1,342 Views
අයහපත් කාලගුණ තත්වය හේතුවෙන් බොහෝ ප්‍රදේශවල ජල ගැලීමේ තත්වයන් වාර්තා වෙලා තිබෙනවා. එම ජල ගැලීමේ තත්වයන් හමුවේ ඔන්න ඉතින් තවත් අවධානමක් ගැන තොරතුරු වාර්තා වෙලා තිබෙනවා.
ගංවතුර අවදානම පහව යාමත් සමඟ මී උණ රෝග වසංගතයක් ලෙස රටපුරා පැතිර යාමේ බරපතල අවදානමක් පවතින බව මහජන සෞඛ්‍ය පරික්ෂකවරුන්ගේ සංගමය අනතුරු අඟවා තිබෙනවා.
ප්‍රදේශ කීපයකට පමණක් සීමා වී තිබු මී උණ රෝගය ගංවතුර අවදානමත් සමඟ රටපුරා පැතිර යාමේ අවදානමක් මතුව ඇති බවටයි තොරතුරු වාර්තා වෙලා තියෙන්නේ. නිවාස පිරිසිදු කර ගැනීමට , කාණුපද්ධති පිරිසිදු කිරීම, වගාවන් බිම සහ කුඹුරු වල කටයුතු සඳහා යෑමට ප්‍රථම මී උණ රෝගය වලක්වා ගැනීම සඳහා ලබා දෙන Doxycycline ඖෂධය මිලිග්රෑම් 200ක් ලබා ගැනීමට අනිවාර්යයෙන්ම කටයුතු කරන්නැයි මහජන සෞඛ්‍ය පරික්ෂකවරුන්ගේ සංගමයේ ලේකම් චමිල් එස් මුතුකුඩ ජනතාවගෙන් ඉල්ලිමක් කරනවා.
සතියකට වරක් Doxycycline මිලිග්රෑම් 100 පෙති දෙකක් ලබා ගැනීමෙන් මී උණ රෝගයෙන් ආරක්ෂාව සලසා ගත හැකි බවද ඔහු පෙන්වා දෙනවා. තදබල ස්නායු ආබාධයන් පවතින අය සහ වයස අවුරුදු 12ට අඩු දරුවන්ට හැර අන් සෑම කෙනෙකුටම මෙය සුදුසු බවත් ඔබට වැඩිදුර තොරතුරු අවශ්‍ය නම් ප්‍රදේශයේ මහජන සෞඛ්‍ය පරික්ෂකවරයාගෙන් හෝ ප්‍රදේශයේ ප්‍රධාන වෛද්‍ය නිලධාරිවරයාගෙන් ලබා ගත හැකි බවද සඳහන් කරනවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
