13 Views
හිටපු ජනාධිපති මහින්ද රාජපක්ෂ සමඟ සමීපව කටයුතු කළ ශ්රී ලංකා නිදහස් පක්ෂ මන්ත්රිවරුන් කිහිපදෙනෙකු ද ඊයේ නව ආණ්ඩුවේ රාජ්ය සහ නියෝජ්ය අමාත්ය ධුර ලබාගැනීම විශේෂත්වයක්.
ජාතික ආණ්ඩුවේ අමාත්ය ධුර ලබාගැනීමට හිටපු ජනාධිපති මහින්ද රාජපක්ෂ නිදහස ලබාදුන් බව තැපැල්, තැපැල් සේවා හා මුස්ලිම් ආගමික කටයුතු නියෝජ්ය අමාත්ය ඩුලිප් විජේසේකර ප්රකාශ කළා. ඊයේ දිනයේදී සිය නියෝජ්ය අමාත්ය ධුරය භාරගැනීමෙන් අනතුරුව මාධ්ය වෙත අදහස් දක්වමිනුයි ඔහු මේ බව සඳහන් කළේ.
එමෙන්ම හිටපු ජනාධිපති මහින්ද රාජපක්ෂ වෙනුවෙන් දැඩි ලෙස පෙනී සිටි ඔහු කුරුණෑගලට ගෙන ඒමට මූලික වූ ටී.බී. ඒකනායක මන්ත්රීවරයා ද රාජ්ය අමාත්ය ධුරයක් භාරගත්තා. රාජ්ය අමාත්ය ධූරයේ දිවුරුම් දීමෙන් අනතුරුව මාධ්ය වෙත අදහස් දැක්වූ ටී.බී. ඒකනායක අමාත්යවරයා සඳහන් කළේ ජනතාවට සේවය කිරීම සඳහා මෙය වැදගත් වන බවයි.
මීට අමතරව ඩිලාන් පෙරේරා, සුමේධා ජයසේන, ලක්ෂ්මන් වසන්ත පෙරේරා, නිශාන්ත මුතුහෙට්ටිගම, නිමල් ලාන්සා යන හිටපු ජනාධිපතිවරයාට දැඩි හිතවත්කම් දැක්වු මන්ත්රීවරුන් කිහිප දෙනෙකුද රාජ්ය සහ නියෝජ්ය අමාත්ය ධුරවල දිවුරුම් දුන්නා.
වරාය හා නාවික කටයුතු නියෝජ්ය අමාත්යවරයා ලෙස දිවුරුම් දුන් නිශාන්ත මුතුහෙට්ටිගමද සිය අමාත්ය ධුරය භාරගැනීමෙන් අනතුරුව අදහස් දක්වමින් සඳහන් කළේ තමන් ඉදිරියටත් හිටපු ජනාධිපති මහින්ද රාජපක්ෂ සමඟ කටයුතු කරන බවයි. එහෙත් පක්ෂයේ වත්මන් නායකයා සමඟ එක්ව යළි පක්ෂය ගොඩනැගීම සඳහා කටයුතු කරන බවද ඔහු සඳහන් කළා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
