ඔත්පල වූ පියා සහ දරු පවුල රැක බලා ගන්නා දාහත් හැවිරිදි දියණියක් සහ බුදු පුතෙකු ගැන මාතලෙන් ඇහෙන සංවේදී කතාවක් - Photos - Mathale Family Sad Story - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Sep

ඔත්පල වූ පියා සහ දරු පවුල රැක බලා ගන්නා දාහත් හැවිරිදි දියණියක් සහ බුදු පුතෙකු ගැන මාතලෙන් ඇහෙන සංවේදී කතාවක් - Photos

2 Views

මව දුරබැහැර පලාතකට ගොස් ඇඟළුම් කම්හලක සේවය කරනවා.....

දිනකට එක වේලක් සරිකරගන්නවා...

ඔත්පල වූ පියා සහ දරු පවුල රැක බලා ගන්නා දාහත් හැවිරිදි දියණියත් සහ දාහතර හැවිරිදි කුඩා සාමණේර හිමි නමක් සිටින දුක් මුසු පුවතක් මාතලේ විල්ගමුව නුගගොල්ල ග්‍රාමයෙන් වාර්තා වනවා.

මෙම නිවසේ දරුවන් හතර දෙනෙකු සහ මව පියා ජීවත්ව සිටිය දී හදිසියේ හඳුනා නොගත් රෝගයකින් පියා ඔත්පළ වී තිබෙනවා.

මව දුරබැහැර පලාතකට ගොස් ඇඟළුම් කම්හලක සේවය කරන අතර දරුවන් රැක බලා ගැනීම පියා හට උවටැන් කිරීම ආදී සියලු කටයුතු පැවරී ඇත්තේ දාහත් හැවිරිදි දියණියට සහ දාහතර හැවිරිදි කුඩා සාමණේර හිමි නමකටයි.

මෙම සුවිශේෂී වූ දාහත් හැවිරිදි ගීශානි දිල්මි කුමාර නායක සිසුවිය සාමාන්‍ය පෙළ විභාගය සමත්ව උසස් පෙළ විභාගයට පෙනී නොසිට තම පියාට වේලක් හැර වේලක් උයාපිහා ලබා දී සිය දස හැවිරිදි සහ අට හැවිරිදි මලනුවන් සහ නැගණියන් රැක බලා ගැනීම සිදු කරනවා.

මහනුවර ප්‍රදේශයේ විහාරස්ථානයක මීට දෙවසරකට ඉහත දී මහණදම් පුරන්නට ගිය මෙම පවුලේ දෙවැනියා වූ දාහතර හැවිරිදි සාමනේර හිමි නමක වූ විල්ගමුවේ ශාසනාලෝක පොඩි හාමුදුරුවෝ ද නිවසට පැමිණ සිටිව අතර උන්වහන්සේ ලෙඩ ඇඳේ වැතිරී සිටින සිය පියාගේ පිරිසිදු කිරීම් ආදී කටයුතු සිදුකරමින් සිටිනවා.

දිනකට එක වේලක් සරිකරගන්නා මෙම දරුවන්ගේ අධ්‍යාපනය ද අතරමග නැවතී යෑමේ දැඩි අවදානමක පසුවන බව මෙම නිවසේ භාරකාරීත්වය රැගෙන ක්‍රියාකරන දිල්මි පවසනවා.

ඇවිද ගැනීමට නොහැකිව දැඩි අසාධ්‍ය තත්වයේ පසුවන මෙම දරුවන්ගේ පියා වන ආර් කේ .ජී .සද්ධාතිස්ස කුමාරනායක (40 ) හැවිරිදි පියාට අප වාර්තාකරු ඇතුළු පිරිසක් විසින් රෝදපුටුවක් ලබා දීමට ගිය අවස්ථාවේ දී මෙම පවුල පිළිබඳව තොරතුරු අනාවරණය වී තිබෙනවා.

මෙම නිවසේ සියලු අවශ්‍යතා ඉටු කරන ගීෂානි දිල්මි ඔවුන් සමග පවසා තිබෙන්නේ සහෝදර සහෝදරියන්ට සහ පියාට එක වේලක් ආහාර පිස දී ඇතැම් විට තමා කුසගින්නේ සිටින බවයි.

කුසගින්නේ සිටීම හුරු වී ඇති බවද ඇය දැඩි සිත් වේදනාවෙන් යුතුව පවසා තිබෙනවා. පාසල් ගමන අතරතුරදී තමන් ඇඟළුම් කම්හලක සේවය කරමින් මෙම පවුල තම පවුල ජීවත් කළ බවත් එහෙත් එහිදී විවිධ දුෂ්කරතාවයන් වලට මුහුණ පෑමත් සමඟ තම මව එම ඇඟලුම් කම්හලේ සේවයට යවා තමන් සහෝදර සහෝදරියන් සහ පියා රැකබලාගෙන මෙම නිවසේ රැඳී සිටින බවද ඇය වැඩිදුරටත් පවසනවා.

මසකට වරක් සිය මව නිවෙසට පැමිණෙන බවත් එතෙක් ප්‍රදේශයේ අවට පදිංචිකරුවන් ගෙන් ලැබෙන යම්කිසි ආහාරයකින් වේල සරි කර ගැනීම සිදුකරන බවත් එක කාමරයකින් යුත් නිවසේ දැඩි දුෂ්කරතා මධ්‍යයේ ජීවත් වන බව ඇය පවසනවා.

තම පියාට සිදුව ඇති රෝගය පිළිබඳව විවිධ ස්ථානවලට ගොස් ප්‍රතිකාර ගත්තද සුව නොවූ බවද ඇය හැඬූ කඳුළින් පවසන අතර මෙම නිවසේ පදිංචිව සිටින පිරිසට ආහාර පාන වලින් මෙන්ම ඇඳුම් පැළඳුම් වලින් වැසිකිළි කැසිකිළි පහසුකම් වලින් විවිධාකාරයේ අඩුපාඩු රැසක් පවතින අයුරුද දක්නට ලැබෙනවා.

පියා සහ දරුවන් රැක බලා ගන්නා මෙම දාහත් හැවිරිදි දියණියට 14 හැවිරිදි මහන දම් පුරන කුඩා සාමනේර හිමිට ඔබේ උදව් අවැසිම මොහොතකි මේ .

ලිපිනය - ආර් කේ .ජී .සද්ධාතිස්ස කුමාරනායක,80 යාය ,නුගගොල්ල ,සෝනුත්ත, මාතලේ - දුරකථන අංකය 071 39 88883