768 Views
මේ කියන්න යන්නේ නම් ඇත්තටම අපි හැමෝටම වැදගත් දෙයක්.. වකුගඩුවක් ලැබෙන තෙක් රෝගියෙකුගේ ජීවිතය රැක ගැනීමට අවස්ථාවක්..
අමෙරිකාවේ වෛද්යවරුන් විසින් ඌරෙකුගෙන් ලබාගෙන මිනිස් සිරුරකට බද්ධ කරන ලද වකුගඩුවක් දින 271ක කාලයක් සාර්ථකව ක්රියාත්මක වූ පුවතක් පිළිබඳව තොරතුරු වාර්තා වෙනවා.
මෙය වෙනත් ජීවී විශේෂයකින් ලබාගත් අවයවයක් මිනිස් සිරුරක් තුළ මෙතරම් දීර්ඝ කාලයක් සක්රියව පැවති ප්රථම අවස්ථාව ලෙස වාර්තා අතරට එක්වෙනවා.
මැස් ජෙනරල් බ්රිගම් රෝහලේ වෛද්ය කණ්ඩායම විසින් මෙම බද්ධ කිරීම සිදුකර ඇත්තේ ටිම් ඇන්ඩෲස් (Tim Andrews) නැමැති රෝගියාටයි.
මෙම සාර්ථකත්වයත් සමඟ, මානව වකුගඩුවක් ලැබෙන තෙක් රෝගියෙකුගේ ජීවිතය රැක ගැනීමට මෙලෙස සතුන්ගේ අවයව තාවකාලිකව භාවිතා කළ හැකි බවයි වෛද්යවරු පෙන්වා දෙන්නේ.
අවසානයේදී එම වකුගඩුව අක්රිය වීම නිසා ඉවත් කිරීමට සිදු වූ අතර, මානව දායකයෙකුගෙන් අලුත් වකුගඩුවක් ලැබෙන තෙක් ඔහුට කෙටි කාලයකට නැවත ඩයලිසිස් සේවාව ලබා ගැනීමට සිදුව ඇති බවයි වාර්තා වෙන්නේ.
මෙම අත්දැකීම පිළිබඳව අදහස් දක්වමින් ටිම් ඇන්ඩෲස් සඳහන් කළේ, ඩයලිසිස් යන්ත්රයකට වී සතිපතා රෝහල් ගත වීමට තිබූ පීඩනයෙන් මිදී මාස ගණනාවක් නිදහසේ ජීවත් වීමට මෙම සත්ත්ව වකුගඩු බද්ධය තමාට මහත් බලාපොරොත්තුවක් ලබා දුන් බවයි.
ලොව පුරා පවතින දැඩි මානව අවයව හිඟයට පිළියමක් ලෙස වෙනත් විශේෂයන්ගේ අවයව මිනිසුන්ට බද්ධ කිරීමේ (Xenotransplantation) පර්යේෂණ මේ වන විට වේගවත් කර තිබෙනවා.
ඇමරිකාවේ පමණක් වකුගඩු බද්ධ කිරීම් සඳහා 100,000කට ආසන්න පිරිසක් පොරොත්තු ලේඛනයේ සිටින අතර, වසරකට සිදුවන්නේ බද්ධ කිරීම් 25,000ක් වැනි සුළු සංඛ්යාවක්.
පොරොත්තු ලේඛනයේ ඉහළටම පැමිණීමට වසර 7ක් පමණ ගත වන නමුත්, ඩයලිසිස් මත ජීවත් විය හැක්කේ සාමාන්යයෙන් වසර 5ක් වැනි කාලයක් බැවින් මෙවැනි නව වෛද්ය සොයාගැනීම් දහස් සංඛ්යාත රෝගීන්ගේ ජීවිත රැක ගැනීමට මඟපාදනු ඇති බවයි වාර්තා වෙන්නේ.
Make a Comment
Make a Comment..
Follow Us
මෙන්න බලන්න තවත් ගොසිප්
"මම සෑම විටම මගේ උපරිමය ලබා දුන්නා, මෙය තමයි නිවැරදිම මොහොත... '' ලියොනල් මෙසී සමුගැනීමේ සටහන තබයි..
760 Views
ලෝක අවම වේතන ලැයිස්තුවෙන් ශ්රී ලංකාවට 120 වෙනි තැන.... ඉන්දියාවත් ලංකාවට වඩා ගොඩක් ඉස්සරහින්
1,072 Views
Hot Gossip
Recent Gossip Post
Follow Us
නැගලා යන ගොසිප්
