224 Views
මේ දිනවල පවතින අධික උණුසුම් කාලගුණයත් එක්ක ශරීරයෙන් අධික ලෙස දහදිය පිටවීම අප කාටත් පොදු ප්රශ්නයක් වෙලා.
මේ නිසා සිරුරේ ජල ප්රමාණය අඩුවෙලා තද පිපාසය, මුත්රා දැවිල්ල, ඇඟට පණ නැති බව වගේම මලබද්ධය වැනි නොයෙකුත් අසනීප තත්ත්වයන් මතුවීමේ ලොකු අවදානමක් තිබෙනවා.
හැබැයි මේ හැම ගැටලුවකටම එක වර විසඳුම් දෙන්න පුළුවන් අපූරු එළවළු වර්ග දෙකක් ගැනයි මේ කියන්න යන්නේ.
අපේ අතීත මුතුන්මිත්තන් හේන්වල වගේම ගෙවතුවලත් බහුලව වගා කළ ලබු සහ අළුපුහුල් කියන්නේ එදිනෙදා ආහාරයට විතරක් නෙවෙයි, රෝග නිවාරණයටත් නැතුවම බැරි වුණු අද්විතීය ඖෂධ දෙකක්.
අද වෙළෙඳපොළේ දකින්න ටිකක් දුර්ලභ වුණත්, මේවායෙන් ලැබෙන සෞඛ්යමය වාසි නම් අතිවිශාලයි.
ආයුර්වේදයට අනුව වැල්වල හටගන්නා ගෙඩි අතුරින් සිරුරට ගුණදායකම වර්ගය ලෙස සැලකෙන්නේ අළුපුහුල්. ජලය, විටමින් B, C, ප්රෝටීන් මෙන්ම යකඩ, කැල්සියම් වැනි ඛනිජ රැසකින් පිරි අළුපුහුල්, අද බොහෝ දෙනෙක් පීඩා විඳින ආමාශයේ සහ ආහාර ජීරණ පද්ධතියේ රෝගවලට කදිම ඔසුවක්.
එමෙන්ම බඩවැලේ පිළිකා වැළැක්වීමටත්, මොළයට රුධිර සැපයුම වැඩි කර මතක ශක්තිය වර්ධනය කිරීමටත් අළුපුහුල් මහඟු පිටිවහලක් වෙනවා.
ඊටත් අමතරව, මානසික ආතතිය අඩු කිරීම, වකුගඩු මගින් මුත්රා පෙරීමේ ක්රියාවලිය විධිමත් කිරීම සහ සිරුරේ විස නැසීමේ විශේෂ හැකියාවක් අළුපුහුල් සතුයි.
වැරැදීමකින් ඖෂධ වැඩිපුර පානය වීමෙන් හෝ මස්, මාළු, තක්කාලි වැනි ආහාර නිසා ඇතිවන අසාත්මිකතාවලට අළුපුහුල් යුෂ පානය කිරීමෙන් ක්ෂණික සහනයක් හිමි වෙනවා. දියවැඩියාව පාලනයටද අළුපුහුල් විශාල මෙහෙයක් ඉටු කරන බව මෑතකදී ඉන්දියාවේ කළ පරීක්ෂණයකින් හෙළිවී තිබෙනවා.
අනෙක් පසින් දියලබු කියන්නේ අධික දහඩිය දැමීම නිසා හටගන්නා අපහසුතා සම්පූර්ණයෙන්ම දුරු කරන අපූරු ආහාරයක්.
දේශීය වෙදකමේ දී නින්ද ලබා දෙන සහ ස්නායු පද්ධතිය ශාන්ත කරන ඖෂධයක් ලෙස ප්රචලිත දියලබු, රුධිරයේ සීනි මට්ටම සහ රුධිර පීඩනය නිසි ලෙස පාලනය කිරීමට උපකාරී වෙනවා. බිඳුණු අස්ථි ඉක්මනින් සුවපත් කිරීමේ පුදුමසහගත බලයක් ද දියලබු සතුයි.
කැලරි ඉතා අඩුවෙන් අඩංගු නිසා සිරුරේ බර අඩු කරගැනීමට උත්සාහ කරන අයට උදෑසන ලබු යුෂ වීදුරුවක් පානය කිරීම ඉතා සුදුසුයි.
එමෙන්ම කොලෙස්ටරෝල් අඩු කර හදවත ශක්තිමත් කිරීමටත්, මලබද්ධය වළක්වා ගැනීමටත් දියලබු උපකාරී වෙනවා. මුත්රා දැවිල්ල පවතින අවස්ථාවලදී ලබු ඉස්මවලට දෙහි යුෂ ස්වල්පයක් මිශ්ර කර උදෑසන හිස්බඩ පානය කිරීමෙන් දින කිහිපයකින් සහනයක් ලබාගත හැකියි.
අතීතයේ ලබුකිරිබත්, දෝසි, ව්යාංජන, සුප් සහ රසම් ලෙස විවිධාකාරයෙන් ආහාරයට එක් කරගත් මෙම දේශීය එළවළු වර්ග දෙක, වර්තමානයේ පවතින රෝග රැසකටම නියත විසඳුමක් බව වෛද්යවරුන් පෙන්වා දෙනවා.
ආයුර්වේද වෛද්ය එස්.එම්. මධුෂාණි වත්සලා කුමාරි
අරුණ පුවත්පත ඇසුරින්..
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
