"විදෙස් රටවල්වල මේකට හොඳ ඉල්ලුමක් තියනවා..." ලොවක් මවිත කළ තැඹිලි කෝම්බයෙන් ලක් අභිමානය පෙන්වූයේ මෙහෙමයි.. video - Technology News - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Feb

"විදෙස් රටවල්වල මේකට හොඳ ඉල්ලුමක් තියනවා..." ලොවක් මවිත කළ තැඹිලි කෝම්බයෙන් ලක් අභිමානය පෙන්වූයේ මෙහෙමයි.. video

14 Views

තැඹිලි කෝම්බ කීයක් නම් අපේ රටේ අපතේ යනවාද..

මේ නිසා සිදුවෙන පාරිසරික විනාසය ගැන අමුතුවෙන් කියන්න ඕන නැහැ නේ...

ඒත් මෙන්න දැන් ඒකට විසඳුමක් තියනවා.. මේක අපේ රටේම සොයාගැනීමක් වෙච්ච එක අපිට තවත් ආඩම්බරයක්.. ඒත් එක්කම පවතින පාරිසරික ගැටලු රාශියකටත් මේක හොඳ විසඳුමක් වේවි..

ලොව ප්‍රථම වරට ඉවතලන තැඹිලි කෝම්බ ආශ්‍රයෙන් ඇඟලු‍ම් සඳහා යොදාගත හැකි ස්වාභාවික වර්ණක නිපදවීමට ශ්‍රී ලංකා නැනෝ තාක්ෂණ ආයතනයේ විද්‍යාඥයින් පිරිසක් සමත්ව තිබෙනවා..

යුරෝපය ඇතුළු බටහිර රටවල් වාර්ෂිකව සිය ඇඟලු‍ම් නිෂ්පාදන සඳහා කෘත්‍රිම වර්ණක ටොන් ලක්ෂ 2කට ආසන්න ප්‍රමාණයක් භාවිතා කලද ඒවායින් මිනිස් සිරුරට මෙන්ම පරිසරයටද අහිතකර බවයි විද්‍යාත්මකව තහවුරු කර ඇත්තේ.. ඒ අනුව බොහෝ පිරිස් ස්වාභාවික වර්ණක සඳහා නැඹුරු වී තිබෙනවා..

එවන් පසුබිමක් තුලයි ශ්‍රී ලංකා නැනෝ තාක්ෂණ ආයතනයේ විද්‍යාඥයින් පිරිස ඉවතල තැඹිලි කෝම්බ ආශ්‍රයෙන් ඇඟලු‍ම් සඳහා යොදාගත හැකි ස්වාභාවික වර්ණක නිපදවීමට සමත්ව ඇත්තේ..

ලෝකය පුරා ඇඟලු‍ම් වර්ණ ගැන්වීම සඳහා භාවිතයට ගැනෙන වර්ණක ජලයට එක්වීමෙන් සහ හිරු කිරණට නිරාවරණය වීමෙන් පරිසරයට දැඩි බලපෑමක් එල්ල කෙරෙනවා..

මේ ගැටලු‍වට යුරෝපය ඇතුළු බටහිර රටවල් ලෝකයෙන් විසඳුමක් ඉල්ලා සිටි අතර එයට මනා විසඳුමක් ලබාදීමට ශ්‍රී ලංකා නැනෝ තාක්ෂණ ආයතනයේ විද්‍යාඥයින් පිරිසක් සමත් ඇත්තේ ශ්‍රී ලාංකේය නාමයටද ඉමහත් කීර්තියක් ලබාදෙමින්..