ඇහුවොත් සැඟවිලා තියන ගුණ.. සත්තයි පුදුමවේවි ඔබ.. - Health Tips - Avocado - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Sep

ඇහුවොත් සැඟවිලා තියන ගුණ.. සත්තයි පුදුමවේවි ඔබ..

5 Views

අපේ ශරීරයට අතවශ්‍ය පෝෂක අඩංගු ආහාර බොහෝමයක් තියෙනවා..

ඒ අතරින් අලිපේර එහෙම නැත්තම් අලිගැටපේරවලට හිමි වෙන්නේ වැදගත් ස්ථානයක්..

තරමක් විතර සීතල කෑමක් විදියට ප්‍රසිද්ධ අලිගැටපේරවල මැග්නීසියම්, පොටෑසියම්, විටමින් සී, විටමින් K1, විටමින් B6 හා කාබෝහයිඩ්‍රේට අඩංගු වෙනවා.. මේ කොයි ගුණය තිබුනත් බොහෝ දෙනෙක් අලිගැට පේර ආහාරයට ගන්න දක්වන්නේ විශාල බියක්..
ඒකට හේතුව මෙහි අධික කැලරි ප්‍රමාණයක් හා කොලෙස්ටරෝල් ප්‍රමාණයක් අඩංගු ය යන විශ්වාසය.. කොහොම වුනත් දිනපතා ආහාර වේලට එක් කර ගන්න ඕන අතුරු පසක් නොවුනත් අලිපේර ගෙඩියක් සතියකට වරක්වත් අතුරුපසක් විදියට ආහාරයට ගන්නවා නම් එය ඔබේ සෞඛ්‍යට බොහෝ හිතකරයි.. සැබවින්ම යම් කොලෙස්ටරෝල් ප්‍රමාණයක් අන්තර්ගත වී තිබුණත් අලිගැට පේරවල පහත සදහන් ගුණ අන්තර් ගත වෙනවා..

කෙසෙල්වලට වඩා පොටෑසියම් අඩංගුය

පොටෑසියම් යනු බොහෝ දෙනකුගේ සිරුරේ හිඟයක්ව පවතින පදාර්ථයකි. සිරුරේ රුධිර පීඩනය යහපත් මට්ටමක පවත්වා ගැනීමට ආධාර වන, ඔබට අවශ්‍ය පොටෑසියම් ප්‍රමාණය මේවායේ අන්තර්ගත වේ.

තන්තුවලින් පරිපූර්ණ ය

අලිගැටපේරවල තන්තු බහුල ය. තන්තු මඟින් සිරුරේ බර, රුධිරගත සීනි ප්‍රමාණය අඩු කරන අතරම,බොහෝ රෝගවලට ඇති අවදානම ද අඩු කරයි.

කොලෙස්ටරෝල් මට්ටම අඩු කරයි

දිනපතා අලිගැටපේර ආහාරයට ගැනීම මඟින් කොලෙස්ටරෝල් මට්ටම අඩු කරයි. එමෙන් ම, මේවා මඟින් රුධිරයේ ඇති ට්‍රයිග්ලිසරයි හා LDL කොලෙස්ටරෝල් ප්‍රමාණය අඩු කරයි.

පිළිකා නාශක ගුණය ඇත

අලිගැටපේරවල ප්‍රතිඔක්සිකාරක අඩංගු වේ. මෙය සිරුරේ ප්‍රතිශක්තිය වැඩි දියුණු කරවන අතර, මේවාට පිළිකාකාරක නිදහස් අංශු හා පිළිකා සෛල විනාශ කිරීමේ හැකියාව පවතී.

ආතරයිටිස් වේදනාව සමනය කරයි

අධ්‍යනයන්ගෙන් හෙළි වී ඇත්තේ, අලිගැටපේරවල අන්තර්ගත සංයෝගයක් මඟින්, ආතරයිටිස් රෝගය නිසා හටගන්නා වේදනාව මෙන් ම, අස්ථි ඝන තද වීම නිසා ඇති වන වේදනා සමනය වන බව ය.

වකුගඩුවලට හානිවීම වලක්වයි

අලිගැටපේරවල ඇති ඔලෙයික් අම්ලය හා ප්‍රතිඔක්සිකාරක, වකුගඩුවල හටගන්නා ආබාධවලට හොඳ ම ඔසුවකි. එමෙන් ම මේ මඟින්, දියවැඩියාවෙන් අක්මාවට වන හානි ද වළක්වයි.

නීරෝගී ඇස් හිමි කර දේ

අලිගැටපේරවල ලුටේන් හා සියැක්සන්තින් යන සංයෝග අඩංගු වේ. මේ කැරොටිනොයිඩ මඟින් අක්ෂි කාචය පරිහානිය වළක්වයි.

අන්තර්ජාලය ඇසුරෙන්..