හරීන් ඌවේ මහ ඇමති වන ලකුණු ? - Harin Fernando Uva Incident - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

...

Jan

3 Views

ඌව පළාත් සභාවේ බහුතර බලය එක්සත් ජාතික පක්ෂයට ඇති බව පවසමින් ඒ අනුව ඌව පළාත් සභාවේ ප්‍රධාන අමාත්‍යවරයා ලෙස හරින් ප්‍රනාන්දු මහතා පත්කරන්නැයි මන්ත්‍රීවරුන් 17 දෙනෙකුගේ දිවුරුමි ප්‍රකාශ ඉදිරිපත් කරමින් ඌව පළාත්සභාවේ විපක්ෂනායක හරීන් ප්‍රනාන්දු මහතා එක්සත් ජාතික පක්ෂයේ මන්ත්‍රීිවරු 11 දෙනෙක් සහ ශ්‍රී ලංකා නිදහස් පක්ෂ මන්ත්‍රි වඩිවේල් සුරේෂ යන මහත්වරු ඌව ආණ්ඩුකාර සී නන්ද මැතිව් මහතාගෙන් ඉල්ලා සිටියහ.

ඊට පැය බාගයකට පමණ පසු ඌව ආණ්ඩුකාරතුමා හමුවු මන්ත්‍රි ජානක තිස්සකුට්ටි ආරච්චි මන්ත්‍රිවරයා තමා දුන් දිවුරුමි ප්‍රකාශය තහවුරු කළේය . ඔහු එක්සත් ජාතික පක්ෂයේ මොණරාගල දිස්ත්‍රික්කයේන් පලාත් සභාව තේරිපත්වු මන්ත්‍රිවරයෙක් වන අතර ජනාධිපතිවරණයට දින කීපයක් තිබියදි ඔහු ජනාධිපති මහින්ද රාජපක්ෂ මහතාට සහාය පල කිරිමට කටයුතු කළේය. එහෙත් ඔහු පැවසුවේ තමා එක්සත් ජාතික පක්ෂයෙන් ඉවත්නොවු බවයි.

යලි පැත්ත මාරුකිරිම ගැන මාධ්‍යවලට අදහස් දක්වමින් ඔහු පැවසුවේ තමාගේ කලණ මිතුරා වන හරීන් ප්‍රනාන්දු මහතා මහ ඇමති වනවාට ඇති දැඩි ආශාව හා මුළු රටම මෛත්‍රී පාලනය අනුමත කිරිම නිසා මේ තිරණය ගත්බවයි.

මාධ්‍යවේදින් වෙත අදහස් දැක්වු ඌව පළාත් සභාවේ එක්සත් ජාතික පක්ෂ මන්ත්‍රි රවීන්ද්‍ර සමරවීර මහතා පැවසුවේ , එක්සත් ජාතික පක්ෂයත් මේ තාක්කල් ආණ්ඩු පක්ෂයට සහායදුන් මන්ත්‍රිවරු 5 දෙනෙකුත් ඌව පළාත්සභාවේ ප්‍රධාන අමාත්‍යවරයා ලෙස හරින් ප්‍රනාන්දු මහතා පත්කිරිමට සහාය පලකරමින් දිවුරුමි ප්‍රකාශ ඉදිරිපත්කල බවයි. දින කීපයක් තුල ප්‍රධාන අමාත්‍යවරයා ලෙස හරීන් ප්‍රනාන්දු මහතා දිවුරුමි දෙන බවත් ඉන්පුස අමාත්‍ය මණ්ඩලය පත්කර ඌවේ සංවර්ධන කටයුතු අරඹන බවත් හෙතෙම සදහන් කලේය.

විපක්ෂ නායක හරින් ප්‍රනාන්දු මහතා අදහස් දක්වමින් පැවසුවේ මේ අවස්ථාව වෙනවිට ඌව පළාත් සභාවේ මන්ත්‍රී ධූර 34 න් 17දදෙනෙකුගේ සහයෝගය එක්සත් ජාතික පක්‍ෂයට ලැබි ඇති අතර එක්සත් ජනතා නිදහස් සන්ධානයට ඇත්තේ මන්ත්‍රී ධූර 15 ක් පමනක් බවයි.

ඌව ආණ්ඩුකාර සී.නන්ද මැතීව් මහතා.මෙසේ පැවසීය

හරීන් ප්‍රනාන්දු මහතාගේ ප්‍රධානත්වයෙන් 17 දෙනෙක් දිව්රුම් පෙත්සම් අද භාරදීලා තියෙනවා. තව 04 දෙනෙක් හෙට උදේ ඇවිත් මාව මුණ ගැසෙනවා. දැන් ඇවිත් ඉන්න අය සමඟ සම්පූර්ණයෙන් කතා කරලා කැමැත්ත මත මෙය අත්සන් කරලා තියෙන්නේ කියලා මට ඔප්පු කරලා පෙන්වලා තියෙනවා. ඒ අතර හෙට අනෙක් පිරිස ආවට පස්සේ ඒ මතය එහෙම නම් මට පිළිගන්න වෙනවා. මගේ පරම යුතුකම, මේ වගේ කණ්ඩායමක් ඇවිත් මාව මුණගැහුණා කියලා දැනට ඉන්න ප්‍රධාන අමාත්‍යතුමාට දන්වන එක. ඔබතුමාට මීට වැඩිපිරිසක් ඉදිරිපත් කරන්න පුළුවන්ද කියලා කියන එක.

එහෙම බැරිවුණොත් මේ අය දීපු දිව්රුම් පෙත්සම් භාර අරගෙන ඉදිරි කටයුතු කරන්න සිද්ධ වෙනවා.’’යැයිද ආණ්ඩුකාරවරයා පැවසීය ඌව පළාත් සභාවේ මන්ත්‍රීධූර සංඛ්‍යාව 34 කි. එක්සත් ජාතික පක්ෂයේ මන්ත්‍රීවරුන් සංඛ්‍යාව 13 ක් වන අතර එක්සත් ජනතා නිදහස් සංධානයේ මන්ත්‍රීවරුන් සංඛ්‍යාව 19 කි. ජනතා විමක්ති පෙරමුණේ මන්ත්‍රීවරුන් සංඛ්‍යාව 02 කි.