ඩෙංගු ගැන බරපතළ අනතුරු ඇඟවීමක්, කොට්ඨාස 62ක යළිත් , විශේෂ ඩෙංගු මර්දන වැඩසටහනක්.. - News Artical - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Sep

ඩෙංගු ගැන බරපතළ අනතුරු ඇඟවීමක්, කොට්ඨාස 62ක යළිත් , විශේෂ ඩෙංගු මර්දන වැඩසටහනක්..

9 Views

ඩෙංගු රෝගය සම්බන්ධයෙන් යළිත් අවධානය යොමු කරමින් සෞඛ්‍ය වෛද්‍ය නිලධාරී කොට්ඨාස 62ක් ආවරණය වන පරිදි විශේෂ ඩෙංගු මර්දන සතියක් ක්‍රියාත්මක කිරීමට සැලසුම් කර තිබෙනවා.

ක්ලීන් ශ්‍රී ලංකා ලේකම් කාර්යාලය සඳහන් කරන්නේ මෙම වැඩසටහන අනිද්දා සිට ලබන 19 වැනිදා දක්වා ක්‍රියාත්මක කිරීමට නියමිත බවයි.

කොළඹදී ඊයේ (11) පැවති ප්‍රවෘත්ති සාකච්ඡාවකට එක්වෙමින් එහි අතිරේක අධ්‍යක්ෂ ජනරාල් ඉන්දික ගමගේ සඳහන් කර ඇත්තේ වෙනස් වෙමින් පවතින කාලගුණ තත්ත්වය සැලකිල්ලට ගනිමින් පෙර සූදානමක් ලෙස මෙම වැඩසටහන ක්‍රියාත්මක කරන බවයි.

විශේෂයෙන් එල් නිනෝ තත්ත්වය හමුවේ ඇති විය හැකි කාලගුණික වෙනස්කම් සැලකිල්ලට ගනිමින් ඩෙංගු ව්‍යාප්තිය පාලනය කිරීම සඳහා අවශ්‍ය පියවර කඩිනමින් ගැනීම මෙහි අරමුණ වී තිබෙනවා.

මේ අතර, ඩෙංගු සම්බන්ධයෙන් මේ වන විට වාර්තා වන සංඛ්‍යාලේඛනද අවධානයට ලක්ව තිබෙනවා.

වසරේ මේ දක්වා වාර්තා වී ඇති ඩෙංගු රෝගීන් සංඛ්‍යාව 97,000 ඉක්මවා ඇති බව සඳහන්.

ඒ අතර, ඩෙංගු රෝගය හේතුවෙන් මේ වන විට මරණ 74ක් වාර්තා වී තිබෙනවා.

ඒ අනුව, ඉදිරියේදී ඇතිවිය හැකි අවදානම් තත්ත්වයන් අවම කර ගැනීම සඳහා ජනතාවගේ සහයද ඉතා වැදගත් වනු ඇති.

නිවසේ සහ අවට පරිසරයේ ඩෙංගු මදුරුවන් බෝවිය හැකි ස්ථාන පිළිබඳව අවධානය යොමු කර ඒවා ඉවත් කිරීම මෙන්ම පරිසරය පිරිසිදුව තබා ගැනීම තුළින් ඩෙංගු ව්‍යාප්තිය පාලනය කිරීමට සෑම දෙනාගේම සහය අවශ්‍ය බව සෞඛ්‍ය අංශ අවධාරණය කරනවා.