නාවලපිටිය ජයතිලක ක්රිඩාංගණයේ ඉදි වන ඇවිදින මංතිරුවක් සම්බන්ධයෙන් සොයා බැලිමට අද (12) දින ක්රිඩාංගණය වෙත පැමිණි විපක්ෂයේ සහ පාලන පක්ෂයේ මන්ත්රිවරුන් අතර ගුටිබැට හුවමාරුවක් සිදු වි තිබෙනවා.
නාවලපිටිය ජයතිලක ක්රිඩාංගණයේ රු. මිලියන 20 වියදමින් ඉදිවන ඇවිදින මංතිරුවක් සම්බන්ධයෙන් සොයා බැලිමට නාවලපිටිය නගර සභාවේ හිටපු සභාපති, ජාතික සමගි ජන බලවේගයේ නාවලපිටිය ආසන සංවිධායක සසංක සම්පත් සංජිව සහ නාවලපිටිය නගර සභාවේ විපක්ෂයේ මන්ත්රිවරුන් දෙදෙනෙකු සහ ආධාරකරුවන් පිරිසක් ක්රිඩාංගණයේ පිවිසුම වෙත පැමිණෙන අවස්තාවේ ක්රිඩාංගණයේ ප්රධාන ගේට්ටුව නගර සභාව විසින් වසා දමා තිබෙනවා.
සසංක සම්පත් සංජිව ඇතුළු ඔහුගේ ආධාරකරුවන් පිරිස ක්රිඩාංගණය අසල රැදි සිටියදි එම ස්ථානයට පැමිණි නාවලපිටිය නගර සභාවේ වත්මන් සභාපති අමල් ප්රියංකර සහ නාගරික මන්ත්රිවරුන් පිරිසක්, ආධාරකරුවන් පිරිසක් අතර ඇති වු උණුසුම් තත්ත්වයකින් අනතුරුව දෙපාර්ශවය අතර ගුටිබැට හුවමාරුවක් සිදු වී ඇති බවයි වාර්තා වන්නේ.
දෙපාර්ශවයේ ඇති වු උණුසුම් තත්ත්වය ගුටිබැට හුවමාරුව පාලනය කිරිමට නාවලපිටිය පොලිසියේ නිලධාරින් එම ස්ථානයට පැමිණිමෙන් අනතුරුවද අවස්තා කිහිපයකදි යලිත් ගුටිබැට හුවමාරුව සිදුව තිබෙනවා.
ගැටුම සම්බන්ධයෙන් අදහස් දක්වන නාවලපිටිය නගර සභාවේ හිටපු සභාපති සසංක සම්පත් සංජිව පවසන්නේ ඇවිදින මංතිරුවක් ඉදි කිරිමට තමන් විරුද්ධ නොවන බවත්, ඒ සදහා සුදුසු ස්ථානය ජයතිලක ක්රිඩාංගණය නොවන බවයි.
මේ සම්බන්ධයෙන් අදහස් දක්වන නාවලපිටිය නගර සභාවේ වත්මන් සභාපති අමල් ප්රියංකර කියා සිටින්නේ ජයතිලක ක්රිඩාංගණයේ ඉදි කරන ඇවිදින මංතිරුවේ ඉදි කිරිම් කටයුතු නගර කිරිමට හිටපු සභාපතිවරයා සහ විපක්ෂයේ නාගරික මන්ත්රිවරුන් පිරිසක් සහ ඔහුන්ගේ ආධාරකරුවන් කටයුතු කරමින් සිටින බවයි.
දෙපාර්ශවයේ ගැටුම සම්බන්ධයෙන් නාවලපිටිය පොලිසිය පරික්ෂණ පවත්වයි.