13 Views
මුදල කෝටි දොළහමාරක්ලු
රුපියල් මිලියන 125 ක අල්ලසක් ගැනීමේදී රේගු නිලධාරීන් 03 දෙනෙකු කොළඹ - පංචිකාවත්ත ප්රදේශයේදී අල්ලස් කොමිසම ඊයේ (15) අත්අඩංගුවට ගත්තා. මෙම වැටලීම මෙතෙක් අල්ලස් කොමිසම විසින් සිදුකළ විශාලම වැටලීම බවයි අධ්යක්ෂ ජනරාල්වරිය වැඩිදුරටත් කියා සිටියේ.
එම කොමිසමේ අධ්යක්ෂ ජනරාල් නීතිඥ දිල්රුක්ෂි ඩයස් වික්රමසිංහ සඳහන් කළේ ලංකා ගමනාගමන මණ්ඩලයට අමතර කොටස් ලබාගැනීමේ ගණුදෙනුවකට අදාළව මෙම අල්ලස් ගැනීම සිදුවී ඇති බවයි.
සිද්ධිය සම්බන්ධයෙන් රේගු අධිකාරීවරයෙකු ඇතුළු රේගු නිලධාරීන් 03 දෙනෙකු මෙලෙස අත්අඩංගුවට ගෙන තිබෙනවා. ලංකා ගමනාගමන මණ්ඩලයට වාහන අමතර කොටස් සපයනු ලබන මෙම ව්යාපාරිකයා විසින් රජයට ගෙවිය යුතු රුපියල් කෝටි 150 බදු මුදල නිදහස් කිරීම සඳහා මෙම අල්ලස් මුදල ලබාගෙන තිබේ.
මෙම රේගු නිලධාරීන් අදාළ ව්යාපාරිකයාගෙන් පළමුව රුපියල් කෝටි 15 ක අල්ලස් මුදලක් ඉල්ලා ඇතැයි ඔහු විසින් අල්ලස් හෝ දූෂණ විමර්ශන කොමිසමට කරනු ලැබූ පැමිණිල්ලේ සඳහන්ව ඇතැයි අල්ලස් හෝ දූෂණ චෝදනා විමර්ශන කොමිසමේ අධ්යක්ෂ ජෙනරාල් ඩිල්රුක්ෂි ඩයස් වික්රමසිංහ මහත්මිය පැවසා තිබේ.
මොවුන් අත්අඩංගුවට ගැනීමේ උපායක් ලෙස රුපියල් කෝටි 12 1/2 මුදලක් අල්ලස් ලෙස ලබාදීම සඳහා කැමැති කරවාගෙන අල්ලස් හෝ දූෂණ කොමිසමේ නිලධාරීන්ගේ උපදෙස් මත කොළඹ පංචිකාවත්තට ගෙන්වා අදාළ මුදල ලබාගනිද්දීම අත්අඩංගුවට ගත් බවද ඇය සඳහන් කළාය.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
