අවුරුදු සමරලා කොළඹට එන ජනතාවට මෙන්න විශේෂ ආරංචියක් - Transport - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Apr

අවුරුදු සමරලා කොළඹට එන ජනතාවට මෙන්න විශේෂ ආරංචියක්

131 Views

සිංහල දෙමළ අලුත් අවුරුද්දට ගම්බිම් බලා ගිය ජනතාවට යළි සේවා ස්ථාන කරා පැමිණීම සඳහා රජයෙන් විශේෂ ප්‍රවාහන සේවා රැසක් ක්‍රියාත්මක කර තිබෙනවා.

අවුරුදු සතුට ඉවර කරලා යළි කොළඹ බලා එන ජනතාවට ප්‍රවාහන අපහසුවක් ඇති නොවෙන්නයි මේ පියවර ගෙන තිබෙන්නේ.

ජාතික ගමනා ගමන කොමිෂන් සභාවේ අධ්‍යක්ෂ ෂෙරීන් අතුකෝරල මහත්මිය සඳහන් කළේ, සියලුම පළාත් කේන්ද්‍ර කර ගනිමින් විශේෂ බස් රථ සේවා තවදුරටත් ක්‍රියාත්මක බවයි. විශේෂම දේ තමයි, අවුරුදු රෂ් එක අස්සේ මගීන්ගෙන් නියමිත ගාස්තුවට වඩා වැඩිපුර මුදල් අය කරන බස් රථ සොයා විශේෂ වැටලීම් ද ආරම්භ කර තිබීම. ඒ නිසා වැඩිපුර සල්ලි ගන්න හිතන බස් හිමියන්ට නම් මේ දවස්වල වැඩ වරදින්න ඉඩ තියෙනවා.

මේ අතර දුම්රියෙන් ගමන් කරන ජනතාව වෙනුවෙන් අද සහ හෙට (19) දිනවල විශේෂ දුම්රිය වාර කිහිපයක්ම එක් කර තිබෙන බව ශ්‍රී ලංකා දුම්රිය සේවය පවසනවා.

දුම්රිය සාමාන්‍යාධිකාරී අසංක සමරසිංහ මහතා අද කොළඹ පැවති ප්‍රවෘත්ති සාකච්ඡාවකදී කියා සිටියේ, සාමාන්‍ය දුම්රිය කාලසටහනට අමතරව මේ විශේෂ දුම්රිය ධාවනය කෙරෙන බවයි.

ඉතින්, ගම්වල ඉඳන් ආයෙත් වැඩට එන්න බලාගෙන ඉන්න අයට දැන් බස් හෝ කෝච්චියෙන් කිසිම කරදරයක් නැතුව කොළඹට එන්න අවස්ථාව ලැබෙනවා.