22 Views
ධනවත් සහ ප්රසිද්ධ පුද්ගලයන්ට පමණක් සීමා වූ සුරතල් සතුන් ක්ලෝන කිරීම ගැන අමෙරිකාවේ ඔස්ටින් නුවර පදිංචි සමාජ මාධ්ය කළමනාකාරිනියක වන කෙලී ඇන්ඩර්සන් ප්රකාශයක් කරලා තියෙනවා.
ඇය පවසන්නේ මෙම ක්රියාවලිය ධනවත් අයට පමණක් සිමා වූ ක්රියාවලියක් නොවන බවයි.
36 හැවිරිදි ඇන්ඩර්සන්, මියගිය තම සුරතල් පූසා වූ චායි (Chai) ක්ලෝන කිරීම සඳහා ඩොලර් 25,000ක මුදලක් වැය කරලා තියෙනවා.
විශේෂම කාරණය තමයි ඒ සඳහා ඇය ණයක් ලබා ගත් බවද ඇය විවෘතව ප්රකාශ කිරීම.
ඒ වගේම ඇය තම වත්මන් ක්ලෝන කරන ලද පූසා වන බෙල් (Belle) සමඟ ගත කරන ජීවිතය පිළිබඳව 'Clone Kitty' වෙබ් අඩවිය ඔස්සේ වාර්තා කර තිබෙනවා.
සුප්රසිද්ධ පුද්ගලයන් වන ටොම් බ්රේඩි සහ බාබරා ස්ට්රයිසන් ද තම සුරතලුන් ක්ලෝන කළ බව ලෝකය දැන සිටියද, සාමාන්ය පුද්ගලයින් ද මෙම ක්රියාවලිය කරන බව තේරුම් නොගන්නා බව ඇන්ඩර්සන් කියලා තියෙනවා.
ඇන්ඩර්සන් පවසන්නේ ඇගේ මියගිය පූස් සුරතලා ක්ලෝන කිරීම තමා මෙතෙක් ගත් හොඳම තීරණවලින් එකක් කියලා.
ඇත්තටම ඇයි මේ චායිගේ ජීවිතය අනපේක්ෂිත ලෙස කෙටි වුණේ.?
රෑග්ඩෝල් වර්ගයේ පූසෙකු වූ චායි සත්කාරකවරයෙකුගේ අධීක්ෂණය යටතේ සිටියදී ආහාර කවරයක් තුළ තිබූ ප්ලාස්ටික් කැබැල්ලක් ගිල දැමීම නිසා අසනීපනයට පත් වුණා. සතියකට පසු එය සොයා ගත් අතර ප්ලාස්ටික් ඉවත් කිරීම සඳහා සිදු කළ ශල්යකර්මයෙන් චායි දිවි ගලවා ගත්තද, නිර්වින්දනයට අහිතකර ලෙස ප්රතිචාර දැක්වීමෙන් පසු ඇය මිය ගියේ මාස 5කට පමණ පසුවයි.
චායිගේ මරණයෙන් පසු රාත්රියේ නිදිමරාගෙන ක්ලෝනකරණය ගැන පර්යේෂණ කළ ඇන්ඩර්සන් එය චායිගේ උරුමය ඉදිරියට ගෙන යාමට ඇති හොඳම විකල්පය බව වටහා ගෙන තියෙනවා. ඇය විද්යාල ජීවිතයේදී අගභාගයේදී මානසික සෞඛ්ය ගැටලු සහ මානසික අවපීඩනය සමඟ පොරබදමින් සිටි අවධියකදීයි චායි ඇගේ ජීවිතයට ඇතුළු වූයේ.
"වෙනත් කිසිම සතෙකුට නොතේරුණු ආකාරයෙන් ඇය මා සමඟ ක්ෂණිකව මිතුරු වී මගේ හැඟීම් තේරුම් ගත්තා" යැයි ඇන්ඩර්සන් පවසනවා. ඇන්ඩර්සන් 2017 ඔක්තෝබර් මාසයේදී චායිගේ මරණයෙන් ටික කලකට පසු ක්ලෝනකරණ ක්රියාවලිය ආරම්භ කිරීම සඳහා ඊට අදාළ සමාගම සම්බන්ධ කර ගත්තා.
ක්ලෝනය පෙර සතාගේ පෞරුෂය ඇති නිවැරදි පිටපතක් නොවන බවට සමාගම ඇයට අනතුරු ඇඟවූ අතර, ඇන්ඩර්සන් ද දැන සිටියේ බෙල් නිශ්චිත පිටපතක් නොව, අනන්ය නිවුන් දරුවෙකු වැනි වනු ඇති බවයි. 2021 ඔක්තෝබරය වනවිට චායිගේ ක්ලෝන් පිටපත වූ බෙල් ඇන්ඩර්සන්ගේ අතටම ලැබිලා තියෙනවා කියලා තමයි සඳහන් වෙන්නේ.
Make a Comment
Make a Comment..
Follow Us
මෙන්න බලන්න තවත් ගොසිප්
අමාත්යාංශ ලේකම්ගේ අණත් නොතැකූ දුම්රිය ලොක්කා කවුද? අද රෑ ඇරඹෙන මහා වර්ජනයේ ඇත්ත කතාව මෙන්න!
844 Views
අපූරු කලා පරපුරකින් රටක් හැඩකර, දශක හතක සුමිහිරි මතක ඉතිරිකළ දයා නෙල්ලම්පිටියගේ අභිමානවත් කලා චාරිකාව.
1,140 Views
Hot Gossip
Recent Gossip Post
Follow Us
නැගලා යන ගොසිප්
