278,757 Views
කොස්තාපල්වරුන් දෙදෙනෙකුත් තුවාල ලබා රෝහල්ගත කරයි...
මධූෂ්ගේ මරණ පරීක්ෂණ කටයුතු සිද්ධ වෙන්නෙ මෙහෙමයි..
සංවිධානාත්මක අපරාධ කල්ලි නායකයකු වන සමරසිංහ ආරච්චිලාගේ මධුෂ් ලක්ෂිත හෙවත් මාකඳුරේ මධූෂ් මත්ද්‍රව්‍ය ජාවාරම්කරුවන් පිරිසක් සහ පොලිසිය අතර සිදු වු වෙඩි හුවමාරුවකදී ජීවිතක්ෂයට පත්ව තිබෙනවා.
පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා ප්‍රකාශ කලේ මත්ද්‍රව්‍ය වැටලීමක් සඳහා මාළිගාවත්ත ප්‍රදේශයේ සිදුකළ මෙහෙයුමක් අතරතුරදී මෙම වෙඩි හුවමාරුව සිදුව ඇති බවයි.
අද අළුයම 4.00 ට පමණ මෙම වෙඩිහුවමාරුව සිදුව ඇත්තේ මාළිගාවත්ත - ඇපල්වත්ත - ලක්සෙත සෙවන නිවාස සංකීර්ණය අසලදී.
බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා ප්‍රකාශ කලේ, කොළඹ අපාරාධ කොට්ඨාසය භාරයේ පසු වු මාකඳුරේ මධුෂ් එහි නිලධාරීන්ගේ අනුදැනුම මත මත්ද්‍රව්‍ය ජාවාරම්කරුවන් පිරිසකට දුරකථන ඇමතුමක් ලබා දුන් බවයි.
ඔහු අදාළ නිවාස සංකීර්ණයට පැමිණෙන බව එහිදී දැනුම් දී තිබෙනවා.
ඔහු හරහා තවත් මත්ද්‍රව්‍ය සොයාගැනීමක් සදහායි මෙම මෙහෙයුම සැලසුම් කෙරුණේ.
මාකදුරේ මධුෂ් පොලිසිය සමග එම ස්ථානයට ගිය අවස්ථාවේදී අදාළ ජාවාරම්කරුවන් පොලිසිය දෙසට වෙඩි තබා තිබෙනවා.
ඒ සමග පොලිසිය ද මත්ද්‍රව්‍ය ජාවාරම්කරුවන්ට ප්‍රති ප්‍රහාර එල්ල කර තිබුනා.
මෙම වෙඩිහුවමාරුවේදී කොළඹ අපරාධ කොට්ඨාසයේ පොලිස් කොස්තාපවරුන් දෙදෙනෙකු තුවාල ලබා කොළඹ ජාතික රෝහලට ඇතුලත් කර තිබෙනවා.
අදාල සිදුවීමේදී ගිනි අවි හා හෙරෙයින් මත්ද්‍රව්‍යය කිලෝ 22ක් පොලිස් භාරයට ගෙන තිබෙනවා.
මේ අතර, අද පෙරවරුවේ මධුෂ්ගේ බිරිඳ ද කොළඹ ජාතික රෝහල පරිශ්‍රයට පැමිණ සිටි බවයි අප වාර්තාකරුවන් සදහන් කලේ.
වෙඩි ප්‍රහාරවලින් තුවාල ලැබු පොලිස් නිලධාරීන් දෙදෙනා මේ වනවිට කොළඹ ජාතික රෝහලේ ප්‍රතිකාර ලබමින් පසුවනවා.
එක් අයෙකුගේ පාදයකට සහ අනෙක් පොලිස් නිළධාරයාගේ පපු ප්‍රදේශයේ සුළු තුවාල පවතින බවයි ජාතික රෝහලේ ප්‍රකාශකයෙකු හිරු ප්‍රවෘත්ති වෙත ප්‍රකාශ කලේ.
වෙඩි හුවමාරුව අතරතුරදී ජීවිපත්ෂයට පත් වු මාකදුරේ මධුෂ්ගේ පශ්චාත් මරණ පරික්ෂණය මේ වනවිට ආරම්භ කර තිබෙනවා.
ඒ අළුත්කඩේ අංක 04 අතිරේක මහේස්ත්‍රාත් කාංචනා නෙරංජලා ද සිල්වාගේ ප්‍රධානත්වයෙන්.
මෙරටින් පළාගොස් ඩුබායි රාජ්‍යයේ සිට මෙරට මනුෂ්‍ය ඝාතන, මත්ද්‍රව්‍ය ජාවාරම් ඇතුළු දරුණු ගණයේ අපරාධ රැසක් මෙහෙය වු මාකදුරේ මධුෂ් එරටදී පොලිස් අත්අඩංගුවට පත්වන්නේ 2019 වසරේ පෙබරවාරි මස 05 වැනිදායි.
මධුෂ් ඇතුළු 31 දෙනෙකු එරට තරු පන්තියේ හෝටලයක් තුල සාදයක් පවත්වමින් සිටි අතරතුර එරට පොලිස් අත්අඩංගුවට ගනු ලැබුවා.
පසුව ඩුබායි රාජ්‍යයෙන් පිටුවහල් කළ මධුෂ් මෙරටට රැගෙන එනු ලබන්නේ 2019 මැයි මස 05 වනදායි.
කටුනායක බණ්ඩාරනායක ජාත්‍යන්තර ගුවන් තොටුපොළේදී අපාරාධ පරීක්ෂණ දෙපාර්තමේන්තුව මගින් අත්අඩංගුවට ගනු ලැබුවා.
පසුව දීර්ඝ කාලයක් අපරාධ පරීක්ෂණ දෙපාර්තමේන්තුව භාරයේ සිටි මධුෂ් පසුගිය සිකුරාදා වැඩිදුර විමර්ශන සදහා කොළඹ අපරාධ කොට්ඨාසය වෙත භාරදුන්නා.
Make a Comment
Make a Comment
මෙන්න බලන්න තවත් ගොසිප්
Hot Gossip
Recent Gossip Post
නැගලා යන ගොසිප්
