ජනප්රිය ගායක නාමල් උඩුගමට වකුගඩුවක් පරිත්යාග කළ පුද්ගලයා සිදුකළ හෙළිදරව්වත් සමග බොහෝ දෙනෙකු නාමල් - රුවන්ති දෙපළ පිළිබඳව කතා කරන්නට පටන් ගත්තා.
ප්රශ්න පිට ප්රශ්නවලට මුහුණ දුන් නාමල් සහ රුවන්ති ඒ පිළිබඳව සති අන්ත පුවත්පතකට කියූ කතාවයි මේ.
පහුගිය කාලේ ගොඩක් ප්රශ්නවලට මුහුණ දෙන්න වුණා නේද..?
ඔව්. නොහිතපු විදිහට අසනීප වුණා. ඒත් එක්කම එක පිට එක ප්රශ්න ආවා. එකක් විසඳගන්නකොට තව එකක්. අදට කියලත් ප්රශ්න ඉවරයක් නෑ. අසනීප තත්ත්වෙ සුව වුණත් කොහේ හරි යන අනවශ්ය ප්රශ්න ඔලුවට එනවා.
දැන් කොහොමද ප්රශ්න කියන ඒවා දකින්නෙ..?
ප්රශ්නයක් ආවාම අනිවාර්යෙන්ම ඒකට මුහුණ දෙන්න වෙනවා. එයින් පැනලා යන්න බෑ. ඒ නිසාම විඳගන්න දරාගන්න පුළුවන්කම ලැබුණා. ප්රශ්න වැඩි වෙද්දි ඉබේම ධෛර්යවන්ත වුණා. අද වෙනකොට ප්රශ්නවලින් පදම් වෙලා.
මේ දේවල් විසඳගන්න බිරිඳ රුවන්තිගෙන් ලැබුණෙ මොන වගේ සහයක්ද..?
ඒක මොන වගේද කියලා මේ ජීවිත කාලෙම මට වචනයෙන් විස්තර කරන්න බැහැ. එයා තමයි මේ හැමදේම හොඳින් විසඳුවේ. ආපු හැම ප්රශ්නයකටම සැලෙන්නෙ නැතිව නිර්භීතව නොසැලි කටයුතු කරලා මගේ ජීවිතය බේර ගත්තෙ ඇය. ඇය නැත්නම් මං අද මේ ලෝකේ නෑ.
අලුත් ගීත ගැයුවට පරණ ඒවා තරම් ජනප්රිය වුණේ නෑ නේද..?
ඔව්. එහෙම එකක් තියෙනවා. එදා ගීතවලට තිබුණ ඉල්ලුම අදටත් ඒ විදිහමයි. ප්රසංගයකට ගිහින් ස්ටේජ් එකට නැග්ගම බොහෝ වෙලාවට මම හිතාගෙන යන සිංදු කියන්න ලැබෙන්නෙ නැහැ. එක හඬින් ඉල්ලන්නෙ පැරණි ගීත. හේතුව මොකක්ද දන්නෙ නැහැ. ඒත් මම රසිකයන්ගෙ ඉල්ලීම ඉටු කරනවා.
අද වන විට ඔබ මුහුණු පොතේ ජනප්රිය චරිතයක් වෙලා.
ඔව්.. මගේ සැත්කමට අක්මාවේ කොටසක් දීපු ක්රිෂාන්ත කියන පිංවතා කාගේ හරි උසිගැන්වීමකට සැත්කමෙන් අවුරුදු තුනකට පස්සෙ අසත්ය ප්රකාශ මුහුණු පොතට එකතු කරලා තියෙනවා. ඒත් ඔහු ගැන මගේ කිසිම අහිතක් නැහැ. මම ඔහුට උදේ හවස පිං දෙනවා මුදලට වුණත් මට අක්මාවේ කොටසක් දුන්නු එක ගැන. ඒ හැම ගණුදෙනුවක්ම කළේ නීත්යානුකූල ලියවිලි සමග. අවශ්ය ඕනෑම දේකට අපි ළඟ ඒවා තියෙනවා.
රුවන්ති මංගලා....
රුවන්ති රඟපෑම අතහැරලා දේශපාලනයට බහිනවා..?
එහෙම නෙමෙයි ලැබුණු අවස්ථාවට සාධාරණයක් ඉටු කරන්න ඕන. මොකද අවස්ථාව කියන එක තාම වුණත් වටිනවා. රඟපෑම අතහරින්නෙ නෑ.
සැමියාගේ රෝගී තත්ත්වයත් එක්ක ආපු ප්රශ්න කරදරවලට රුවන්ති මුහුණ දුන්නෙ කොහොමද..?
ඒක මටත් ප්රශ්නයක් තවමත්.. මමත් තාම ඒ ගැන කල්පනා කරනවා. නාමල් අසනීප වුණා කියලා මගේ ඇස් දෙකෙන් එක කඳුලක් වැටුණෙ නෑ. මම දරදඬු ගැහැණියක් වුණා. කොහොම හරි ඔහු සුව කර ගන්නවා කියන තැනයි මම හිටියෙ. සහෝදර ශිල්පී ශිල්පිනියන් වගේම ගොඩ දෙනෙක් අපිට උදව් කළා. ඒ නිසා මට හැම දේටම එඩිතරව මුහුණ දෙන්න හැකියාව ලැබුණා. ඒ හැමෝටම මම ස්තූති කරනවා.
ජනප්රිය චරිත කට කතාවලට ලක් වෙන ප්රවණතාව වැඩියි..?
අපි දෙන්නා ක්ෂේත්ර දෙකක. ඔහු ගැන කට කතාවක් තිබුණොත් මමවත්, මා ගැන කට කතාවක් තිබුණොත් ඔහුවත් ඒවා ගණන් ගන්නෙ නෑ. අපි කවුද කියන්න අපි දන්නවා. අනික අපට ඕවා පස්සෙ යනවට වඩා කරන්න වැඩ තියෙනවා.