2015 වසරේ පෙබරවාරි මස මහත් ආන්දෝලනයකට තුඩු දුන් මහ බැංකු බැඳුම්කර වංචා සිද්ධියට අදාළ නඩුවේ මේ වනවිට විදේශගතව සිටින හිටපු මහ බැංකු අධිපති අර්ජුන් මහේන්ද්රන් සහ පර්පචුවෙල් ට්රෙෂරීස් සමාගමේ අධ්යක්ෂවරයෙකු වන අජහාන් ගාර්දිය පුංචිහේවා යන විත්තිකරුවන් නොමැතිව නඩු විභාගය ඉදිරියට පවත්වාගෙන යාමට අවසර දෙන ලෙස නීතිපතිවරයා කොළඹ ත්රිපුද්ගල ස්ථීර මහාධිකරණය හමුවේ ඉල්ලා සිටියා.
ඒ මෙම නඩුව චම්පා ජානකී රාජරත්නල දමිත් තොටවත්ත සහ නාමල් බළල්ලේ යන ත්රිපුද්ගල ස්ථීර මහාධිකරණ විනිසුරු මඬුල්ල ඉදිරියේදී අද කැඳවනු ලැබූ අවස්ථාවේදීයි.
හිටපු මහ බැංකු අධිපති අර්ජුන් මහේන්ද්රන් සහ පර්පචුවෙල් ට්රෙෂරිස් සමාගමේ අධ්යක්ෂවරයෙකු වන අජහාන් ගාර්දිය පුංචිහේවා යන විත්තිකරුවන් නොමැතිව මහ බැංකු බැඳුම්කර වංචා නඩු විභාගය ඉදිරියට පවත්වාගෙන යාමට නීතිපතිවරයා විසින් ත්රිපුද්ගල ස්ථිර මහාධිකරණය හමුවේ ඉල්ලීමක් සිදු කරනු ලැබුවා.
ඒ අදාළ නඩුව අද පෙරවරුවේ චම්පා චානක රාජරත්න, දමිත් තොටවත්ත සහ නාමල් බලල්ලේ යන මහත්ම මහත්මීන්ගෙන් සමන්විත ත්රිපුද්ගල ස්ථිර මහාධිකරණ විනිසුරු මඬුල්ල ඉදිරියේ කැඳවනු ලැබූ අවස්ථාවේදීයි.
2015 වසරේ පෙබරවාරි මාසයේ සිදු වූ මහ බැංකු බැඳුම්කර වංචාවට විත්තිකරුවන් වූ අදාළ සැකකරුවන් දෙදෙනා මේ වනවිටත් විදේශගතව සිටින බවයි වාර්තා වන්නේ.
නඩුවේ පළමුවන විත්තිකරු වන හිටපු මහ බැංකු අධිපති අර්ජුන් මහේන්ද්රන් මේ වන විට සිංගප්පූරුවේ වාසය කරන බවට තොරතුරු ලැබී ඇති අතරල ඔහු මෙරටට ගෙන්වා ගැනීම සඳහා සිංගප්පූරු රජය සමඟ උදර්පණ ක්රියාවලියක් ආරම්භ කර ඇති බවත් ලඑය සක්රීයව පවතින බවත්ල නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් ප්රියන්ත නාවාන මහතා අධිකරණය හමුවේ කියා සිටියා.
එම උදර්පණ ක්රියාවලිය සම්පූර්ණ වීම සඳහා කාලය ගත වන හෙයින් ලවිත්තිකාර පළමු පාර්ශ්වය රහිතව නඩු විභාගය ආරම්භ කිරීම සඳහා සාක්ෂි මෙහෙය වීමට අපේක්ෂා කරන බවයි අතිරේක සොලිසිටර් ජනරාල්වරයා මෙහිදී දැනුම් දුන්නේ.
මෙම නඩුවේ 10 වන විත්තිකරු වශයෙන් නම් කර සිටින අජහාන් ගාර්දිය පුංචිහේවා නමැත්තා මේ වන විට මැලේසියාවේ වාසය කරන බවට අධිකරණයට තොරතුරු ලැබී තිබෙනවා.
උදර්පණ නීතිය යටතේ ඔහු මෙරටට ගෙන්වා ගැනීම ප්රායෝගිකව අපහසු බවට කරුණු අනාවරණය වී ඇති හෙයින්ල එම විත්තිකරු නොමැතිව නඩුව පවත්වාගෙන යාම සඳහා සාක්ෂි මෙහෙය වීමට අපේක්ෂා කරන බව අතිරේක සොලිසිටර් ජනරාල් නාවාන මහතා වැඩිදුරටත් සඳහන් කළා.
ඒ අනුවල අදාළ නඩුව යළි දෙසැම්බර් මස 03 වනදා කැඳවීමට නියමිත අතරල ත්රිපුද්ගල විනිසුරු මඩුල්ල එදින එම විත්තිකරුවන් දෙදෙනා නොමැතිව නඩු විභාගය පවත්වාගෙන යාමට අවශ්ය සාක්ෂි මෙහෙයවීමට පියවර ගන්නා ලෙසට ද පැමිණිල්ලට නියෝග කෙරුණා.
එහිදී අතිරේක සොලිස්ටර් ජනරාල් ප්රියන්ත නාවාන මහතා කළ ඉල්ලීමක් පිළිගත් ත්රිපුද්ගල විනිසුරු මඩුල්ල විසින් අර්ජුන් මහේන්ද්රන් මහතා මෙරටට ගෙන්වා ගැනීමට අදාළ උදර්පණ ක්රියාවලියේ ප්රගතියක් පවතී නම් ලඒ පිළිබඳ මෝසමක් මාර්ගයෙන් අධිකරණය දැනුවත් කරන ලෙසට ද නියෝග කළා.
2015 වසරේ පෙබරවාරි මස 27 වැනිදා ශ්රී ලංකා මහ බැංකුව භූ බැඳුම්කර වෙන්දේසියකදී රුපියල් මිලියන 688කට අධික පාඩුවක් සිදු කළේ යැයි චෝදනා කරමින් පොදු දේපළ පනත යටතේ හිටපු මහ බැංකු අධිපති අර්ජුන් මහේන්ද්රන්ල එම බැංකුවේ හිටපු නියෝජ්ය අධිපතිවරයෙකු වන පත්තිනිගේ සමරසිරිල පර්පචුවෙල් ට්රෙෂරිස් සමාගමේ අධ්යක්ෂවරු වන අර්ජුන් ඇලෝසියස්ල ජෙෆ්රි ඇලෝසියස් සහ සමාගමේ ප්රධාන විධායක කසුන් පලිසේන ඇතුළු විත්තිකරුවන් දස දෙනෙකුට එරෙහිව නීතිපතිවරයා විසින් මෙම නඩුව ගොනු කරනු ලැබුවා.