1 Views
ජිවිතයේ උපතින් කෙනෙකුට උරුම ලිංගික අනන්යතාවයක් ඇති බව කවුරුත් දන්නවා. එසේ තමන්ගේ ලිංගික අනන්යතාවය වෙනස් ස්වරූපයෙන් පෙන්වන පිරිස්ද නැතුවාම නොවේ.
සමාජය ඉදිරියේ බියෙන් ජිවත්වන මෙවැනි පිරිස් ඔවුන්ගේ අනන්යතාවය ප්රකාශ කරන්න මැලි වෙනවා. හැබැයි මේ කියන්න හදන්නේ එසේ තමන්නේ ලිංගික අනන්යතාවයට අභියෝග කළ කෙනෙක් පිළිබඳවයි. 'ඔහු' (HE) කියාද 'ඇය' (SHE) කියාද අමතන්න පුළුවන් කියලා ඔබටම තීරණය කරන්න පුළුවන්.
ටොම් නියුවර්ත් ගැනයි මේ කතාව. 1988 නොවැම්බර් මාසයේ 6 වැනිදා ඔස්ට්රියාවේ උපත ලැබූ ටොම් කුඩා කල සිටම තම අනන්යතාවය ගැන තර්ක කළ අයෙක්.
අවුරුදු 14ක් පිරුණට පස්සෙ කඳුකරයෙන් නගරයට පිවිසෙන ඔහු විලාසිතාකරණය ගැන අධ්යයනය කරන්න පටන් ගන්නවා. ඔහුගේ පරමාදර්ශය වුණේ වික්ටෝරියා බෙකම්. 2006 වර්ෂයේදී ඔස්ට්රියාවේ පැවැත්වුණු රූපවාහිනි වැඩසටහනක තරඟාවලියකදී දෙවැනි ස්ථානය දිනාගන්න ඔහු සමත් වනවා.
'කොනිචිටා වර්ස්' (Conchita Wurst) නම් රැවුල වැවූ කාන්තාවගේ චරිතය ඔහුට ආරෝපණය වන්නේ ඉන් පසුවයි. 'කොනිචිටා' කියන්නේ ස්පාඤ්ඤ බසින් යෝනියටත්, 'වස්ට්' යනු ජර්මානු බසින්' ශිෂ්ණය'ට කියන නමයි.
ඔහුගේ ජිවිතේ බරපතලම සන්ධිස්ථානය වන්නේ, යුරෝවිෂන් තරඟය සඳහා ඔස්ට්රියාව නියෝජනය කරන්න ලැබුණු අවස්ථාව.
නැගෙනහිර යුරෝපයෙන් ඔහුට විරුද්ධව මතවාද ගොඩ නැගෙනවා, ඒ ඔහුගේ ජිවන රටාව අස්වභාවික එකක් යැයි පවසමින්.
ගෝලීය වශයෙන් දැඩි අර්බුදයක් හමුවේ 2014 වර්ෂයේදී 'යුරෝවිෂන්' (Eurovision) නම් ලෝක ප්රකට සංගීතමය රියැලටි වැඩසටහනේ ප්රථම ස්ථානය බවට පත් වන්නේ ජයග්රහකයා වෙන්න ටොම් නියුවර්ත් හෙවත් කොනිචිටා සමත් වෙනවා.
මේ ජයග්රණයෙන් පස්සේ LGBT (සමලිංගික හා සංක්රාන්තික ලිංගිකයන්) එකේ අයිකන් එකක් එහෙම නැත්තම් 'ප්රධාන චරිතයක්' බවටත්, ලෝක ප්රසිද්ධ විප්ලවීය චරිතයක් බවට ඔහු පත් වෙනවා.
බොහෝ දෙනා ඔහුව සංක්රාන්තික කාන්තාවක් යැයි සිතුවත් කොනිචිටා කිසිවිටෙකත් තමන්ගේ අනන්යතාවය ප්රකාශ කර නැහැ.
DRAG QUEEN, එනම්, පුරුෂයෙකු වුවත් ස්ත්රීත්වය නිරූපණය කරන කලාකරුවෙකු ලෙසයි ඔහුව හඳන්වා දී තිබුණේ.
මේ සුප්රසිද්ධ පුද්ගල චරිතය HIV ආසාදිතයෙක් බව හෙළි වෙනවා 2018 වර්ෂයේදී.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
