Rayynor Silva,Raynor Silva Holdings,RaynorSilva,RayynorSilva

ගෙවුණු සතියේ  Facebook සමාජ ජාලය තුල වැඩිපුරම හුවමාරුවූ විවිධ නිර්මානාත්මක Post කිහිපයක් හිරු ගොසිප් පාඨකයන්ගේ විනෝදාස්වාදය සඳහා 107 වන සතියටත් මෙසේ ඉදිරිපත් කරමු..

පසුගිය සති කිහිපය පුරාම අපේ රටේ විතරක් නෙවෙයි පිටරට ඉන්න අපේ අය අතරේ හුවමාරු වුණු වීඩියෝවක් තමයි කීර්ති පැස්කුවෙල් මහත්මයා අසාධ්‍ය තත්වයෙන් ලෙඩ ඇඳේ ඉන්න තරුණියකට ගායනා කරපු  ඇය කැමතිම ගීත දෙක.

මේ ගැන හැමෝම කතාවුණේ ඇය මෙලොවින් සමුගන්න අවසන් මොහොත ඇය කැමතිම ගීත ගායනා කරන්න රෝහලට ගිය කීර්ති පැස්කුවෙල් මහත්මයා මොන තරම් මහත්මා ගුණයෙන් පිරි මිනිස්සුන්ගේ හදවත් වලට කතා කරපු කෙනෙක්ද කියලා ඒ වීඩියෝව බලපු හැමෝටම තේරුණු නිසා. ඉතින් තමන්ගේ පියා මේ කරපු වැඩේ ගැන ඔහුගේ පුතා හැටියට කසුන් පැස්කුවෙල් වුනත් ගොඩක් සතුටු වුණා. ඒ සතුට වෙනුවෙන්ම ඔහු තාත්තාගේ උපන්දිනයට අපූරු තෑග්ගක් දුන්නා.

ලාංකික සම්භවයක් සහිත ඔස්ට්‍රේලියානු ජාතිකයකුගේ නිවාස 2 ක් ඔස්ට්‍රේලියා ත්‍රස්ත විමර්ශන ඒකකය විසින් වටලා තිබෙනවා.  ඒ ඔහු ISIS කැරළිකරුවන් සමඟ සම්බන්ධයක් ඇති බවට වන සැකයක් හේතුවෙන්.

ISIS සංවිධානයට සහය පළකරමින් එළිදක්වා ඇති වීඩියෝ පටයක මෙම පුද්ගලයා පෙනී සිට ඇති බවයි ඔස්ට්‍රේලියා ආරක්ෂක අංශ ප්‍රකාශ කරන්නේ. කෙසේ වෙතත් මෙම වැටලීමෙන් සොයාගත් කරුණු පිළිබඳ  බලධාරීන් මෙතෙක් තොරතුරු හෙළි කර නැහැ.

ආරක්ෂාවට දැම්ම මැටි මුට්ටි 2ක් හමුවෙයි
වැලි ගොඩගන්න අයගේ රත්‍රන් ගලවලා දාලා
පූල් එකෙන් වතුරත් උනනවලු

පසුගියදා ASP ලියනගේ මහතා විසින් හිටපු ජනපති මහින්ද රාජපක්ෂට ලබාදීමට සූදානම් කළ බවට පැවසුණු පීකොක් මන්දිරය ඉදිරිපිට තිබූ පිහිනුම් තටාකයේ රත්තරන් පුරවා පසුව එයට වැලි පිරවූ බවට පැවසෙන කරුණක් නිසා එහි වැලි ගොඩ දැමීමට කටයුතු කිරීම අද සිදු කෙරෙනවා.

ඒ සඳහා මේ වන විට කණ්ඩායමක් පීකොක් මන්දිරයට පැමිණ ඇති බවටයි හිරු ගොසිප් අපට ආරංචි වුණේ. එහි තිබී ආරක්ෂාව සඳහා වළලා දැමූ මැටි මුට්ටි 2ක් හමුවි ඇති අතර වැලි සාම්පල් කිහිපයක් පරීක්ෂා කිරීමද සිදුව තිබෙනවා. ඒ වැලි නිශ්චිතවම අදාල කාලයේ ගෙනැත් දැමුවේ ඒවාදැයි පරීක්ෂා කිරීමටයි..

මාවතගම තල්ගස්පිටිය ප්‍රදේශයේ වයස අවුරුදු 13 ක දැරියක් ඝාතනය කර තිබෙනවා. ඇය ඝාතනයට ලක්ව සිටියදී ඊයේ (28) පස්වරුවේ සොයා ගැනුනේ තලගස්පිටිය අඹකොටේ ප්‍රදේශයේ පදිංචිව සිටි දැරියක්.

දැරියගේ සිරුර හමුවූයේ ඇයගේ නිවසට යාබදව පිහිටි වත්තක වූ නිවසක් තුළයි.  සිරුර හමුවන විට එය සම්පූර්ණයෙන් ඇඳ ඇතිරිලිවලින් ඔතා තිබුණු බවටයි වාර්තා වුණේ.

 

සාදයක් අතරතුර පොලිස් පහරදීමකින් මියගියා යැයි පැවසෙන තරුණයාගේ මරණ පරීක්ෂණයේ සාක්ෂිවලින් අනාවරණය වූ සැකකරුවන් අත්අඩංගුවට ගැනීමට ඇඹිලිපිටිය මහේස්ත්‍රාත්වරයා නියෝග කර පැය 24 කටත් වඩා වැඩි වුණත් මේ වන තෙකේ කිසිවෙකුත් අත්අඩංගුවට ගෙන නැති බවයි වාර්තා වන්නේ.

 

අධිකරණයට අපහාස කිරීමේ චෝදනාව මත අත්අඩංගුවට ගෙන දැනට රක්ෂිත බන්ධනාගාර ගතකර සිටින බොදුබල සේනා සංවිධානයේ මහ ලේකම් පූජ්‍ය ගලගොඩඅත්තේ ඥාණසාර හිමියන් ඇප ඉල්ලා මෝසමක් ගොනුකර තිබෙනවා.

කෙසේ නමුත් ඥානසාර හිමියන්ට ඇප ලබා ගැනීම සඳහා නීතිඥ ශාන්ත වර්ණකුලසූරිය මහතා ඇතුළු නීතිඥයන් පිරිසක්‌ විසින් ඉදිරිපත් කළ ඇප අයෑදුම්පත ප්‍රතික්‍ෂේප කිරීමට මහේස්ත්‍රාත්වරයා තීරණය කර තිබුණා.

අපි නොපෙනෙන අදෘශ්‍යමාන බලවේගයන් ගැන ගොඩ දෙනෙක් විශ්වාස නොකළත් සමහර අවස්ථාවල ඒ දෙවල් ගැන අකමැත්තෙන් හරි විශ්වාස කරන්න වෙන සිදුවීම් අපිට සිද්ධ වෙනවා වගේම ඒ වගේ සිදුවීම් ගැන අපිට අහන්න දකින්න ලැබෙනවා. මේ කියන්න යන්නෙත් ඒ වගේ කතාවක්. මේකේ විශේෂත්වය තමයි මේ දරුවා ඉපදිලා තියෙන්නේ අපේම රටේ වෙන එක. ඒ අනුරාධපුර කහටගස්දිගිලිය ප්‍රදේශයේ.

ඔහුට කුඩා කාලයේ ඉඳන්ම තිබුණු ලෙඩක් තමයි තමන්ගේ අත හපාගෙන කාලා ලේ එන දිහා බලන් ඉන්න එක. මුලින්ම මේ දරුවාගේ දෙමාපියන් අත තුවාල වෙලා තියෙනවා දැක්කම හිතලා තියෙන්නේ මොකෙක් හරි සතෙක් නිසා මේක සිද්ධ වෙලා කියලා. ඒත් දවස් දෙක තුනක්ම මේ දේ ගැන හොයලා බලපුවාම තමයි වෛද්‍යවරු ඇත්ත මොකක්ද කියලා හොයාගෙන තියෙන්නේ. සතෙක් කාලාවත් අනතුරක් නිසාවත් නෙවෙයි තමන්ගේම දත්වලින් හපලා සිද්ධවුණු තුවාල තමයි මේ අතේ තියෙන්නේ කියපුවාම දෙමාපියන් දෙන්නා පුදුම වෙලා.

සේයා සදෙව්මි ඝාතන නඩුව මේ වන විට අධිකරණයේ අඛණ්ඩව විභාගයට ගනිමින් සිටිනවා. ඒ අතර පසුගියදා සිද්ධිය සම්බන්ධයෙන් සාක්ෂි දීමට පැමිණි ජින්ටෙක්‌ ආයතනයේ ජ්‍යෙෂ්ඨ විද්‍යාඥ ආචාර්ය රුවන් ඡේ. ඉලේපෙරුම මහතාගේ සාක්ෂියක් අනුව ඔවුන් වසර ගණනක් හෙළිනොවූ රහසක් සොයාගෙන තිබෙනවා.

 ඒ සම්බන්ධයෙන් ඔහු පවසා ඇත්තේ සිද්ධියට සම්බන්ධ සැකකරුවන් වූ සමන් ජයලත් සහ ඔහුගේ සොහොයුරු දිනේෂ් ප්‍රියශාන්ත එකම පිය පරම්පරාවක නොවන බවයි. කෙසේ නමුත් මෙය සිදුවූ ආකාරය මෙන්ම එහි විද්‍යාත්මක පසුබිම සම්බන්ධයෙන් නිවැරදි තොරතුරු දැනගැනීමට හිරු ගොසිප් අප ජින්ටෙක් ආයතනයේ රුවන් ඡේ. ඉලේපෙරුම මහතා සම්බන්ධ කරගැනීමට හැකිවුණා.

29 හැවිරිදි සුමිත් ප්‍රසන්න ජයවර්ධනගේ මරණය සම්බන්ධයෙන් මහේස්ත්‍රාත් මරණ පරීක්ෂණයේ දී සාක්කි දුන් මියගිය අයගේ බිරිඳගේ සාක්කියෙන් අනාවරණය වූ සැකකාර පොලිස් නිලධාරීන් වහාම අත්අඩංගුවට ගන්නා ලෙස අතිරේක මහේස්ත්‍රාත් ප්‍රසන්න ප්‍රනාන්දු ඊයේ නියෝගකළා.

මරණකරුගේ විවාහක ගැබිනි බිරිඳ වූ ශෂිකා නිශාමනී මුණසිංහ පැය එක හමාරක් පමණ  සාක්කි ලබා දී තිබෙනවා.  ඇය පවසා ඇත්තේ ඇඹිලිපිටිය සහකාර පොලිස් අධිකාරීවරයා සහ මූලස්ථාන පොලිස් පරීක්ෂකවරයා -  සිය සැමියාට මරණය ගෙන දුන් පහර දීමේ සිද්ධියට පැමිණි බව තමා හඳුනා ගත් බවයි.

ලංකාවේ පොලිසියට මේ එච්චර හොඳ කාලයක් නෙවෙයි. කොටදෙණියාව, ඇඹිලිපිටිය සිද්ධිවලදි මේ ගැන වැඩිපුරම කතාවුණේ පොලිසිය කරපු සමහර වැඩ කවුරුත් අනුමත කළේ නැති නිසා. ඒ විදියට පොලිසියේ නම සවුත්තු කරපු තවත් පොලිස් නිලධාරියෙක් ගැන වීඩියෝ එකක් හිරු ගොසිප් අපිට හම්බවුණා.

මේකේ ඉන්න පොලිස් නිලධාරියා හොඳටම මත්පැන් පානය කරලා බයික් එකේ ගිහින් තියෙනවා. වෙරි වැඩි නිසාමදෝ පාර අයිනේ හිටපු කාන්තාවකුත් මෙයා හප්පගෙන තමයි ගිහින් තියෙන්නේ. හැබැයි හැප්පුණාට පස්සේ බයික් එක නතර කරලා නෑ. කුරුල්ලෙක් වගේ කඩාගෙන ගිහින්. මේක දැකපු ගමේ කොල්ලෝ ටික බයික් එක පස්සේ පන්නන් ගිහින් පොලිස් නිලධාරියාව අල්ලගෙන. එතකොට තමයි තේරිලා තියෙන්නේ මෙයාට කෙලින් ඉන්නවත් බැරි විදියට බීලා කියලා.

ශ්‍රී ලාංකේය මාධ්‍ය කලාවට නව්‍යවූත්,  පෙරළිකාරවූත් අත්දැකීම් රැසක් එක් කල ආසියානු මාධ්‍යජාලයේ හිරු FM තවත් දැවැන්ත කටයුත්තකට මේ වනවිට සියල්ල සුදානම් කර හමාරයි. ඒ හිරු සිරිපා කරුණාවයි.

17ත් වසරක් පුරාවටම ශ්‍රී ලාංකේය ගුවනේ අංක එකේ රේඩියෝ නාලිකාව බවට හිරු ඔසවා තැබූ දයාබර ශ්‍රාවක ඔබ වෙනුවෙන් හිරු සිරිපා කරුණාව මෙවර සංවිධානය වන්නේ 4වෙනි වරටයි.ආසියානු මාධ්‍ය ජාලයේ ගරු සභාපති රේනෝ සිල්වා මහතාගේ තවත් පිංබර සංකල්පයක් ලෙසින් දිග හැරෙන හිරු සිරිපා කරුණාව ඔස්සේ දිවයිනේ සතර දිග්භාගයෙන්ම පෙලගැසෙන ශ්‍රාවක බැතිමතුන්ට හිරුගේ සියඵ සුව සත්කාර මැද සිරිපා කරුණා කිරීමට වරම් හිමිවනවා.

පෙට්ටියේ මොනවද ඇහුවම තේ කුඩු කියලා

ලේ කිරි කරලා පොවපු තමන්ගේ අම්මා තාත්තා මේ ලෝකේ දාලා ගියාම ඒ අයගේ මිනිය ගෙදරටවත් ගෙන්නේ නැතිව කුලියට මල්ශාලාවක තියෙන සමහර දරුවෝ මේ ලෝකේ ඉන්නවා. හැබැයි කවදාවත් තමන්ගේ දරුවට පණ වගේ ආදරේ කරපු අම්මා කෙනෙක් තාත්තා කෙනෙක් මොන හේතුවක් නිසාවත් දරුවෙක් මේ ලෝකේ දාලා ගියාම ඒ වගේ දෙයක් කරන්නේ නෑ.

 ඒ විදියට තමන්ට මොනතරම් ආර්ථික අපහසුතා තිබ්බත් පුතාගේ මිනිය ඉස්පිරිතාලේ දාලා එන්නේ නැතිව ඒ මළසිරුර පෙට්ටියක දාලා කාටත් හොරෙන් ගෙදරට ගෙනාපු තාත්තා කෙනෙක් ගැන අපිට ආරංචි වුණා. ඒ ගම්පොල ප්‍රදේශයෙන්. ඔහු මේ විදියට හොරෙන් මිනිය ගෙනාවේ මල්ශාලාවක වාහනයකට දෙන්න සල්ලි නැති නිසා.

ප්‍රවීන ජ්‍යෝතිර්වේදී ජාත්‍යන්තර ජ්‍යෝතිෂ්‍ය උපදේශක නිශාන්ත පෙරේරා මහතා සමග
හිරු ගොසිප් ගෙනෙන විශේෂ අනාවරණය

2016 ජනවාරි මස 30වනදා මාධ්‍යම රාත්‍රී 12.53ට සිදුවීමට නියමිත රාහු කේතු ග්‍රහ මාරුව ඔබේ ලග්නයට බලපාන ආකාරය සම්බන්ධයෙන් හිරු ගොසිප් ඔස්සේ සුවිශේෂී විග්‍රහයක් ගෙන ඒමට මෙවර අප සූදානම්.

ලග්නයෙන් ලග්නයට රාහුගේ හා කේතුගේ පැමිණීම ඔබට බලපාන ආකාරය ප්‍රවීන ජ්‍යෝතිර්වේදී ජාත්‍යන්තර ජ්‍යෝතිෂ්‍ය උපදේශක නිශාන්ත පෙරේරා මහතා සවිස්තරව ඔබවෙත ගෙන එන්නේ මේ ආකාරයෙන්....