මොරගොඩදී අයියාට අලි ප්‍රහාරය එල්ලවන හැටි ඇසින් දුටු නංගී කියන කතාව - වීඩියෝ - Elephant Attack To Child In Moragoda - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Jun

මොරගොඩදී අයියාට අලි ප්‍රහාරය එල්ලවන හැටි ඇසින් දුටු නංගී කියන කතාව - වීඩියෝ

7 Views

අයියා පාර පනින්න ගිය ගමන්, එතකොට අලියා පාරෙන් මාරු වුණා.
අලියා ඇඟඋඩින් ගියාට පස්සේ අලියා හොඩවැල රවුම් කරලා, දික් කළා අයියාගේ බෙල්ලට.

අනුරාධපුර - ශ්‍රාවස්තිපුර -මොරගොඩ ප්‍රදේශයේ දී ඊයේ (15) අලුයම ඉසුරු සම්පත් නම් වූ 12 හැවිරිදි දරුවෙකු වන අලි ප්‍රහාරයකට ලක්වුණා. ඒ, සිය මව සමග පාසලට යමින් සිටියදීයි.

ඔවුන් ගමන්ගත් මාර්ගයට පැමිණි වනඅලියා පාසල් සිසුවා හොඩවැලෙන් ඇද විසි කර දමා පාගා ඇති අතර, පසුව මවගේ කෑ ගැසීම හමුවේ වනඅලියා පළා ගොස් තිබෙනවා.

සිද්ධියෙන් බරපතල තුවාල ලැබූ ඉසුරු සම්පත්, තලාව රෝහලට ඇතුළත් කිරීමෙන් අනතුරුව වැඩිදුර ප්‍රතිකාර සදහා අනුරාධපුර ශික්ෂණ රෝහලට මාරුකර යැවුණා.

මෙම වන අලි ප්‍රහාරය මූලික කරගනිමින් මොරගොඩ ප්‍රදේශවාසීන් අද උද්ඝෝෂණයක නිරත වූයේ අනුරාධපුර - කුරුණෑගල ප්‍රධාන මාර්ගයද අවහිර කරමින්. එහිදී ඔවුන් චෝදනා කළේ, තමන් වසර 20ක් පුරා මුහුණ දෙන මෙම ගැටලුවට විසඳුම් ලෙස අලි වැටක් ඉදිකෙරුණද, එය නිසි ප්‍රමිතියෙන් තොර බවටයි.

උද්ඝෝෂණය හේතුවෙන් පැය කිහිපයක් මාර්ගයේ ගමනාගමනයට බාධා සිදුවූ අතර, එහිදී රියදුරන් සහ ප්‍රදේශවාසීන් අතර ද උණසුම් තත්ත්වයක් ඇතිවුණා.

විරෝධතාවයේ නිරත පිරිස මාර්ගයෙන් ඉවත් කිරිමට පොලීසිය ගත් උත්සාහයද සාර්ථක වූයේ නැහැ. පසුව අනුරාධපුර ප්‍රදේශය බාර වනජීවි නිලධාරීවරයෙකු එම ස්ථානයට පැමිණියත් ඔහුට ද ප්‍රදේශවාසීන්ගෙන් එල්ල වූයේ දැඩි විරෝධයක්.

වීඩියෝව පහතින් නරඹන්න...