386 Views
ෆේස්බුක් එකෙන් සෙට් වෙලා, කවුරුත් දන්නේ නෑ කියලා හිතාගෙන හොර රහසේ දාපු සුපිරි පාටියක් අන්තිමේදී කෙළවර වුණේ පොලිස් කූඩුවෙන්!
තෙල්දෙණිය, දිගන අලුත්වත්ත පැත්තේ හෝටලයක සති අන්තයේ අමුතුම විදියේ සාදයක් ලෑස්ති කරලා තිබුණා. දිවයිනේ එක එක පැතිවලින් ආපු කොල්ලෝ කෙල්ලෝ සෙට් එකක් තමයි මේකට එකතු වෙලා හිටියේ. සද්දෙට මියුසික් දාලා, මත්පැන්, බියර් විතරක් නෙවෙයි තහනම් මත්ද්රව්යත් මේ පාටිය ඇතුළේ ඕනෑ තරම් සංසරණය වෙලා තියෙනවා කියලයි ආරංචිය.
හැබැයි ඉතින් සාදය උපරිමයෙන්ම නැගලා යන වෙලාවේ තමයි කවුරුත් නොහිතපු දේ සිද්ධ වුණේ. තෙල්දෙණිය පොලිස් ස්ථානාධිපති ප්රධාන පොලිස් පරීක්ෂක එම්. ඩී. චන්ද්රපාල මහතාට ලැබුණු රහසිගත තොරතුරකට අනුව පොලිස් කණ්ඩායමක් එකපාරටම හෝටලය වටලන්න පියවර ගත්තා.
එකපාරටම කඩාපැන්න පොලිසිය දැකලා පාටියේ හිටපු අයට තරු විසිවෙන්න ඇති! එතැනදී තරුණියන් 5 දෙනෙකු සහ තරුණයින් 38 දෙනෙකු ඇතුළුව 43 දෙනෙකුම අතටම මාට්ටු කරගන්න පොලිසියට හැකිවුණා. ඒ වගේම හෝටල් කාමර සහ සාදය තිබූ තැන පරීක්ෂා කරද්දී තිබුණු තහනම් මත්ද්රව්ය තොගයකුත් පොලිස් භාරයට ගත්තා.
විනෝද වෙන්න කියලා ෆේස්බුක් පාටි දාගෙන නීති විරෝධී වැඩ කරන්න ගියපු මේ 43 දෙනාටම දැන් සිද්ධ වෙන්නේ අධිකරණ වෛද්ය නිලධාරියා හමුවට ගිහින් ඊළඟට තෙල්දෙණිය මහේස්ත්රාත් අධිකරණයට මුහුණ දෙන්නයි.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
