අලුත් මාසය ආරම්භයේම ඔබට කොහොමද? – ලග්නයෙන් ලග්නය පලාපල මෙන්න... - Lagna Palapala - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Nov

අලුත් මාසය ආරම්භයේම ඔබට කොහොමද? – ලග්නයෙන් ලග්නය පලාපල මෙන්න...

10,835 Views

මේ කියන්න යන්නේ අලුත් මාසය ඔබට කොහොමද කියලා...

මේෂ
හිතවතකුගෙන් ත්‍යාගයක්

බාධාකාරි ලෙස කටයුතු යෙදුණත් ඉදිරියට ගිය හැකි සතියක් වන අතර මේ සතියේ සඳු ග්‍රහයා 7,8,9 යන භාවයන් මතින් ගමන් කරයි.

ගෘහ ජීවිතය

විනෝදයට කැමැති කාලයකි. බාහිර අලංකාරය පිළිබඳ වෙහෙසෙයි. හදිසි ගමනකට කටයුතු සූදානමක් ඇති කරයි. විශ්වාසවන්ත බැඳීමකට හේතු සැලසේ. විශේෂ උත්සව අවස්ථාවකට සහභාගිවීමට අවස්ථාව උදාකරයි. හිතවත් අයකුගෙන් ත්‍යාගයක් හිමිවීමට ඉඩ ඇත. වෙනදාට වඩා පුණ්‍ය කටයුතු කෙරෙහි වෙහෙසෙන සතියකි.

රැකියාව

අමතර රැකියා මාර්ගවලට හිමිකම් ඇති කරයි. රැකියාවේ කටයුතු වෙනදාට වඩා උනන්දුවකින් කරගෙන යන බවක් පෙනේ. තනතුරු වෙනසක් සිදුවිය හැකි කාලයක් බැවින් සිතේ නොසන්සුන්තාවයක් ඇති කරයි. ශාරීරික වෙහෙසීම් අධික කරන රැකියා මාර්ගවලට හිමිකම් ඇති කරයි.

අධ්‍යාපනය

උසස් අධ්‍යාපන කටයුතුවලට යම් යම් බාධා පැන නැගෙන කාලයකි. හදිසි තරග විභාගයක් වෙනුවෙන් ඉදිරිපත්වීමට අවස්ථාව උදාකරයි. දැනුම, බුද්ධිය වර්ධනය වන කටයුත්තකට සම්බන්ධවීමට අවස්ථාව සැලසෙයි. විදෙස් අධ්‍යාපනයකට සැලසුමක් ඇතිකර ගන්නා කාලයකි.

සෞඛ්‍යය

කොන්ද ආශ්‍රිත ඇතිවන ආබාධයකට ප්‍රතිකාර ලබා ගැනීමට සිදුවේ. වෙනදාට වඩා කෑම බීම ගැන සැලකිලිමත්වන්න. අධි රුධිර පීඩනය රුධිරගත සීනි මට්ටම කෙරෙහි සැලකිලිමත්විය යුතු කාලයකි.

අය 06 වැය 05

ජය අංකය - 03

ජය වර්ණය - නිල්

සුබ දවස - සිකුරාදා

වෘෂභ

ප්‍රභූ ඇසුරක්

ඥාති හිතවතුන් සමඟ සුහදතාවයට කරුණු සැලසෙමින් පවතින සතියක් වන අතර මේ සතියේ සඳු ග්‍රහයා 6,7,8 යන භාවයන් මතින් ගමන් කරයි.

ගෘහ ජීවිතය

හදිසි ගමනකට කටයුතු සූදානමක් ඇති කරයි. පැවැති ගනුදෙනුවකින් නිදහස්වීමට අවස්ථාව සැලසේ. පවුලේ වැඩිහිටියකු පිළිබඳ කැපවී කටයුතු කිරීමට සිදුවන සතියකි. අසල්වැසි සහය ලැබෙන අන්දමේ කටයුතු කීපයක් සිදු කරයි. විශ්වාසවන්ත කෙනකුගේ ඇසුරට කටයුතු උදාකරයි. වෙනදාට වඩා ප්‍රභූ පක්ෂය සමඟ ඇසුරට කටයුතු සැලසේ.

රැකියාව

රැකියාවේ කටයුතු සම්බන්ධ දුරදිග සිතා බලන්න. හවුල් ව්‍යාපාරයකට සම්බන්ධවීමට කටයුතු උදාකරයි. විදෙස් රැකියා මාර්ගවලට හිමිකම් ඇති බැවින් ඒ පිළිබඳ අවධානයෙන් කටයුතු කරන්න. ස්වයං රැකියා කටයුතුවලින් අමතර වාසි සැලසෙන බවක් පෙනේ. දෑතේ මහන්සියෙන් කරන රැකියා කටයුතුවලට යොමුවන කාලයකි.

අධ්‍යාපනය

දැනුම බුද්ධිය වර්ධනය වන කටයුතු කීපයකට සම්බන්ධවීමට සිදුවෙයි. කණ්ඩායම් වැඩසටහනක මූලිකත්වයක් ගැනීමට සිදුවන බවක් පෙනේ. අලුත් පොත්පත් මිලදී ගැනීමකට කටයුතු උදාකරන සතියකි. එමෙන්ම අමතර භාෂාවක් ඉගෙනීමට වෙහෙසෙයි. උසස් අධ්‍යාපන කටයුතු හේතුවෙන් පදිංචියෙන් පිට වාසයට කරුණු සැලසේ.

සෞඛ්‍යය

වරින්වර හට ගන්නා උදරගත ආබාධයකට ප්‍රතිකාර ලබා ගැනීමට සිදුවේ. එමෙන්ම නින්දයාම අඩුවීම, පීනස වැනි සෙම් රෝග හිසට පපුවට බලපාන්න ඉඩ තිබේ.

අය 05 වැය 04

ජය අංකය - 06

ජය වර්ණය - දම්

සුබ දවස - සිකුරාදා

මිථුන

තනතුරු වෙනසක්

පවුලේ කටයුතු වෙනුවෙන් විශේෂ අවධානයක් යොමු කළ යුතු සතියක් වන අතර, මේ සතියේ සඳු ග්‍රහයා 5,6,7 යන භාවයන් මතින් ගමන් කරයි.

ගෘහ ජීවිතය

විශේෂ හිතවත්කමකට මඟ සැලසෙන සතියකි. දුර ඥාතියෙකුගේ පැමිණීමකින් වෙනස්කම් කීපයක් සිදු වේ. නිතර ඇසුරු කරන අයකු සමඟ සිත් අමනාපයක් ඇති කර ගනී. විදෙස් ගමනක් පිළිබඳ සැලසුමක් ඇති කරගන්නා බවක් පෙනේ. දරුවකුගේ විශේෂ ජයග්‍රහණයක් පිළිබඳ සතුටට පත්විය හැකි කාලයකි.

රැකියාව

රැකියාවේ ඉදිරි වැඩපිළිවෙලක් වෙනස් කරයි. රැකියාවේ කටයුතුවලට විවිධ අවහිරතා පැන නැඟීමට ඉඩ ඇත. නිතර ඇවිදිලි වැඩි කරන රැකියා මාර්ගවලට හිමිකම් ඇති කරයි. තනතුරු වෙනසක් හෝ රැකියා ස්ථාන වෙනසක් සිදුවීමට ඉඩ ඇති කාලයක් බැවින් ඒ පිළිබඳ අවධානයෙන් පසුවන්න.

අධ්‍යාපනය

ඉගෙනීමේ කටයුතුවලට වෙනදාට වඩා කැමැත්තක් දක්වයි. අතපසුවූ පාඩම් වැඩකීපයක් සම්පූර්ණ කර ගැනීමට අවස්ථාව සැලසේ. අලුත් පොත්පත් මිලදී ගැනීමකට කටයුතු උදා කරයි. අවිවේකී ලෙස අධ්‍යාපන කටයුතු කරගෙන යන කාලයකි. තරග විභාගයකට සූදානම් වන බවක් පෙනේ.

සෞඛ්‍යය

යටපත් වූ චර්මගත ආබාධයක් නැවත මතුකරයි. වෙනදාට වඩා ශරීර සෞඛ්‍යය පිළිබඳ විමසිලිමත්වන්න. පරම්පරාගත රෝගයක් ඉස්මතුවිය හැකි කාලයකි. පාදයේ හට ගන්නා ආබාධයක් වෙනුවෙන් ප්‍රතිකාර පතන බවක් පෙනේ.

අය 07 වැය 05

ජය අංකය - 09

ජය වර්ණය - කොළ

සුබ දවස - බ්‍රහස්පතින්දා

කටක

රැකියාවේ වගකීම් බහුලවේ

සැනසිලිදායක බව තරමක් දුරට අඩුකරන සතියක් වන අතර මේ සතියේ සඳු ග්‍රහයා 4,5,6 යන භාවයන් මතින් ගමන් කරයි.

ගෘහ ජීවිතය

වයසට වඩා වැඩි අය සමඟ ඇසුරට කටයුතු උදාකරයි. සමාජසේවා කටයුතු කෙරෙහි වැඩි කාලයක් යොදවන සතියකි. වෙනදාට වඩා අතමිට මුදල් ගැවසුණත් වැයපස අධිකයි. වාහන ගනුදෙනුවකට කටයුතු උදාකරන බවක් පෙනේ. අවිවාහකයන්ට සුබදායක වේ. පවුලේ දානමය කටයුත්තකට සැලසුමක් ඇතිකර ගනී.

රැකියාව

රැකියාවේ කටයුතු සම්බන්ධ වගකීම් වැඩි කරයි. වෙනදාට වඩා ඇවිදිලි වැඩිකරන අන්දමේ රැකියා මාර්ගවලට හිමිකම් ඇති කරයි. අලුත් ව්‍යාපාර කටයුත්තකට අතගැසීමට තීරණයක් ගනී. තනතුරු වෙනසක් සිදුවිය හැකි කාලයකි. වගකීම් බහුල රැකියා මාර්ගවලට හිමිකම් ඇති කරයි.

අධ්‍යාපනය

තරගකාරි කටයුතු කෙරෙහි සිත යොමු කරයි. දහම් අධ්‍යාපනික කටයුතුවලින් විවිධ ජයග්‍රහණ හිමිකරයි. උසස් අධ්‍යාපන කටයුතු වෙනුවෙන් වෙහෙසීම් වැඩිකරන කාලයක් වන අතර දුර පළාතකට අධ්‍යාපන කටයුතු සඳහා යාමට සිදුවන බවක් පෙනේ.

සෞඛ්‍යය

ශරීර සෞඛ්‍යය එතරම් යහපත් නැත. හදිසි වැටීම් තැලීම්වලට ඉඩකඩ ඇති බවක් පෙනේ. රුධිරගත ආබාධයක් හෝ පෙනහලු ආශ්‍රිත ආබාධයක් මතුවිය හැකිය. හදිසි සෞඛ්‍ය පරීක්ෂණයකට සම්බන්ධවීමට සිදුවේ. ලේ විෂවීමක් හේතුවෙන් හට ගන්නා චර්මගත ආබාධයකට ඉඩකඩ ඇති බවක් පෙනේ.

අය 07 වැය 06

ජය අංකය - 09

ජය වර්ණය - තැඹිලි

සුබ දවස - ඉරිදා

සිංහ

උනන්දුවෙන් කටයුතු කරයි

වගකීම් බහුල කරමින් සතිය ආරම්භ කරන සිංහ ලග්න හිමි ඔබගේ සඳු ග්‍රහයා මේ සතියේ 3,4,5 යන භාවයන් මතින් ගමන් කරයි.

ගෘහ ජීවිතය

ගනුදෙනුවලදී වංචා රැවටිලිවලට හසුවීමට ඉඩ ඇති බැවින් ඒ පිළිබඳ අවබෝධයෙන් කටයුතු කරන්න. ගේදොර වැඩකටයුතු කෙරෙහි උනන්දුවක් දැක්විය යුතු බවක් පෙනේ. විවාහ යෝජනාවක් සාර්ථක වන කාලයකි. වෙනදාට වඩා උත්සාහයෙන් කටයුතු සිදු කරයි. පවුලේ අය අතර කැපී පෙනෙන අන්දමේ කටයුතු කීපයක් සිදු කරයි. තැන්පත් ධනය වැයවන සතියකි.

රැකියාව

අමතර රැකියා මාර්ගවලට හිමිකම් ඇති බවක් පෙන්නුම් කරයි. එමෙන්ම ස්වයංරැකියා කටයුතුවලින් අමතර ආදායම් ලබන බවක් පෙනේ. රැකියාවේ ඉදිරි දියුණුව පිළිබඳ නව සැලසුම් කීපයක් ඇතිකර ගනී. රැකියා ස්ථානයේ අය අතර සහයෝගයෙන් කටයුතු කිරීමට අවස්ථාව සැලසෙන බවක් පෙනේ.

අධ්‍යාපනය

කලාකාමි කටයුතුවල නියැළෙන කාලයකි. ධාරණ ශක්තිය බලවත් වන බැවින් ඉගෙනීමට දක්ෂතාවයක් දක්වයි. ගුප්ත අංශය කෙරෙහි ද අවධානයක් යොමු කරන බවක් පෙනේ. සහජ කුසලතා ඉස්මතු වන කාලයකි. ගුරු භවතුන්ගේ ප්‍රසාදයට ලක් කරයි.

සෞඛ්‍යය

සෙම් දෝෂ බහුලවීමෙන් උගුරේ අමාරු, පෙනහලු ආබාධ ආදිය ඇතිවිය හැකියි. නිතර නිතර හදිසි සෞඛ්‍යය පරීක්ෂණවලට ලක්වීමට ඉඩ ඇත. වෙනදාට වඩා කෑමබීම ගැනීමේදී කල්පනාවෙන් පසුවන්න. හදිසි වැටීම් තැලීම් ආදියට මුහුණපෑමට සිදුවෙයි.

කන්‍යා

හිතවත්කම් නැවුම් වේ

පවුලේ කෙනකු වෙනුවෙන් විශේෂ අවධානයක් යොමුකරමින් ආරම්භවන මේ සතියේ සඳු ග්‍රහයා 2,3,4 යන භාවයන් මතින් ගමන් කරයි.

ගෘහ ජීවිතය

එදිනෙදා කටයුතු සම්බන්ධ අවිවේකී බවක් ඇති කරයි. දුර ඥාතියකු තමාගේ උපකාර පතා පැමිණෙන කාලයකි. නිතර වයසින් අඩු අය සමඟ එකතුවී කටයුතු කිරීමට සිදුවේ. පැරැණි හිතවත්කමක් අලුත්කරන කාලයකි. වගකීම් බහුල වන කටයුතු කීපයක් යෙදේ. පවුලේ උත්සව අවස්ථාවකට සහභාගිවීමට අවස්ථාව උදාකරයි. පැරැණි පෙම් සබඳතාවයක් අලුත් කරන කාලයකි.

රැකියාව

රැකියාවේ ඉදිරි වැඩපිළිවෙලක් වෙනස් කරයි. රැකියාවේ කටයුතු සඳහා දුරපළාතකට යාමට සිදුවන බවක් පෙනේ. මෙතෙක් ප්‍රමාදතා සිදු කළ රැකියා බලාපොරොත්තුවක් ඉටුවන ලකුණු පෙනේ. තනතුරු අපේක්ෂාවෙන් සිටින අයටද සුබදායකයි.

අධ්‍යාපනය

ඉගෙනීමේ කටයුතුවලට වෙනදාට වඩා ආශාවක් දක්වයි. අතපසු වූ පාඩම් වැඩ කීපයක් සම්පූර්ණ කරගැනීමට වෙහෙසක් දරන බවක් පෙනේ. ගුරුවර වැඩිහිටියන්ගෙන් උපදෙස් පතන කාලයකි. ගණිත අංශයේ කටයුතුවලට විශේෂ දක්ෂතා මතු කරයි.

සෞඛ්‍යය

යටපත් වූ චර්මගත ආබාධයක් නැවත මතුවිය හැකියි. සෞඛ්‍ය පරීක්ෂණයකට භාජනය වීමට සිදුවෙයි. වෙනදාට වඩා අහාරපාන ගැන සැලකිලිමත් වන්න. වරින්වර හට ගන්නා අජීර්ණ ආබාධයකට ප්‍රතිකාර ලබා ගැනීමට සිදුවෙයි.

අය 06 වැය 05

ජය අංකය - 04

ජය වර්ණය - කහ

සුබ දවස - බ්‍රහස්පතින්දා

තුලා

අලුත් දේ මිලදී ගනී

වෙනදාට වඩා ඉවසීමෙන් කටයුතු කළයුතු සතියක් වන අතර මේ සතියේ සඳු ග්‍රහයා 1,2,3 යන භාවයන් මතිනි. ගමන් කරයි.

ගෘහ ජීවිතය

දේපළ ගැටලුවක් නිරවුල් කරගැනීමට හැකිවන සතියකි. සමාජයේ කැපී පෙනෙන අන්දමේ කටයුතු කීපයක් සිදු කරයි. අසල්වාසී සිත් නොහොඳකමක් දුරදිග යාමට ඉඩ ඇත. වෙනදාට වඩා අලංකාරයට සිටීමට කැමැත්තක් දක්වයි. අලුත් දේ මිලදී ගැනීමට කටයුතු උදා කරයි. සමිති සමාගම්වල නිලතල දරන කාලයකි.

රැකියාව

රැකියාවේ වෙනසකට කටයුතු උදා කරයි. දෑතේ මහන්සියෙන් කරන රැකියා කටයුතුවලට ඉඩකඩ ඇත. අලුත් රැකියා බලාපොරොත්තුවෙන් සිටින අයට එතරම් යහපත් කාලයක් නොවනු ඇත. ජලාශ්‍රිත කටයුතු සම්බන්ධ රැකියා මාර්ගවලට ඉඩකඩ ඇති සතියකි.

අධ්‍යාපනය

ඉගෙනීමට දක්ෂතා ඇතත් උසස් අධ්‍යාපනයට විවිධ බාධා මතුකරයි. එමෙන්ම දැනුම බුද්ධිය වර්ධනය වන කටයුතු කීපයකට සම්බන්ධ විය හැකි කාලයකි. අලුත් පොත්පත් මිලදී ගැනීමකට කටයුතු උදා කරයි. වෙනදාට වඩා උත්සාහයෙන්, උන්නදුවෙන් අධ්‍යාපන කටයුතු කරගෙන යන බවක් පෙනේ.

සෞඛ්‍යය

අතේ පයේ ඇතිවන හිරිගතිය හේතුවෙන් ප්‍රතිකාර පතා දුර පළාතකට යාමට සිදුවන බවක් පෙනේ. නිතර ඇතිවන ක්ලාන්ත ගතිය නිදිමත ගතිය හේතුවෙන් එදිනෙදා කටයුතු ප්‍රමාද කරයි. ඖෂධ පාවිච්චියේදී සැලකිලිමත් වන්න.

අය 08 වැය 05

ජය අංකය - 06

ජය වර්ණය - දම්

සුබ දවස - බදාදා

වෘශ්චික

ව්‍යාපාරවලින් නොසිතූ ලාභ

හිතවතෙකුගේ කටයුතු වෙනුවෙන් වෙහෙසීම් ඇති කරමින් පවතින සතියක් වන අතර මේ සතියේ සඳු ග්‍රහයා 12,1,2 යන භාවයන් මතින් ගමන් කරයි.

ගෘහ ජීවිතය

සමාජසේවා කටයුතු කෙරෙහි වැඩි කාලයක් වැය කරන බවක් පෙනේ. සහකරු හෝ සහකාරිය අතර ඇතිවන ගැටලුවක් දුරදිග යයි. ගනුදෙනුවකදී අමතර වාසි සැලසෙන බවක් පෙන්නුම් කරයි. වෙනදාට වඩා නිදහසේ කටයුතු කිරීම සිතන කාලයකි. හිතුවක්කාර තීරණයක් තමාට අවාසිදායක තත්ත්වයක් ඇති කරයි. විදෙස් ඥාතියකුගෙන් උපකාරයක් හිමි කරයි. දුරදිග බලා කටයුතු කළයුතු සතියකි.

රැකියාව

තනතුරු නිලතල දරන අයට සුබදායක කාලයකි. වෙනදාට වඩා රැකියාවේ වගකීම් වැඩි කරයි. වෙළෙඳ ව්‍යාපාර කටයුතුවලින් නොසිතු ලාභ ප්‍රයෝජන අත්කරයි. විදෙස් රැකියා බලාපොරොත්තුවක් ඉටුවන ලකුණු පෙනේ. රැකියාවේ ඉදිරි වැඩපිළිවෙලක් වෙනස් කරයි.

අධ්‍යාපනය

තරගකාරි කටයුතු කීපයකට සම්බන්ධවීමට අවස්ථාව උදාකරයි. අමතර භාෂා පිළිබඳ වැඩිදුර අධ්‍යාපනයට අවස්ථාව සැලසේ. නායකත්ව වැඩසටහනකට සහභාගිවීමට අවස්ථාව උදාකරයි. සරසවි වරම් අපේක්ෂාවෙන් සිටින අයට සුබදායකයි.

සෞඛ්‍යය

ලේ විෂවීමක් හෝ චර්ම ගත ආබාධයක් හේතුවෙන් පීඩා ඇති කරයි. සෞඛ්‍යය පරීක්ෂණවලටද භාජනයවීමට සිදුවන සතියකි. වෙනදාට වඩා ආහාරපාන ගැන සැලකිලිමත් වන්න. කොන්ද, යටිබඩ ආශ්‍රිත යම් යම් ආබාධ මතුවිය හැකි කාලයකි.

අය 07 වැය 05

ජය අංකය - 04

ජය වර්ණය - නිල්

සුබ දවස - සිකුරාදා

ධනු

නව රැකියා ලාභ

වෙනදාට වඩා පීඩාකාරි ලෙස කටයුතු කීපයක් සිදුකරන සතියක් වන අතර මේ සතියේ සඳු ග්‍රහයා 11,12,1 යන භාවයන් මතින් ගමන් කරයි.

ගෘහ ජීවිතය

විශේෂ උත්සව අවස්ථාවකට සහභාගිවීමට කටයුතු උදාකරයි. දරුවකුගේ කටයුතු හේතුවෙන් සිතේ නොසන්සුන්තාවයක් ඇති කරයි. දේපළ ගැටලුවක් නිරවුල් කරගැනීමට කටයුතු සැළසේ. නිතර වයසින් අඩු අය සමඟ ඇසුරට කටයුතු උදාකරයි. විශේෂ කෙනකුගේ හමුවීමක් සිදුවීමට ඉඩ ඇත. වගකීම් බහුල සතියකි.

රැකියාව

අලුත් රැකියාවක් පිළිබඳ අදහසක් ඇති කරයි. රැකියාවේ කටයුතු පිළිබඳ තීන්දු තීරණ ගැනීමේදි දුරදිග සිතා බලන්න. උසස් නිලධාරින් සමඟ සුහදව කටයුතු කිරීමට අවස්ථාව උදා කරයි. රැකියාවේ කටයුතු උදෙසා පදිංචිය වෙනස් කිරීමට සිදුවන සතියකි.

අධ්‍යාපනය

තරගකාරි කටයුතු කීපයකට සම්බන්ධවීමට අවස්ථාව උදා කරයි. ගුරු භවතුන්ගේ ප්‍රසාදයට පත්වන අන්දමේ කටයුතු කීපයක් සිදු කරයි. පැවැති උදාසීන ගති මඟහරවාගෙන කටයුතු සිදුකරන කාලයකි. කලා ක්ෂේත්‍රයේ මෙන්ම සෞන්දර්ය විෂයය සම්බන්ධ කටයුතුවලට අමතර වියදම් බහුලකරයි.

සෞඛ්‍යය

හිස, පපුව ආශ්‍රිත ඇතිවන ආබාධ තත්ත්වයකට ප්‍රතිකාර ලබා ගැනීමට සිදුවන සතියකි. වෙනදාට වඩා ආහාරපාන ගැන සැලකිලිමත්වන්න. යටපත් වූ සෙම් රෝග තත්ත්වයක් නැවත මතුකරයි. හදිසි වැටීම් තැලීම්වලට ඉඩ ඇති බවක් පෙනේ.

අය 07 වැය 05

ජය අංකය - 04

ජය වර්ණය - කොල

සුබ දවස - සිකුරාදා

මකර

ගේදොර අලංකාරයට වෙහෙසේ

එදිනෙදා කටයුතු අධිකවන සතියක් වන අතර මේ සතියේ සඳු ග්‍රහයා 10,11,12 යන භාවයන් මතින් ගමන් කරයි.

ගෘහ ජීවිතය

විශේෂ සැලසුමක් වෙනුවෙන් අත ගැසීමට කටයුතු උදාකරයි. එමෙන්ම හිතවතෙකුගේ භෝජන සංග්‍රහයකට සහභාගිවීමට කටයුතු සැළසේ. ගේදොර අලංකාරය වෙනුවෙන් වෙහෙසෙන කාලයකි. ප්‍රමාද වූ තීරණයක් සාර්ථක කරන සතියකි. අසල්වැසි සුහදතාවයකට හේතු ඇති කරයි. නිතර පුණ්‍ය කටයුතුවලට සම්බන්ධවීමට අවස්ථාව සැලසෙන කාලයකි.

රැකියාව

අවිවේකී ලෙස රැකියාවේ කටයුතු කරගෙන යයි. මෙතෙක් තනතුරු බලාපොරොත්තුව සිටි අයට එතරම් යහපත් කාලයක් නොවනු ඇත. දෑතේ මහන්සියෙන් කරන රැකියා කටයුතුවලින් අමතර ලැබීම් හිමිකරන බවක් පෙනේ. නිවෙසින් බැහැරව කරන රැකියා මාර්ගවලට මඟ පෑදේ.

අධ්‍යාපනය

සෞන්දර්යාත්මක කටයුතුවලින් විවිධ සම්මාන සහතික හිමි කරයි. එමෙන්ම විදෙස් අධ්‍යාපනයකට ද සැලසුමක් ඇතිකර ගනී. දුර බැහැර ප්‍රදේශයකට අධ්‍යාපන කටයුතු සඳහා යාමට සිදුවන සතියකි. කණ්ඩායම් වැඩසටහනක මූලිකත්වයක් ගැනීමට සිදුවන බවක් පෙනේ.

සෞඛ්‍යය

වරින්වර ඇතිකරන අජීර්ණ ආබාධයකට ප්‍රතිකාර ලබා ගැනීමට සිදුවේ. පරම්පරාගත රෝගයක් ඉස්මතුවිය හැකි කාලයකි. පැණි රස කෑම තෙල් බැදුම් ආදියෙන් වැළැකී සිටීම යහපත්වන බවක් පෙනේ. ශරීර සෞඛ්‍යයට බාධා ඇති කරන සතියකි.

අය 07 වැය 04

ජය අංකය - 06

ජය වර්ණය - කහ

සුබ දවස - ඉරිදා

කුම්භ

පවුලේ සතුට උදාවේ

අමතර ලැබීම් සහිත කටයුතු කීපයක් සිදුවීමට ඉඩ ඇති කාලයක් වන අතර මේ සතියේ සඳු ග්‍රහයා 9,10,11 යන භාවයන් මතින් ගමන් කරයි.

ගෘහ ජීවිතය

පවුලේ සැපත සතුට උදාකරන කාලයකි. මෙතෙක් ප්‍රමාදවූ කටයුතු කීපයක් සාර්ථක කර ගැනීමට හැකිවෙයි. අතරමඟ නවතා තිබූ කටයුතු කීපයක් නැවත ආරම්භ කර ගැනීමට හැකිවෙයි. නිතර තමා හමුවට යන එන කෙනකු පිළිබඳ සැලකිලිමත්වන්න. අලුත් දේ මිලදී ගැනීමකට කටයුතු උදාකරන සතියකි. උත්සාහයේ තරමට ප්‍රතිපල අත්විදීමට හැකිවෙයි. ළඟම හිතවතකුගේ උත්සව අවස්ථාවකට සහභාගිවීමට කටයුතු උදාකරන බවක් පෙනේ.

රැකියාව

හදිසි තරග විභාගයකට සම්බන්ධවීමට කටයුතු උදා කරයි. උසස් අධ්‍යාපනයට යම් යම් බාධා පැන නැගුණත් ඒවා ක්‍රමවත් ලෙස කරගෙන යෑමට හැකිවන බවක් පෙනේ. ගුරු දෙගුරුන්ගේ ප්‍රසාදයට ලක්වන සතියකි. අලුත් ව්‍යාපාර කටයුත්තකට අත ගැසීමට අවස්ථාව උදා කරයි.

සෞඛ්‍යය

මූත්‍ර අමාරු යටිබඩ සම්බන්ධ ආබාධ ඇතිවිය හැකි කාලයකි. වරින්වර ප්‍රතිකාර පතා දුර පළාතකට යාමට සිදුවෙයි. වරින්වර ඇතිවන පාදයේ ආබාධයකට ද ප්‍රතිකාර ලබා ගැනීමට සිදුවන සතියකි. ඖෂධ පාවිච්චියේදී සැලකිලිමත් වන්න. දතක ආබාධයකට ප්‍රතිකාර ලබා ගැනීමට සිදුවෙයි. රුධිරගත සීනි මට්ටම කෙරෙහි සැලකිලිමත් වන්න.

අය 07 වැය 03

ජය අංකය - 07

ජය වර්ණය - රතු

සුබ දවස - බ්‍රහස්පතින්දා

මීන

සිතට සැහැල්ලුවක්

උත්සාහයෙන් කටයුතු සිදුකරන කාලයක් වන අතර මේ සතියේ සඳු ග්‍රහයා 8, 9, 10 යන භාවයන් මතින් ගමන් කරයි.

ගෘහ ජීවිතය

සිතේ සැහැල්ලුවෙන් කටයුතු සිදු කරයි.

දරුවන් නිසා සැපත සතුට උදා කරයි. වෙනදාට වඩා උත්සාහයෙන් කටයුතු සිදු කරයි. අතමිට සරුකරන කාලයකි. වැඩිහිටි ආශිර්වාදය ඇතිව කටයුතු කීපයක් සිදු කරයි. එහෙත් මවුපස ඥාතියකුට එතරම් යහපත් කාලයක් නොවනු ඇත. දුරදිග බලා කටයුතු කළ යුතු බවක් පෙනේ. ගුප්ත කටයුතුවලින් පිහිට පතන සතියකි.

රැකියාව

අලුත් රැකියා මාර්ගවලට හිමිකම් ඇති කාලයකි. රැකියාවේ කටයුතු සම්බන්ධ පැවැති අවහිරතා කීපයක් මඟහැරී යයි. ස්වයං රැකියා කටයුතුවලට යහපත් කාලයකි. රැකියාවේ ස්ථාන වෙනස්කම්වලට හිමිකම් ඇති කරයි.

අධ්‍යාපනය

අලුත් දේ ඉගෙනීමට කටයුතු උදාකරයි. නිතර පොත්පත් කියවීමට රුචිකත්වයක් දක්වන කාලයකි. අමතර භාෂාවක් ඉගෙනීමට වෙහෙසෙන බවක් පෙනේ. ගුරුභවතුන්ගේ ප්‍රසාදයට පත්වන කාලයකි. නිර්මාණශීලි කටයුතුවලින් විවිධ ජයග්‍රහණ හිමිකරයි.

සෞඛ්‍යය

චර්මගත ආබාධයක් හේතුවෙන් ප්‍රතිකාර ලබා ගැනීමට සිදුවේ. වෙනදාට වඩා තමා ගන්නා ආහාරපාන ගැන සැලකිලිමත්වන්න. රුධිරගත සීනි මට්ටමෙහිදී වෙනසක් සිදුවීමට ඉඩ ඇති බවක් පෙනේ. වරින්වර පරීක්ෂණවලට භාජනය වීමට සිදුවෙයි.

අය 06 වැය 03

ජය අංකය - 04

ජය වර්ණය - රතු

සුබ දවස - බ්‍රහස්පතින්දා