මල් හිනාවකින් වහගත්ත සුදීක්ෂාගේ රිදුණු හිත! අතහැරීමේ සැනසුම ගැන කියූ අපූරු කතාව. - Sudeeksha Samadhi - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Sep

මල් හිනාවකින් වහගත්ත සුදීක්ෂාගේ රිදුණු හිත! අතහැරීමේ සැනසුම ගැන කියූ අපූරු කතාව.

634 Views

ශ්‍රී ලාංකේය කලා ක්ෂේත්‍රය තුළ සිටින අතිශය දක්ෂ වගේම රූමත් රංගන ශිල්පිණියක් තමයි සුදීක්ෂා සමාධි කියන්නේ.

ඇයගේ රංගන කුසලතාවයට වගේම, ඒ සුන්දර රූපයටත් ආදරය කරන විශාල ප්‍රේක්ෂක පිරිසක් ලංකාව පුරාම සිටිනවා.

සමාජ මාධ්‍ය තුළ නිතරම ක්‍රියාකාරී වෙන සුදීක්ෂා, පසුගියදා ඇගේ මුහුණුපොතට අපූරු ඡායාරූප පෙළක් එක් කර තිබුණා. එම ඡායාරූපවල ඇය සුපුරුදු පරිදිම ඉතාමත් ලස්සනට, සිත් ඇදගන්නා සුළු හිනාවකින් මුව සරසාගෙනයි සිටියේ. හැබැයි මේ සුන්දර ඡායාරූප පෙළට ඇය යොදා තිබුණු සටහන නම් බොහෝ දෙනෙකුගේ හදවතට කතා කරන, ජීවිතයට ගැඹුරු අරුතක් ගෙන දෙන එකක් වුණා.

ඇය එහි සඳහන් කර තිබුණේ මෙවැන්නක්:

"සමහර තැන්වල හිත රිදුනත්... සමහර තැන්වල ඒ ලැබෙන ප්‍රතිචාරය භාරගෙන නිහඩ වෙන්න !!! දන්නවද මනුස්ස නීතිය මොකක්ද කියලා.. ඉතින්... 'යන්න දෙන්න...' පස්සේ කාලෙක ඒ යන්න දුන්න එක කොයිතරම් නම් ඔයාට සැනසීමක් ගෙනාවද කියල ඔයාටම වැටහේවි..."

මේ සටහන දුටු බොහෝ දෙනෙක්ට ප්‍රශ්නයක් වුණේ නිරතුරුවම සිනහවෙන් සිටින සුදීක්ෂාගේ හිතට යම් කිසි රිදවීමක් වෙලාද කියන එකයි. ඒ කොහොම වුණත්, ජීවිතයේ ඇතැම් බැඳීම් සහ දේවල් බලෙන් රඳවා ගන්නවාට වඩා අතහැරීම හෙවත් යන්න දෙන එක කෙතරම් සැනසීමක්ද කියන යථාර්ථය ඇය මේ සටහනෙන් මනාව පැහැදිලි කර තිබෙනවා.