුවෙක් වන බ්‍රැඩ් විලියම්ස් විසින් ක්වේඩන්ට ඩිස්නිලන්ත සවාරියක් එක්කන් යන්න ආධාර එකතු කරන්න GoFundMe පිටුවක් ආරම්භ කරල තිබුණා.

ඩිස්නිලන්තයට යන්න අවශ්‍ය අමෙරිකානු ඩොලර් 10 000ක් එකතු කිරීම ඔහුගේ අරමුණ වුනත් ලෝකෙ පුරා ඉන්න ආදරණීය මිනිස්සු ගොඩක් එකතු වෙලා මේ වෙනකොට ඩොලර් 440 000 පමණ ලබා දී තිබෙන බව විලියම්ස් තමන්ගෙ ට්විටර් ගිණුමේ සඳහන් වෙනවා.

මේ සියළු අමතර මුදල් මෙවැනි වෙනස්කම් සහිත දරුවන්ගේ අවශ්‍යතා වලට යොදවන්නත් විලියම්සන් බලාපොරොත්තුවෙන් ඉන්නවා.

විලියම්සන්ගේ මේ උත්සාහය එක්ක ලොව ප්‍රසිද්ධ පුදගලයන් සහ සමාගම් ක්වේඩන්ට උදව් කරන්නත් ඔහුව දිරිමත් කරන්නත් ඉදිරිපත් වෙලා ඉන්නවා.

ෆිජි ගුවන් සමාගම ක්වේඩන්ගේ ඩිස්නිලන්ත සවාරියට නොමිලේ ගුවන් ටිකට්පත් දෙන්න පොරොන්දු වෙලා තිබෙනවා.

ඒ වගේම ලෝක රෙස්ලිං තරු කීපයක්ම ක්වේඩන්ව WrestleMania වෙත කැඳවාගෙන යන්න කැමැත්ත පළ කරල තිබෙනවා.

හොඳයි... මේ කතන්දරත් එක්ක අන්තර්ජාලය පුරාම වෛරසයක් වගේ පැතිරුණු තවත් කතාවකට බොහෝ දෙනෙකුගේ අවධානය යොමු වුණා.

එනම්, මෙම 9 හැවිරිදි දරුවාව යොදවාගෙන ඔහුගේ මව මුදල් උපයා ගැනීමේ ජාවාරමක නිරත වන බවත්, සැබෑ ලෙසින්ම මේ දරුවා 9 හැවිරිදි නොවන අතර ඔහුගේ සැබෑ වයස අවුරුදු 18ක් බවයි, මෙම කතාවෙන් කියවුණේ.

ලෝකයේ වගේම ලංකාවේත් බොහෝ පිරිසක් මේ පුවතත් එක්ක කැළඹිලා ගියා කිව්වොත් හරි. ඒ මොකද ඒ වෙනකොටත්... ලෝකය පුරාම ඉන්න සංවේදී හදවත් ඇති පිරිස් මේ දරුවා වෙනුවෙන් පෙළ ගැහුණු නිසා.

ඉතින් ඇත්තටම මේ දරුවා කළේ බොරුවක්ද? ඇත්තටම ඔහු 18 හැවිරිදි අයෙක්ද?

බ්‍රිතාන්‍යයේ dailymail වෙබ් අඩවියේ පසුගිය දවසක මේ සම්බන්ධයෙන් වන ලිපියක් පළ කර තිබුණා.

ඒ අනුව මේ සියල්ලම ඔහුගේ නම භාවිතා කරමින් සකස් කරනු ලැබූ ව්‍යාජ පුවත් බවයි සඳහන් වන්නෙ. එම පුවත් අනුව, විවිධ ව්‍යාජ ගිණුම් මඟින් 9 හැවිරිදි ක්වේඩන් බේල්ස් 18 හැවිරිදි තරුණයෙකු ලෙස හඳුන්වා දී තිබුණු අතර ඔහු ප්‍රාථමික සිසුවෙකු නොවන බවත් සඳහන් වුණා.

මෙම අපහාසයන් දරාගත නොහැකි වූ තැන ක්වේඩන් බේල්ස්ගේ මව විසින්, සමාජ මාධ්‍යවල සටහනක්ද තබා තිබුණා.

එක් කාන්තාවක් මේ සඳහා ප්‍රතිචාර දක්වමින් කියා සිටියේ,

"ඔව් ඔහුට නවයයි. ඔහුගේ හැඬිම විහිළුවක් නෙවෙයි. ඔහු නළුවෙක් හෝ නිරූපණ ශිල්පියෙක් නෙවෙයි. ඔහුගේ මව මේ දේ සමාජ මාධ්‍යයට මුදා හැරියේ දරුවාගේ හිරිහැර ගැන කෝපයට පත් වූ නිසාමයි. ඇය කවදාවත් මුදල් ඉල්ලුවේ නෑ.."

කෙසේ වෙතත්, ක්වේඩන් බේල්ස් යනු සැබෑවටම කවුද යන්නත්, ඔහු ව්‍යාජ ලෙස මුදල් ඉපැයීමක නිරත වන්නෙක්ද යන්නත් සමාජ මාධ්‍ය ඔස්සේ තවමත් විවාදයට ලක් වෙමින් පවතිනවා.

සංසරණය වන තවත් කට කතාවක් වන්නෙ, ක්වේඩන් බේල්ස් සත්‍ය වශයෙන්ම වීඩියෝවේ රඟදැක්වීමක් කරන්නේ ඔහුගේ මේ සැබෑ ස්වරූපය හෙළි වූ පසුව බවයි.

තමන්ගේ පුතා වෙනුවෙන් එක්රැස් වන මුදල්, ඩිස්නිලන්තයේ නිවාඩුව සඳහාත්, ඉතිරිය පුණ්‍යාතන, එනම්... විශේෂ අවශ්‍යතා සහිත දරුවන් සඳහාත් ලබා දෙන බවයි, ක්වේඩන් බේල්ස් ගේ මව මාධ්‍ය වෙත සඳහන් කර සිටින්නේ.

කෙසේ වෙතත්, සමාජ මාධ්‍ය ඔස්සේ මිලියන තුනකට වැඩි වාර ගණනක් නරඹා ඇති මේ විඩියෝව නිරූපණයක් හෝ රඟදැක්වීමක් හෝ නොවන බවයි ඔහුගේ මව වැඩිදුරටත් පවසන්නේ.