බස් එකේ බෙල් එක ගහන්න නැගිට්ට තවත් මවක් බසයෙන් එළියට - Mother Falling In Bus - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Mar

බස් එකේ බෙල් එක ගහන්න නැගිට්ට තවත් මවක් බසයෙන් එළියට

3 Views

ගිනිගත්හේන කොත්තැල්ලෙන සිට හැටන් දක්වා ධාවනයවූ ලංගම බස්රථයෙන් බැසීමට බස්රථයේ සීනුව නාදකළ එක්දරු මවක් බස්රථයේ ඉදිරිපස දොරටුවෙන් බීමටවැටී තුවාල ලබා වටවල රෝහලට ඇතුලත්කර තිබෙනවා.

ඊයේ (22) පස්වරු 3 ට පමණ මෙම අනතුර සිදුවී ඇත්තේ හැටන් කොළඹ ප්‍රධාන මාර්ගයේ වටවල රොසැල්ල ප්‍රදේශයේදීය.

දින දාසයක් (16) වයසැති තම සිඟිතිය අසනීප තත්වයෙන් සිටි නිසා දින තුනක් රෝහලේ නේවාසිකව ප්‍රතිකාර ලැබීමෙන් පසු සිය මව සමඟ රොසැල්ල ටෙම්පල්ස්ටෝ වත්තේ තම නිවසට යෑම සඳහා වටවල රෝහල අසලින් බස්රථයට ගොඩවී යමින් සිටියදීයි මෙම අනතුරට මුහුණපා ඇත්තේ.

සිඟිතිය තම මව අතට භාරදී දෙදෙනාම බස්රථයේ අසුන්ගෙන බස්රථයේ ගමන් කරන අවස්ථාවේදී රොසැල්ල ප්‍රදේශයේදී බස් රථයෙන් බැසීමට නැගිට සීනුව නාදකළ අවස්ථාවේ තමන් බස්රථයේ ඉදිරිපස දොරටුවෙන් බීට වැටුණු බවයි අනතුරින් තුවාල ලබා වටවල රෝහලේ නේවාසිකව ප්‍රතිකාර ලබන සිවාජී ගනේෂන් (අවු.22) පවසන්නේ.

මෙම අනතුරින් තුවාල ලැබූ කාන්තාවගේ මව වන පෙරුමාල් අන්ජලී පවසන්නේ බස්රථයෙන් බැසීමට සීනුව නාදකළ අවස්ථාවේ බස්රථයෙන් බීමට වැටී ප්‍රදේශවාසීන්ගේ සහයෝගය ඇතිව ඇයව රෝහල් ගත කළ බවයි. තුවාල ලබා සිටින කාන්තාව නාවලපිටිය මූලික රෝහලට මාරුකර යැවීමට කටයුතු කර ඇති අතර බස්රථයේ රියදුරා වටවල පොලීසිය මගින් අත්අඩංගුවට ගෙන ඇති අතර ඔහුව හැටන් මහේස්ත්‍රාත්වරයා වෙත ඉදිරිපත් කරන බවයි වටවල පොලීසිය පවසන්නේ.