1,399 Views
යාපනය, චාවකච්චේරි ප්රදේශයට එදා උදෑසන උදා වුණේ වෙනදා වගේම සාමාන්ය දවසක් විදියටයි.
උලවිකුලම් පිල්ලෙයාර් කෝවිල අසල පදිංචිව සිටි සෙල්වරාසා සිවමනි සහ ඇයගේ ආදරණීය දියණිය වූ සෙල්වරාසා නිලානි එදා ගමනක් යන්න සූදානම් වුණේ තමන්ගේම ත්රිරෝද රථයකින්. ජීවිතේ මොනතරම් බලාපොරොත්තු තියාගෙන ඔවුන් ඒ ගමන පිටත් වෙන්න ඇතිද? ඒත් ඒ යන ගමන ඔවුන්ගේ අවසාන ගමන වෙයි කියලා කවුරුත් හීනෙකින්වත් හිතන්න නැතුව ඇති.
සරසාලේ කනකම්පුලියාඩි ප්රදේශයට ළඟා වෙද්දීම, ඒ බලාපොරොත්තු සියල්ල සුනුවිසුනු වෙලා ගියා. ප්රතිවිරුද්ධ දිශාවෙන් අධික වේගයෙන් ආපු ටිපර් රථයක්, මේ අය ගමන් කරපු ත්රිරෝද රථයේ මුහුණට මුහුණ දරුණු විදියට ගැටුණා. ත්රිරෝද රථය පදවපු රියදුරාට එය පාලනය කරගන්නවත් වෙලාවක් තිබුණේ නැහැ. ටිපර් රථයේ වේගය කොතරම්ද කියනවා නම්, පුංචි ත්රිරෝද රථය මුළුමනින්ම කුඩුපට්ටම් වී ගියා.
අනතුර සිද්ධ වෙච්ච තැන හිටපු අය පවසන්නේ ඒ දර්ශනය දකින්න පවා අමාරු තරම් බිහිසුණු එකක් වුණු බවයි. ත්රිරෝද රථය ඇතුළේ හිටපු සිවමනි සහ ඇගේ දියණිය නිලානි, ඒ සිදුවීම වුණු ස්ථානයේදීම අවසන් හුස්ම හෙළා තිබුණා. දහසක් බලාපොරොත්තු එක්ක ගිය ඒ අම්මයි දුවයි එකම මොහොතක සදහටම මෙලොව හැර ගියේ මුළු යාපනයම කඳුළින් තෙත් කරමින්.
මෙම අනතුරින් රථයේ රියදුරා සහ එහි සිටි තවත් කාන්තාවක් බරපතළ ලෙස තුවාල ලබා යාපනය ශික්ෂණ රෝහලේ දැඩි සත්කාර ඒකකයේ ප්රතිකාර ලබනවා. තත්පර කිහිපයක නොසැලකිල්ල නිසා පවුලක ජීවිත දෙකක් මහමඟ නැතිවී ගිය මේ අවාසනාවන්ත කතාව අද සමාජ මාධ්ය පුරාම දැඩි කතාබහට ලක්වෙනවා.
Make a Comment
Make a Comment..
Follow Us
මෙන්න බලන්න තවත් ගොසිප්
මරණය ඉදිරියේ මුවින් නොකැඩුණු රහස්.. සිනාසෙමින් මරණය වැළඳගත් කාන්තාවක් ගැන ඇසෙන ඒ කතාව මෙන්න..
1,163 Views
කොළ පාට වූ සහ පැල වූ අර්තාපල් ආහාරයට ගැනීම අනතුරුදායකද..? මෙන්න ඒ ගැන ඔබ දැනගත යුතුම කතාවක් මෙන්න..
1,165 Views
Hot Gossip
Recent Gossip Post
Follow Us
නැගලා යන ගොසිප්
