17 Views
කළුතර කොට්ඨාස දුෂණ මර්දන අංශයේ හිටපු ස්ථානාධිපතිවරයාගේ කළුතර නාගොඩ ක්වින්ස් රෙසිඩන්ස් හි නිවස බිද වර්ග 17 කින් යුත් විදේශීය මත්පැන් බෝතල් තොගයක් සහ රුපියල් ලක්ෂ 9 කට ආසන්න වටිනා මුදල් සොරාගෙන ගොස් ඇතැයි කළුතර දකුණ පොලිසිය පවසනවා.
සොරාගෙන ගිය දේපළ අතර රුපියල් 373000/= මුදලක්, රුපියල් 270000/= වටිනා අත් ඔරලෝසු තුනක් , කැරට් එකට අඩු කුඩා ප්රමාණයේ මැණික් ගල් 150 ක් , ස්මාට් ජංගම දුරකථන දෙකක්, ඉස්තරම් වර්ගයේ විදේශීය මත්පැන් බෝතල් තොගයක් , හා දේශීය මත්පැන් තල් අරක්කු මත්පැන් බෝතල් දෙකක් වන බව පොලිසිය සඳහන් කරනවා.
පැමිණිලිකාර උප පොලිස් පරීක්ෂකවරයා වැල්වැටිතුරෙහි පොලිසියේ මේ වන විට සේවය කරන අතර උණ රෝගය වැළඳීම හේතුවෙන් නිවසේ තනිවම නේවාසිකව ප්රතිකාර ලබා ඇතැයි පොලිසිය පවසනවා.
පැමිණිලිකරු වැඩිදුර ප්රතිකාර ලබා ගැනීම සඳහා 05 වැනිදා කළුතර නගරයේ පෞද්ගලික වෛද්යවරයකු හමු වී ඇති බවත්, පසුව ඥාතියකු ආරවුලක් සම්බන්ධයෙන් දුරකථනයෙන් කළ දැනුම් දීමක් අනුව එම ස්ථානයට ගොස් පසුදින 10.30 ට පමණ පදිංචි නිවසට පැමිණි අවස්ථාවේදී නිවෙස විවෘතව තිබූ බව පැමිණිල්ලේ සඳහන් කර තිබුණා.
උප පොලිස් පරීක්ෂකවරයා කළ වැඩිදුර පරික්ෂාවේදී නිවසේ දකුණු පස පිහිටි ජනේලය කඩා නිවසට යම් කිසි අයකු ඇතුළු වී ඇති බවට දැක ඇති අතර නිවසේ සියලුම දේපල ඇද දමා තිබෙන ආකාරයද අල්මාරියේ මෙන්ම කණ්ණාඩිය මේසය මත තබා තිබූ අත් ඔරලෝසු සහ සාලයේ ටී පෝ මත තබාතිබූ අත් ඔරලෝසුව හා සෙසු දේපළ ද සොරාගෙන ඇති බවට පැමිණිල්ලේ සඳහන් ව තිබුණා.
Make a Comment
Make a Comment..
Follow Us
මෙන්න බලන්න තවත් ගොසිප්
UNI DREAM එකට තවත් STEP එකක්.. A/L 2025 RESULTS වලින් University යන්න බලන් හිටපු අයට විශේෂ ආරංචියක්..
1,253 Views
Ne-Yoගේ කොළඹ ප්රසංගය ගැන අලුත්ම පෙරළියක්… ඩොලර් ලක්ෂ ගණනක ගනුදෙනුවක් මැද දෙපාර්ශ්වයෙන්ම පරස්පර කතා..
1,147 Views
Hot Gossip
Recent Gossip Post
Follow Us
නැගලා යන ගොසිප්
