රුධිරයේ හිමොග්ලොබින් මට්ටමට යහපත් බලපෑමක් ඇතිකිරීමේ හැකියාවක් නිවිති වලට ඇති නිසා, ලේ අඩුකම කියන රෝගී තත්ත්වයෙන් පෙලෙන පුද්ගලයින්ට නිවිති දිව ඔසුවක් කිවුවොත් හරියටම හරි.
නමුත් මොලයේ සෛල වලට යහපත් බලපෑමක් ඇතිකිරීමේ හැකියාවක් නිවිති වලට ඇති බව ඔබ දැන සිටියාද?
දවසකට වරක් හෝ දෙවතාවක් නිවිති හෝ බොකුටු ගෝවා වැනි එළවළු අනුභව කළ පුද්ගලයින්, පළා වර්ග වන් එළවළු අනුභව නොකළ පුද්ගලයින්ට වඩා අවම මානසික ප්රතිගාමීත්වයකින් යුතුව බව චිකාගෝ විශ්වවිද්යාලය විසින් සිදුකරනු ලැබූ පර්යේෂණයකදී අනාවරණය වී තිබෙනවා.
ඒ අනුව ,කුමන අධ්යාපන මට්ටමකින් යුතු වූවාත්, මොන විදියේ ජීවන රටාවක් ගත කළත් සහ මොනවගේ ජාන නැඹුරුතාවයක් තිබුණත් ඒවා කිසිවක් මීට බලපාන්නේ නැති අතර, මෙම පර්යේෂණයේ ප්රතිඵල සියලූම දෙනාට එකසේ අදාළ වෙනවා.
එම පර්යේෂණයේදී, විවිධ වයස් කාණ්ඩ වල පුද්ගලයින් 1,000 දෙනෙක් පමණ විශ්ලේෂණයට භාජනය කර තිබුණා. නිවිති වැනි පළා වර්ග එළවළු වර්ග අනුභව කල පුද්ගලයින්ගේ මොළය අනෙකුත් පුද්ගලයින්ට වඩා අවුරුදු 11කින් පමණ තරුණ වී ඇති බව එහිදී වැඩිදුරටත් සනාත වී තිබෙනවා.
තවද , නිවිති වැනි පළා , එළවළු වර්ග අනුභව කිරීමේදී මොළයේ සෛල වඩාත් හොඳින් සහ වේගවත්ව අලූත්වැඩියා වෙන බව තමයි එම පර්යේෂණයෙන් සනාත වී තිබෙන්නේ.
ඒ නිසා , මෙවැනි විශ්මිත ගුණ ඇති නිවිති වැනි පළා වර්ග එළවළු ඔබේ එදිනෙදා ආහාරයට එකතු කර ගන්නට අමතක කරන්න එපා.