5 Views
"මම ඒ තීරණය ගත්තේ මගේ සැමියා ගැන හිතලා තමයි.."
"මට බොහෝ දෙනෙක් කිව්වා ඒ මෝඩ තීරණය නම් ගන්න එපා කියලා.."
ගීතිකා රාජපක්ෂ කියන්නේ පුංචි තිරයෙන් විවිධ චරිත ඔස්සේ දැකගන්න ලැබෙන රංගන ශිල්පිණියක්. නිරන්තරයෙන්ම රූපවාහිණියේ පෙනී නොසිටියත් ඉදහිට දකින්න ලැබෙන චරිතවලින් ඈ ප්රේක්ෂකයින්ගේ හිත දිනා ගන්න සමත් වෙනවා. විවාහයත් එක්ක සිමා වුණු රංගන ජීවිතය ගැන හා අලුත් තොරතුරු කතා කරන්න ඇය මේ විදිහට අපිත් එක්ක එකතු වුනා. මේ ගීතිකා ගැන තොරතුරුයි.
ගීතිකාත් කොරෝනා එක්ක නිවසට කොටු වෙලා ඉන්න ඇති නේද..?
ඔව්. ඒ දවස්වල තමයි මමයි සැමියයි එකට හිටපු සතුටුම කාල සීමාව. වැඩ පටන්ගත්තම එයා කාර්යබහුලයි. මමත් කාර්යබහුලයි. අපි දෙන්නට කතා කරන්නවත් වෙලාවක් නැහැ. සමහර දවස්වල එයා ගෙදර එන්නේ පාන්දර දෙකට විතර. ඒ ඇවිත් පැයභාගයක් අනිවාර්යයෙන්ම නිවුස් බලනවා. ඒ අතරතුර තමයි අපි කතාබහ කරන්නේ. ඊට පස්සේ මම උදෙන්ම ජොබ් එකට යනවා. මම රජයේ රැකියාවක් කරන්නේ. ඒ අතරතුර තමයි නිර්මාණවලට සම්බන්ධ වුණේ .
ඔබ රැකියාවක් කරනවට සැමියා අකමැතියි කියන්නේ ඇත්තද..?
එයා මගෙන් ඇහුවා කවදද අයින් වෙන්නේ කියලා. ඒ නිසා මම තීරණයක් ගත්තා රැකියාවෙන් අයින් වෙනවා කියලා. මොකද එයා මගෙන් එහෙම අහන්න ඇත්තේ එයාගේ හිත ඇතුලේ ඒ ප්රශ්නය තිබ්බ නිසා වෙන්න ඇති . එයත් කාර්යබහුල වෙලා මමත් කාර්යබහුල වුනෙත් අපිට සතුටින් ජිවත් වෙන්න වෙලාවක් හොයා ගන්න බැරි වෙනවා. මට පවුල් ජිවිතේ වටින නිසා හිතුවා මම රැකියාවෙන් ඉවත් වෙනවා කියලා.
රජයේ රැකියාවකින් ඉවත් වෙන එක ගැන කණගාටුවක් නැද්ද..?
මගේ අම්මා රජයේ රැකියාවක් කරන කෙනෙක් නිසා අම්මා නිතරම බලාපොරොත්තු වුනේ මමත් රජයේ රැකියාවක් කරයි කියලා. විශ්රාම වැටුපක් ලබන එක ලොකු දෙයක්. ඒ නිසයි මමත් රජයේ රැකියාවක් කලේ. ඒත් මගේ හස්බන්ඩ් කැමති නැහැ මම කාර්යබහුල වෙනවා. ඒ නිසා හිත හදාගෙන අයින් වෙනවා. මට බොහෝ දෙනෙක් කිව්වා ඒ මෝඩ තීරණය නම් ගන්න එපා කියලා. නමුත් ඒ තීරණය ගන්න වෙනවා. මුල්ම නෙමෙයි ජිවිතේ කියන්නේ.
ඒ කියන්නේ සැමියා රඟපෑමටත් නීති දාලා ඇති..?
කොහෙත්ම නැහැ. එයාව මට ලැබෙන්න කලින් තමයි මම නිලියක් වුනේ. මම රඟපෑමට කැමතියි කියලා දන්නවා. ඒ නිසා ඒකට නීතිරීති දන්නේ නැහැ. තෝරාබේරාගෙන වැඩ කරන්න පුළුවන්. එයත් කැමතියි. මගේ හස්බන්ඩ් මාලින්ද දික්මාදුගොඩ. එයා ඡායාරූප ශිල්පියෙක්. ඒ නිසා එයා කාර්යබහුලයි.
විවාහ වෙලා තික කාලයක් වෙනවා නේද..?
ඔව්. 2016 වර්ෂයේ අගෝස්තු මාසේ විවාහ වුනේ. නොදැනිම අවුරුදු හතරක් ගෙවිලා ගියා. ඉතුරු කාලෙත් සතුටින් ජිවත් වෙන්න ඕන. හැමදේටම වඩා මම මුල්තැන දෙන්නේ මගේ විවාහ ජිවිතේට.
කොහොමද රඟපෑම් කටයුතු..?
පසුගිය කාලයේ ටෙලි ෆිල්ම් එකක් කළා. ඒක හිරු නාලිකාවේ විකාශය වෙයි. ඊට අමතරව මිහිර සිරිතිලක අයියගේ අලුත් ටෙලි නාට්යකට සම්බන්ධ වුනා. පිටපටත් මිහිර අයියගේ. නොදන්න කවුරු හරි ලග හිටියා නම් මට පිස්සු කියලා හිතයි. ඒ තරම්ම පිටපත බලද්දී හිනා යනවා. ඒක ලස්සන වැඩක්. ඊට අමතරව හොද නිර්මාණ ලැබුණොත් ඉදිරියේදී රංගනයෙන් දායක වෙනවා.
ජිම් යන්නේ රල්ලටද..?
නැහැ. ඇඟ ලස්සනට හා නිරෝගිව තියා ගන්න තමයි මම ජිම් යන්නේ. ඒ අතරතුර කෑමබීම ගැනත් පරිස්සම් වෙනවා. නැත්තම් බඩ එනවා. දවල්ට බත් ටිකක් කළා රෑට බිත්තර එළවලු තම්බලා කනවා. යෝගට් එකක් හැටි කළා බඩගින්නේ ඉන්නවා. උදේටත් සැහැල්ලු ආහාරයක් ගන්නේ.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
