සිනමා තිරයේ බය හිතෙන රණශූරයා ජීවිත සිනමාවෙන් නික්ම යයි. සිනමා ලෝකයම කම්පනය කළ හදිසි අභාවය මෙන්න.. - World News - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Feb

සිනමා තිරයේ බය හිතෙන රණශූරයා ජීවිත සිනමාවෙන් නික්ම යයි. සිනමා ලෝකයම කම්පනය කළ හදිසි අභාවය මෙන්න..

1,584 Views

මෙල් ගිබ්සන්ගේ අතිවිශිෂ්ට සිනමා නිර්මාණයක් වන ‘Apocalypto’ බලපු කාටවත් එහි සිටි දරුණු පෙනුමක් ඇති ගෝත්‍රික රණශූරයාගේ චරිතය අමතක වෙන්න විදියක් නැහැ.

එම චරිතයට සිය විශිෂ්ට රංගනයෙන් පණ දුන් මෙක්සිකානු නළුවෙකු මෙන්ම දක්ෂ නර්තන ශිල්පියෙකු ද වූ ජෙරාඩෝ ටරාසේනා (Gerardo Taracena) අභාවප්‍රප්ත වී තිබෙන බව විදෙස් මාධ්‍ය වාර්තා කරනවා.

පසුගිය ජනවාරි 31 වැනිදා ඔහු මෙලොව හැර යන විට 55 වැනි වියේ පසුවුණා. ඔහුගේ අභාවය පිළිබඳව නිල ප්‍රකාශයක් නිකුත් කර තිබුණත්, මරණයට හේතුව හෝ වෛද්‍ය වාර්තා මෙතෙක් මාධ්‍ය වෙත හෙළි කර නැහැ. මේ නිසාම ඔහුගේ අභාවය පිළිබඳව බොහෝ දෙනා තුළ කුතුහලයක් මෙන්ම දැඩි කණගාටුවක් ඇති වී තිබෙනවා.

1970 මාර්තු 27 වන දින මෙක්සිකෝ නගරයේ උපත ලැබූ ඔහු නාට්‍ය හා රංගන කලාව පිළිබඳ උපාධිධාරියෙක්. 1990 දශකයේ අගභාගයේදී සහ 2000 මුල් භාගයේදී ඔහු කැපී පෙනෙන චිත්‍රපට සහ නාට්‍ය කිහිපයකටම දායක වුණා.

2006 වසරේ තිරගත වූ 'Apocalypto' චිත්‍රපටය ඔහුගේ රංගන ජීවිතයේ විශාලතම හැරවුම් ලක්ෂය වුණා. එහි ඔහු නිරූපණය කළ ගෝත්‍රික රණශූරයාගේ චරිතය ලොව පුරා ප්‍රේක්ෂකයින් වැළඳගත්තා.

'Apocalypto' වලට අමතරව ඔහු Man on Fire (2004) සහ The Mexican (2001) වැනි සුපිරි චිත්‍රපට සඳහාත් රංගන දායකත්වය ලබා දී තිබෙනවා.