පාර්ලිමේන්තු මන්ත්‍රීවරයෙක් අත්අඩංගුවට, මෙන්න සම්පූර්ණ විස්තරය - Ramanadan Aruchuna Arrested - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Apr

පාර්ලිමේන්තු මන්ත්‍රීවරයෙක් අත්අඩංගුවට, මෙන්න සම්පූර්ණ විස්තරය

423 Views

යාපනය, පෙරියවිලාන් ප්‍රදේශය උණුසුම් කරමින් පාර්ලිමේන්තු මන්ත්‍රී රාමනාදන් අර්චුනා පොලිස් අත්අඩංගුවට පත්ව තිබෙනවා.

මන්ත්‍රීවරයෙකු වුවත් නීතිය සැමට පොදු බව පසක් කරමින් පොලිසිය මෙම පියවර ගෙන ඇත්තේ කාන්තාවන් දෙදෙනෙකුට තර්ජනයක් එල්ල කිරීමේ සිද්ධියක් මුල් කරගෙනයි.

සිද්ධියට මුල් වෙලා තියෙන්නේ ඉඩම් ආරවුලක්. පසුගිය 25 වැනිදා මන්ත්‍රීවරයා තමන්ට අයිති යැයි කියන ඉඩමක් පිරිසිදු කරන්න ගිහින් තියෙනවා.

ඒ වෙලාවේ එතනට ආපු කාන්තාවන් දෙදෙනෙක් මේ ඉඩමේ කොටසක් තමන්ට අයිති බව පවසමින් මන්ත්‍රීවරයා එක්ක වාදයකට පැටලී තිබෙනවා. වාදය දුරදිග යද්දී උරණ වුණු මන්ත්‍රීවරයා, කිසිදු ආයුධයක් නැතිව හිටපු ඒ අහිංසක කාන්තාවන් දෙන්නා ඉදිරියේ තමන්ගේ පිස්තෝලය අතට අරන් තර්ජනය කරලා තියෙන බවයි වාර්තා වෙන්නේ.

විශේෂම දේ තමයි මේ ඉඩම සම්බන්ධයෙන් මල්ලාකම් අධිකරණයේ නඩුවක් පවා විභාග වෙමින් පවතින පසුබිමක මන්ත්‍රීවරයා මෙලෙස නීතිය අතට ගැනීමට උත්සාහ කිරීමයි. තමන්ගේ බලය පාවිච්චි කරලා ගිනි අවියක් පෙන්වා කාන්තාවන් බිය ගැන්වීම ගැන දැන් ප්‍රදේශයේ ලොකු කතාබහක් ඇති වෙලා තියෙනවා.

කාන්තාවන් කළ පැමිණිල්ලකට අනුව වහාම ක්‍රියාත්මක වුණු පොලිසිය මන්ත්‍රීවරයාව අත්අඩංගුවට ගෙන තිබෙනවා. මන්ත්‍රීවරයා පවසන්නේ ඉඩම තමන් සතු බව වුවත්, ගිනි අවියක් පෙන්වා තර්ජනය කිරීම බරපතල වරදක් බැවින් ඉදිරි නීතිමය කටයුතු දැඩිව ක්‍රියාත්මක වන බවයි පොලිසිය පවසන්නේ.