3 Views
ත්රිකුණාමලය කුච්චවේලි ප්රදේශයෙන් අද (11) අසන්නට ලැබුණේ මුළු රටම කම්පා කරවන පුවතකි.
ඒ, වගා බිමක ඇද තිබූ අනවසර විදුලි රැහැනකට හසුව මියයමින් සිටි තම ආදරණීය එළුවා බේරා ගැනීමට ගිය 16 හැවිරිදි පාසල් සිසුවකු විදුලි සැර වැදී මියයාමේ පුවතයි.
මෙසේ අවාසනාවන්ත ලෙස දිවි අහිමි කරගෙන ඇත්තේ කුච්චවේලි, සල්ලිමුණේ පදිංචි අයුබ්කාන් මොහොමඩ් රිපාස් නැමැති 16 හැවිරිදි සිසුවෙකි. ඔහු කුච්චවේලි අන්-නූරියා මහා විද්යාලයේ 11 වසරේ ඉගෙනුම ලැබූ, ගුරු-සිසු කාගේත් ආදරය දිනූ දක්ෂ දරුවෙකි.
ඊයේ (10) පස්වරුවේ රිපාස් නිවසින් පිටව ගියේ සිය එළුවන් රැළ බැලීම සඳහායි. එහිදී වඩලිකුලම් ප්රදේශයේ වගා භූමියක් අසලින් යද්දී, එක් එළුවකු එම ඉඩමේ වැටට සම්බන්ධ කර තිබූ අනවසර විදුලි රැහැනක පැටලී මියයමින් සිටිනු ඔහු දැක තිබේ. සිය සුරතල් සතාව බේරාගැනීමේ අහිංසක අදහසින් ඉදිරියට ගිය රිපාස් හටද එම විදුලි සැර වැදී ඇත්තේ මුළු ගම්මානයම ගල් කරමිනි.
බරපතළ ලෙස විදුලි සැර වැදී සිහිසුන්ව ඇද වැටුණු රිපාස්ව වහාම කුච්චවේලි ප්රාදේශීය රෝහලට ඇතුළත් කළද, තත්ත්වය බරපතළ වූ බැවින් ත්රිකුණාමලය මහ රෝහලට මාරු කර යවා තිබුණා. නමුත් වෛද්යවරුන්ගේ සියලු උත්සාහයන් ව්යර්ථ කරමින් මේ දරුවා මෙලොව හැර ගියේ බොහෝ දෙනෙකුගේ දෙනෙතට කඳුළක් එක් කරමිනි.
මෙම මාරක උගුල ඇටවූ වගා භූමියේ අයිතිකරු මේ වන විට පොලිස් අත්අඩංගුවට ගෙන තිබේ. පුදුමයට කරුණ නම්, අත්අඩංගුවට ගත් 62 හැවිරිදි පුද්ගලයා විදුලිබල මණ්ඩලයේම විශ්රාමික කාර්මික ශිල්පියෙකු වීමයි. විදුලිය ගැන මැනවින් දන්නා අයෙකු මෙවැනි වගකීම් විරහිත ක්රියාවක නිරත වීම පිළිබඳව ප්රදේශවාසීන් සිය දැඩි විරෝධය පළ කර සිටියි.
සැකකරු මහේස්ත්රාත් අධිකරණයට ඉදිරිපත් කිරීමට නියමිත අතර කුච්චවේලි පොලිසිය වැඩිදුර පරීක්ෂණ පවත්වයි.
Make a Comment
Make a Comment..
Follow Us
මෙන්න බලන්න තවත් ගොසිප්
මේ පින්තූරය දැක්කම ඇසට කඳුළක් එන එක නවත්තන්න බැහැ. ඒ කාලේ ළමා කාලය මීට වඩා කොච්චර සුන්දරද?
1,371 Views
මුහුද රළු වෙලා ගෙවල් 4ක් ඉවරයි! ත්රිකුණාමලයේ ධීවරයින්ට රස්සාවත්, ගේ දොරත් අහිමි වන ලකුණු.
2,988 Views
Hot Gossip
Recent Gossip Post
Follow Us
නැගලා යන ගොසිප්
![වෛවර්ණ ජනකාන්ත ජනතා සිහිනයට පිදෙන ටෙලි හිරුගේ රූ සිරිය මවන 31 රෑ අසිරිය වසරාන්තයේ ස්මරණීයම රාත්රිය - හිරු සිහින රැයක්[Photo Album 02]](https://gossip.hirufm.lk/data/photo-gallery/3104-31-zwj-photo-album-02/thumb_album.jpg "වෛවර්ණ ජනකාන්ත ජනතා සිහිනයට පිදෙන ටෙලි හිරුගේ රූ සිරිය මවන 31 රෑ අසිරිය වසරාන්තයේ ස්මරණීයම රාත්රිය - හිරු සිහින රැයක්[Photo Album 02]")
![වෛවර්ණ ජනකාන්ත ජනතා සිහිනයට පිදෙන ටෙලි හිරුගේ රූ සිරිය මවන 31 රෑ අසිරිය වසරාන්තයේ ස්මරණීයම රාත්රිය - හිරු සිහින රැයක් [Photo Album 01]](https://gossip.hirufm.lk/data/photo-gallery/3103-31-zwj-photo-album-01/thumb_album-jpgss.jpg "වෛවර්ණ ජනකාන්ත ජනතා සිහිනයට පිදෙන ටෙලි හිරුගේ රූ සිරිය මවන 31 රෑ අසිරිය වසරාන්තයේ ස්මරණීයම රාත්රිය - හිරු සිහින රැයක් [Photo Album 01]")
