මේ කියන්න යන කතාවේ හරි විස්තරයක් දැනගන්නකම් ඔබ ටිකක් නොඉවසිල්ලෙන් බලා සිටීවී..
මොකද මේ නම ඇහෙන විටත් හිතට එන්නේ චකිතයක්...
හිටපු එල්.ටී.ටී නායක වේළුපිල්ලේ ප්රභාකරන්ගේ දියණිය ද්වාරකා ප්රභාකරන් ජීවත්වන බවට හඟවමින් ඒ .අයි තාක්ෂණය භාවිතා කරමින් ප්රභාකරන්ගේ උපන් දිනයදා නිකුත් කළ වීඩියෝ පටය සම්බන්ධයෙන් ආරක්ෂක බලධාරීන්ගේ දැඩි අවධානය යොමුව තිබෙනවා...
ආරක්ෂක බලධාරීන්ගේ සහභාගිත්වයෙන් පැවති රැස්වීමේ දී මෙම වීඩියෝ පටය ගැන අදහස් මතු වූ අතර බලධාරීන් ඒ සම්බන්ධයෙන් ත්රස්ත විමර්ශන අංශයෙන් විමසීමක්ද කර තිබෙනවා...
එහෙත් එම වීඩියෝ පටයට පෙනී සිටි කාන්තාව ප්රභාකරන්ගේ දියණිය නොවන බවත් එම වීඩියෝව ව්යාජ එකක් බවත් එහිදී අනාවරණය වී ඇති බවයි සඳහන් වන්නේ...
ප්රභාකරන්ගේ උපන් දිනය යෙදුණු 27වැනිදා පවත්වන මහවිරු දිනය නිමිත්තෙන් පස්වරු 5.54 සිට 06.04 දක්වා කාලය තුළ මෙම වීඩියෝ පටය නිකුත් කර ඇති බවයි බුද්ධි අංශ වාර්තා කර සිටින්නේ.
එල්.ටී.ටී සංවිධානය ප්රතිසංවිධානය කිරීමේ ඉතාම වැදගත් ප්රකාශයක් ලෙස නිකුත් වී ඇති මෙම වීඩියෝ පටය මුලින්ම පළ කර ඇත්තේ දෙමළ වෙබ් අඩවියක්...
ප්රභාකරන්ගේ දියණිය තවමත් ජීවතුන් අතර සිටින බව කියමින් කෘතිම බුද්ධිය යොදා ගනිමින් නිපද වූ මෙවන් වීඩියෝ පටයක් ලොව පුරා බෙදා හැරීමට සූදානම් වන බව විදෙස් බුද්ධි අංශ මගින් වාර්තා කර තිබුණා...
ද්වාරකා ප්රභාකරන් තවමත් ජීවතුන් අතර සිටින බව කියමින් සකස් කළ වීඩියෝවක් ඉකුත් සැප්තැම්බර් මාසයේදී ද සමාජ මාධ්ය වෙත වීඩියෝවක් මුදාහැර තිබූ අතර සුදු සුදුපැහැති ඇඳුමකින් සැරසුණු කාන්තාවක උතුරු නැගෙනහිර පළාත්වල සංචාරය කරන දර්ශන ඇතුළත් එම වීඩියෝව භාවිතා කරමින් එල්.ටී.ටී හිතවාදීන් විශාල ලෙස මුදල් උපයා තිබුණා...
එල්.ටී.ටීය විදේශ රටවල සිට පණ පණගැන්වීමට මෙවන් උත්සාහයන් කිහිපයක් ගත් නමුත් ඒවා ව්යර්ථ කිරීමට බුද්ධි අංශ සමත්ව තිබෙනවා...