Jun
27
128 Views
මේ දිනවල රට පුරා පවතින අයහපත් කාලගුණයත් සමඟ ලංකාව දැඩි ඩෙංගු අධි වසංගත තත්ත්වයකට මුහුණ දෙමින් සිටින බවට සෞඛ්ය අංශ අනතුරු අඟවනවා..
වසරේ මේ දක්වා ගත වූ කෙටි කාලය තුළ පමණක් මෙරටින් වාර්තා වී ඇති සමස්ත ඩෙංගු රෝගීන් සංඛ්යාව 50,000 සීමාවත් අතික්රමණය කරමින් 50,459ක් දක්වා භයානක ලෙස ඉහළ ගොස් ඇති බවයි වාර්තා වන්නේ.
වඩාත්ම කනගාටුදායක තත්ත්වය වන්නේ, මේ වන විට ඩෙංගු මාරයාට බිලි වූ අහිංසක ජීවිත සංඛ්යාව 30ක් දක්වා ඉහළ ගොස් තිබීමයි. මේ පිළිබඳව අදහස් දක්වමින් ජාතික ඩෙංගු මර්දන ඒකකයේ ප්රජා වෛද්ය විශේෂඥ ප්රශිලා සමරවීර මහත්මිය සඳහන් කළේ, පවතින අධි අවදානම් තත්ත්වය හමුවේ දිවයින පුරා දැවැන්ත ඩෙංගු මර්දන වැඩසටහන් අඛණ්ඩව ක්රියාත්මක කිරීමට පියවර ගෙන ඇති බවයි.
මේ අතර, මහනුවර දිස්ත්රික් ලේකම් කාර්යාලයේ පැවැති විශේෂ ඩෙංගු මර්දන කමිටු රැස්වීමේදී මධ්යම පළාත් සෞඛ්ය සේවා අධ්යක්ෂ වෛද්ය කුමුදු බණ්ඩාර මහතා විසින් රටම කම්පා කරවන සංවේදී අනාවරණයක් සිදු කර තිබෙනවා. ඒ වෙන කිසිවක් නොව, මහනුවර දිස්ත්රික්කයේ අපේ දරු දැරියන් ඉගෙනුම ලබන පාසල්වලින් සියයට 59කම (59%) ඩෙංගු මදුරුවන් බෝ වන ස්ථාන ඉතා බහුලව හඳුනාගෙන තිබීමයි...
අපේ අනාගතය බඳු දරුවන් ගැවසෙන පාසල් පවා මෙලෙස මදුරු තිප්පොළවල් බවට පත්වීම දෙමාපියන්ගේ දැඩි කනස්සල්ලට හේතු වී තිබෙනවා. සෞඛ්ය අංශ ජනතාවගෙන් දැඩිව ඉල්ලා සිටින්නේ තමන්ගේ අවට පරිසරය පිරිසිදුව තබා ගනිමින් මේ මාරාන්තික වෛරසයෙන් තමන්ගේත්, තම දරුවන්ගේත් ජීවිත ආරක්ෂා කර ගැනීමට වහාම පියවර ගන්නා ලෙසයි.
Make a Comment
Make a Comment..
Follow Us
මෙන්න බලන්න තවත් ගොසිප්
රෝගීන් ගණන 50,000ට ආසන්න වෙද්දී, ඩෙංගු මඩින්න විශේෂ වැඩපිළිවෙළ රැසක්.. ඔබත් මේ ගැන අවදානයෙන්ද..?
290 Views
පැය 24ක් ඇතුළත රිය අනතුරු වාර්තා නොකළොත් දැඩි දඬුවම්... නියෝජ්ය පොලිස්පතිගෙන් දැනුම්දීමක්...
369 Views
Hot Gossip
Recent Gossip Post
Follow Us
නැගලා යන ගොසිප්
