2,182 Views
මාස තුනක් තුළදී සිරුරේ බර කිලෝග්‍රෑම් 50ක් අඩු කරගන්නා ඕනෑම අයෙකුට සුඛෝපභෝගී මෝටර් රථයක් පිරිනැමීමේ මතභේදාත්මක අභියෝගයක් චීන යෝග්‍යතා පුහුණු මධ්‍යස්ථානයක් (GYM) විසින් දියත් කර තිබෙනවා.
මෙම ප්‍රවර්ධනය ඔන්ලයින් අවධානය දිනාගෙන ඇතත්, කෙටි කාලයක් තුළ මෙවැනි අධික බර අඩු කිරීමේ අන්තරායන් සම්බන්ධයෙන් සෞඛ්‍ය විශේෂඥයින් දැඩි කනස්සල්ල පළ කර ඇති බවයි විදෙස් වාර්තාවල දැක්වෙන්නේ.
උතුරු චීනයේ ෂැන්ඩොං පළාතේ බින්ෂූ හි පිහිටි යෝග්‍යතා පුහුණු මධ්‍යස්ථානයක් ඔක්තෝබර් 23 වන දින මෙම අභියෝගය අන්තර්ජාලය ඔස්සේ ප්‍රකාශයට පත් කළා.
ත්‍යාගය ලෙස සුඛෝපභෝගී Porsche Panamera රථයක් පිරිනැමීමටයි එම මධ්‍යස්ථානය පොරොන්දු වී ඇත්තේ.
මෙම මෝටර් රථයේ නවතම මාදිලියක ආරම්භක මිල අමෙරිකානු ඩොලර් 155,000ක් පමණ වනවා.
කෙසේ වෙතත්, පුහුණුකරු වෑන්ග් තහවුරු කළේ, ත්‍යාගය ලෙස පිරිනමන Porsche රථය ජිම් හිමිකරුට අයත්, වසර ගණනාවක් ධාවනය කර ඇති 2020 මාදිලියේ පාවිච්චි කළ මෝටර් රථයක් බවයි.
මෙම අභියෝගය සඳහා ලියාපදිංචි ගාස්තුව අමෙරිකානු ඩොලර් 1,400ක්.
අදාළ ගාස්තුවට ආහාර වේල් සහ සම්පූර්ණයෙන්ම වසාදැමූ පුහුණු පරිසරයක් තුළ පොදු නවාතැන් ඇතුළත්.
පුහුණුකරු වෑන්ග් පැවසුවේ අභියෝගය සැබෑවක් බවත් දැනටමත් ඒය ක්‍රියාත්මක වන බවයි.
ඔවුන් සහභාගීවන්නන් 30 දෙනෙකු ඉලක්ක කරන අතර මේ වන විට හත්-අට දෙනෙකු පමණ ලියාපදිංචි වී ඇති බව සඳහන්.
කෙසේ වෙතත්, පුහුණු ක්‍රමවේදය, ආහාර සැලසුම් සහ බර අඩු කිරීමේ ඉලක්කය සපුරා ගැනීමේ නිර්ණායක පිළිබඳ නිශ්චිත විස්තර අනාවරණය කර නැහැ.
මෙම අතිශය වේගවත් බර අඩු කිරීමේ ව්‍යාපාරය වෛද්‍යවරුන්ගේ මතභේදයට තුඩු දී තිබෙනවා.
සමාජ ජාලයක මිලියන 3.5කට ආසන්න අනුගාමිකයින් සිටින හර්නියා සැත්කම් කළ වෛද්‍ය සෙන්ග් නමැති අයකු මෙවැනි වේගවත් බර අඩු කිරීමේ අන්තරායන් ගැන අනතුරු ඇඟවූවා.
ඔහුට අනුව, දිනකට 0.5 kg අඩු වීම ඉතා වේගවත්. යම් අයෙකු අධික ලෙස තරබාරු නොවන්නේ නම්, මෙම වේගය මේදය අඩුකිරීමට වඩා මාංශ පේශි නැතිවීමට තුඩු දෙන බව ඔහු අනතුරු අඟවනවා.
මාංශ පේශි ගැටලු නිසා හෝමෝන අසමතුලිතතාවය, හිසකෙස් ගැලවී යාම, සහ කාන්තාවන්ට ඔසප් වීම අක්‍රමවත් කිරීම ඇති කළ හැකි බවයි වෛද්‍ය සෙන්ග් අනතුරු අඟවන්නේ.
ඔහුට අනුව වඩා ආරක්ෂිත ඉලක්කය වන්නේ සතියකට 0.5kg පමණ අඩු කිරීමයි.
මෙම අභියෝගය චීන ජාතිකයන් අතර අන්තර්ජාලය තුළ දැඩි විවාදයක් ඇති කර තිබෙනවා.
මෙම සැලසුම පිටුපස ඇති මුදල් ඉපයීමේ උපාය මාර්ගය ගැන බොහෝ දෙනා අවධානය යොමු කර තිබුණා.
එක් අයෙක් ලියා තිබුණේ: "යුවාන් 10,000ක ලියාපදිංචි ගාස්තුවෙන්, සංවිධායකයාට පාවිච්චි කළ කාර් එක තියාගෙන අලුත් කාර් එකක් වුණත් ගන්න පුළුවන්. අවසානයේදී, ඔහු විශාල වාසනාවක් උපයනවා. මොනතරම් බුද්ධිමත් අලෙවිකරණ සැලැස්මක්ද?" යන්නයි.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
