සවස් කාලයේ හෝ රාත්රී කාලයේදී වැසි හෝ ගිඟුරුම් සහිත වැසි ඇතිවීම සදහා හිතකර වායුගෝලීය තත්ත්වයන් තවදුරටත් පවතින බව කාලගුණ විද්යා දෙපාර්තමේන්තුව පවසනවා.
සබරගමුව, මධ්යම, බස්නාහිර සහ උතුරු මැද පළාත්වලත් ගාල්ල සහ මාතර දිස්ත්රික්කවලත් අද (13) දිනය තුල වැසි හෝ ගිඟුරුම් සහිත වැසි ඇති විය හැකි බවයි එම දෙපාර්මේන්තුව වැඩිදුරටත් සඳහන් කරන්නේ.
දිවයිනේ සෙසු ප්රදේශ වල තැනින් තැන පස්වරු දෙකෙන් පමණ පමණ පසුව වැසි හෝ ගිඟුරුම් සහිත වැසි ඇති විය හැකි බවයි එම දෙපාර්තමේන්තුව අද (13) උදෑසන නිකුත්කළ නිවේදනයේ දැක්වෙන්නේ.
බස්නාහිර, සබරගමුව,ඌව සහ නැගෙනහිර පළාත් වලත් කළුතර, ගාල්ල සහ මාතර දිස්ත්රික්ක වලත් ඇතැම් ස්ථාන වලට මිලිමීටර් 50 -75 ක් පමණ තරමක තද වර්ෂාපතනයන් ඇති විය හැකියි.
ගිඟුරුම් සහිත වැසි ඇති වන විට එම ප්රදේශවල තාවකාලිකව තද සුළං ඇති විය හැකි අතර අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටිනවා.