දඹුල්ලේ එළවළු කන්දක් වෙයි! ඉන්ධන මිල නිසා යාපනයේ ගොවියෝ අන්ත අසරණ වෙති..පාරිභෝගිකයින්ට වාසි වුණාට ගොවියෝ අඬන ඇත්තම කතාව මෙන්න.. - Vigitabale P Rice - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Mar

දඹුල්ලේ එළවළු කන්දක් වෙයි! ඉන්ධන මිල නිසා යාපනයේ ගොවියෝ අන්ත අසරණ වෙති..පාරිභෝගිකයින්ට වාසි වුණාට ගොවියෝ අඬන ඇත්තම කතාව මෙන්න..

1,026 Views

ලංකාවේ එළවළු කේන්ද්‍රස්ථානය විදියට සැලකෙන දඹුල්ල ආර්ථික මධ්‍යස්ථානයෙන් අද වාර්තා වෙන්නේ හිතාගන්න බැරි අමුතුම තත්ත්වයක්.

ඉන්ධන මිල ඉහළ යාම නිසා මුළු එළවළු වෙළඳාමම උඩුයටිකුරු වෙලා තිබෙනවා.

ඉන්ධන මිල අහස උසට ගිය නිසා දුර බැහැර ප්‍රදේශවලින් දඹුල්ලට එළවළු ගන්න එන වෙළෙන්දන්ගේ පැමිණීම සීඝ්‍රයෙන් අඩු වෙලා. මේ නිසා ආර්ථික මධ්‍යස්ථානයට ලැබුණු එළවළු අලෙවි කරගන්න බැරුව ගොඩගැසී තිබෙනවා. ඉල්ලුම අඩු නිසා එළවළු මිල හිතාගන්න බැරි විදියට පහත වැටිලා තියෙන්නේ වෙළෙන්දන්ව වගේම ගොවීන්ව පවා අසරණ කරමින්.

යාපනය පැත්තෙන් එන එළවළු වලට වෙලා තියෙන්නේ ලොකු විනාශයක්. එහේ ඉඳන් එළවළු ටික දඹුල්ලට ප්‍රවාහනය කරන්න යන වියදම දැන් දරාගන්න බැරි තරම් වැඩියි. හැබැයි දඹුල්ලට ගෙනාවම ඒවා අලෙවි වෙන්නේ ඉතාම අඩු මුදලකට.

"මේ විදියට ගියොත් අපිට ලබන කන්නයේ වගාවන් අතහරින්න සිද්ධ වෙනවා..." - යාපනයේ ගොවීන් පවසන්නේ ලොකු කලකිරීමකින්.

එළවළු මිල අඩු වීම පාරිභෝගිකයාට සහනයක් වුණත්, නිෂ්පාදකයා සහ අතරමැදි වෙළෙන්දා මේ වන විට දැඩි මූල්‍ය අර්බුදයකට මුහුණ දීලා. ප්‍රවාහන වියදමවත් පියවා ගන්න බැරි තත්ත්වයක් තුළ දඹුල්ල ආර්ථික මධ්‍යස්ථානය පුරා අද දකින්න ලැබෙන්නේ පාලුවට ගිය ස්වභාවයක්.

ඉන්ධන අර්බුදය නිසා රටේ කෑම පිඟානටත් හෙට අනිද්දා වෙද්දී ලොකු බලපෑමක් වෙයිද කියන බය දැන් හැමෝම අතරේ ඇති වෙලා තිබෙනවා.