20 Views
අද (27) දවස ඇතුළත ලංකාවේ ප්රදේශ කිහිපයකටම වැසි සහ තද සුළං ඇති වෙන්න පුළුවන් කියලා කාලගුණ විද්යා දෙපාර්තමේන්තුවෙන් නිවේදනයක් නිකුත් කරලා තියෙනවා.
අද දවසේ උතුර, නැගෙනහිර සහ ඌව පළාත්වලට වගේම පොලොන්නරුව, මාතලේ සහ නුවරඑළිය පැත්තටත් වැසි ස්වල්පයක් ලැබෙන්න ඉඩ තියෙනවා. හැබැයි දකුණේ අයත් පරිස්සම් වෙන්න ඕනේ. ගාල්ල, මාතර, රත්නපුර සහ කළුතර දිස්ත්රික්කවලට පස්වරු 2.00න් පස්සේ ගිගුරුම් සහිත වැසි වැටෙන්න ලොකු ඉඩක් තියෙනවා.
මධ්යම කඳුකරයේ නැගෙනහිර බෑවුම්වලටත්, උතුරු පළාත, හම්බන්තොට සහ මොනරාගල පැත්තටත් විටින් විට පැයට කිලෝමීටර් 40ක විතර තද සුළං හමන්න පුළුවන්. ඒ නිසා එළියේ යන එනකොට ටිකක් අවධානයෙන් ඉන්න එක හොඳයි.
අද උදේ කාලයේ බස්නාහිර, සබරගමුව, මධ්යම සහ බදුල්ල, ගාල්ල, මාතර ප්රදේශවල අලුයම් කාලයේ සෑහෙන්න මීදුම් සහිත තත්ත්වයක් තිබුණා කියලා වාර්තා වෙනවා. වාහන පදවන අය මේ ගැන විශේෂයෙන් සැලකිලිමත් වෙන්න ඕනේ.
කාලගුණ දෙපාර්තමේන්තුව විශේෂයෙන්ම මතක් කරන්නේ, ගිගුරුම් සහිත වැසි එක්ක එන තාවකාලික තද සුළං සහ අකුණු අනතුරු ගැන ගොඩක් පරිස්සම් වෙන්න කියලා. අකුණු ගහන වෙලාවට අනතුරු අවම කරගන්න පියවර ගන්න එක හැමෝගෙම ආරක්ෂාවට හොඳයි.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
