Rayynor Silva,Raynor Silva Holdings,RaynorSilva,RayynorSilva

Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Rayynor Silva,Raynor Silva Holdings,RaynorSilva,RayynorSilva,Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Sep
11
“බොලිවුඩයේ සිටින දක්ෂතම නාටිකාංගනාව කවුද ඇහුවොත්, ඔබ දෙන පිළිතුර මොකද්ද?” - මාධ්‍යවේදියෙක් ප්‍රසිද්ධියේ ඇසූ ප්‍රශ්නයට සරෝජ් ඛාන් දුන්න උත්තරේ ? ලොවක් වසඟයට ගත් බොලිවුඩ් තාරකාවියන්ගේ වතගොත මෙන්න

- “බොලිවුඩයේ සිටින දක්ෂතම නාටිකාංගනාව කවුද ඇහුවොත්, ඔබ දෙන පිළිතුර මොකද්ද?” - මාධ්‍යවේදියෙක් ප්‍රසිද්ධියේ ඇසූ ප්‍රශ්නයට සරෝජ් ඛාන් දුන්න උත්තරේ ? ලොවක් වසඟයට ගත් බොලිවුඩ් තාරකාවියන්ගේ වතගොත මෙන්නHiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka

9,281 Views
ශ්‍රී දේවියගේ සුන්දර ආලිංගන… මාධුරිගේ ඇස්වල චංචලනමය ලතාව…
උර්මිලාගේ හැඩ…
අයිෂ්චර්යාගේ ආශ්චර්ය…

ඉන්දියානු සිනමාව යනු… නර්තනයන්ගෙන් පිරුණු සොඳුරු පාරාදීසයකි. ගැහැනුන් පමණක් නොව පිරිමින්ද යම් තාලයකට අනුව දෙපා තබමින් ඈත අතීතයේ සිටම දශක ගණනාවක් පුරාවට ඉන්දීය සිනමාව වර්ණවත් කළේය. ආවාරා, බව්ජි බව්රා, මධුමතී මෙන්ම සංගම්ද එයට අපූර්වතම නිදසුන් සේ දැක්විය හැකිය.

නිළියන් යාර අටේ ප්‍රමාණයට මැසූ දිගු සාය කරකවමින් නටන විට ගැලරියේ කොල්ලන්ගේ විසිල් පාර තදට වැදුණේ නිෂ්පාදක මහත්වරුන්ගේ මල්ල ඉන්දියානු රුපියල්වලින් පුරවමින්ය. ‘මධුමතී’හී වෛජයන්ති මාලාගේ රංගනය වාගේම ‘භාරත මාතා’හී නර්ගිස් දත්ගේ රංගනය කිසිදුම ඉන්දියානුවෙකුට තවමත් අමතක නැත.

ඒ ගැමි ලාලිත්‍යයට වෙනසක් එක්කරමින් හෙලන් කුමාරි කැබරේ රංගනය උතුරු ඉන්දීය නැටුම් කලාවට අරගෙන ආවේ 1971 ‘කැරවැන්’ චිත්‍රපටයෙහි ‘පියාතු අප්තු ආජා’ ගීතය තුළිනි. එය එලෙස ගලා යන විටෙක කෙමෙන් කෙමෙන් රේඛා සහ හේමා මාලිනිය භාරත රැඟුම් කලාව වෙනමම ගෙන ගියාය. ‘ෂෝලේ’ මෙන්ම ‘සුහාග්’ චිත්‍රපටයෙහි ඔවුන්ගේ අනගි නර්තනයන් ප්‍රේක්‍ෂක සිතින් බැහැරව නොයන්නේ එහි වූ මධුර සුමධුර බව නිසාය.

දශකයෙන් දශකයට තව තව ලස්සන නිළි කෙල්ලෝ විවිධ වූ නර්තනයන් ඔස්සේ හින්දි චිත්‍රපට සිය ගණන් මිහිරෙන් මත් කරවූහ. ශ්‍රී දේවියගේ ‘සුන්දර ආලිංගන’ය ඒ අතර අති උත්කර්ෂවත් විය.

‘නගීනා’ චිත්‍රපට මාලාව ඔස්සේ ශ්‍රී දේවි කළ වනමෝහනීය නර්තන හරඹයන් ගැන වර්ණනා කරන්නට හෝඩි පොතක අකුරුත් මදි තරම්ය.

‘මිස්ටර් ඉන්ඩියා’ සමග ‘චාන්දනී’ ද ඒ අතර අමතක කළ නොහැකිය. හිටපු ප්‍රවීණ නැටුම් ශිල්පී සරෝජ් ඛාන් කීයේ, ශ්‍රී දේවිගේ නර්තන හැකියාව ඇගේ ඇඟෙන් නොව ලෙයින්ම උපන් දෙවියන් විසින්ම ඇයට තිළිණ දුන් විස්මිත දායාදයක් බවය.

එතකොට මධුරිගේ දෙපා චලනයන් සමග වූ ඇස් නැටවීම් සහ අතැඟිලි ලතාවන් කෙසේ අමතක කරන්නද? සත්තකින්ම එය අපූර්තමයක් නොවේද..?

මධුරි ගැන වර්ණනා කිරීමට චිත්‍රපට දහයක, දොළහක නම් අවැසි නැත.., ‘කල්නායක්’හී ‘බෝලිකේ පීචේ ක්‍යාහේ’ පමණක් ඇගේ දක්‍ෂතම තීන්දු කරන්නට හොඳටම ඇතිය… මාධුරි නටන විට ඇස්වල චංචලනමය ලතාවත්, දෙතොලින් කරන සොඳුරු ඉඟියත් කිසිවෙකුටවත් පිහිටා නැතැයි අනිල් කපූර් ප්‍රසිද්ධියේම පැවැසුවේ රූපවාහිනී වැඩසටහනකදීය. අනිල් ඒ සඳහා පාදක කොට ගත්තේ ‘කේෂාබ්’හී ‘එක්, දෝත් තීන්’ ගීතයයි.

අයිෂ්චර්යා රායිද නර්තනමය අංශයෙන් ගත් කල ආශ්චර්යයකි..,

මධුරි සමග තමාට කරට කර නටන්නට හැකි බව ඈෂ් මනාව ‘දේව්දාස්’හිදී ඔප්පු කර පෙන්වූ අතර ‘හම් දිල් දේ චුකේ සනම්’හී ඇගේ සිරුර කොටස් කිහිපයකට තබමින් ඈ කළ රංග ප්‍රතිභාව දකින විට ඈ මධුරිට වඩා දෙවැනි වන්නේ කොතැනදී දැයි සිතෙනු නොඅනුමානය.

කරීනා කපූර් සතු හැකියාවද උතුරු ඉන්දීය නාටිකාංගනාවන් ගැන කතා කරන විට සුළුකොට තකන්නේ කොහොමද..?

සත්තකින්ම එය එහෙමමය… නිදසුනක් වුවමනා වන්නේ නම් ‘අශෝකා’ චිත්‍රපටය පමණක් ගෙනහැර පෑවත් ඇතිය.

ඇයි ඔබට උර්මිලා මතොන්ද්කාර්ව අමතක වුණාද?

උතුරු නාටිකාංගනාවන් ගැන කරන විසිතුරු කතාබහකට දිනක් මැදිව උන් සරෝජ් ඛාන් සුභාෂ් ගායිගෙන් එලෙස ඇසුවේ ඔහු සුපිරි නිළි කැලකගේ අලංකෘත නර්තන හැකියාවන් ගැන දිගින් දිගට පවසන විටෙක උර්මිලාගේ නම සඳහන් නොවූ තැනකදීය. ‘රංගිලා’හී උර්මිලාව අමතක කරනවා නම් ‘නගීනා’හී ශ්‍රී දේවියවද අමතක විය යුතුය…

ඒ තරමට උර්මිලා නර්තනයේදී සිය සිරුර වනන්නීය.., සරලව කියන්නේ නම්… මා උර්මිලාට පෙන්වූයේ එකම එක පියවරකි. ඉතිරිය ඈ නිරායාසයෙන්ම ඉතාම වේගයෙන් ඉදිරියට ගියේ ගිනිසිළුවක් ලෙසිනි..,’ යැයි සරෝජ් කීයේ උර්මිලා රඟන ආකාරය ඒ මොහොතේද මනසින් දකිමිනි.

මලයිකා ආරෝරා ගැන වුවද එවැන්නක් නොකියන්නේ නම් එය අන්තිම අසාධාරණය, වැඩි කතා කුමකටද?
‘දිල් සේ’ හී ‘චයියා චයියා’ ගීතය ඇගේ නර්තන හැකියාව හුවා දැක්වීමට හොඳටම ඇතිය…
විචාරකයන් එදවස කීයේ… ධාවනය වන දුම්රියක නැඟ ආරෝරා කළ ඒ සරාගී නර්තනය සුවහසක් පිරිමි සිත්වලට ගිනි තැබූ බවය.

තරමක් මෑත කාලයක, නර්තනය සුවිශේෂීව උළුප්පා දක්වන්නේ ‘කට්රිනා කයිෆ්’ ද නාටිකාංගනාවක ලෙස සිය හැකියාව ප්‍රගුණ කළාය.

‘ෂිලා කී දිවානි’හී කට්රිනා කරන බා ගර්ල් නර්තනය කාගෙත් සිත් සොරාගෙන තිබිණි. අග්න්පත් සහ රේස් සමගද කට්රිනා පෙන්වූ සිත්කලු නර්තනයට බොහෝ රසිකයන් පිස්සු වැටුණා යැයි කිසිවකු කියා තිබිණි.., ඇත්තෙන්ම උතුරු ඉන්දීය සිනමාව ආකර්ෂණය කළ නාටිකාංගනාවන් ගැන තව බොහෝ දෑ කතා කළ හැකිය. එයට කිසිදාක ‘ඔන්න දැන් ඉවරය…’ කියා තිතක් තබන්නට නොහැකිය…

‘බොලිවුඩයේ සිටින දක්ෂතම නාටිකාංගනාව කවුදැයි කිසිවෙකු ඔබෙන් ඇසුවහොත්, ඒ සඳහා ඔබ දෙන උත්තරය කුමක්දැයි ‘ෆිල්ම් ෆෙයාර්’හී සම්මුඛ සාකච්ඡාවකදී මාධ්‍යවේදියකු සරෝජ් ඛාන්ගෙන් ඇසූ මොහොතේ..,

උත්තර නැති ප්‍රශ්නයක් දෙවියන් වහන්සේ මෙලොවට මැව්වා නම්… ඔබ ඔය ඇසූ ප්‍රශ්නයද එයට ඇතුළත් බව අමතක කරන්නට එපා යැයි සරෝජ් එදා කියා තිබුණේ සූක්‍ෂ්මව එම ප්‍රශ්නය මඟහරිමිනි.

ඇත්තටම ඔහු ඒ අහපු ප්‍රශ්නයට මට එදා උත්තර නැති වුණා.., යැයි අහම්බෙන් හමුවූ දිනෙක සරෝජ් ඛාන් තමා සමග පැවැසූ බව කරන් ජොහාර්ද මාධ්‍ය හමුවකදී කියා තිබිණි.

–දමයන්ති රේණුකා ප්‍රනාන්දු
Mawrata පුවත්පත
Make a Comment
Make a Comment


මෙන්න බලන්න තවත් ගොසිප්




Recent Gossip Post




Dura Penena Thanithala - Senior Choir Gateway College Colombo
Dura Penena Thanithala
Senior Choir Gateway College Colombo
⤵  306 Downloads

Hiru Shraddhabhi Wandana Theme Song 2020 - Yaham Hettiarachchi
Hiru Shraddhabhi Wandana Theme Song 2020
Yaham Hettiarachchi
⤵  835 Downloads

Dawasak Thiyewi - Rana with AURA
Dawasak Thiyewi
Rana with AURA
⤵  586 Downloads

Lowama Ekalu Kala Deshayak - Fredy Alex Silva
Lowama Ekalu Kala Deshayak
Fredy Alex Silva
⤵  1,501 Downloads

Gedarata Wela Inna - Seeduwwa Sakura
Gedarata Wela Inna
Seeduwwa Sakura
⤵  1,309 Downloads

Hemin Sare Aa Sulangak  - Sanka Dineth
Hemin Sare Aa Sulangak
Sanka Dineth
⤵  2,116 Downloads

Mahapolovata Nivaduwak - Warsha Vihangi Samaranayaka
Mahapolovata Nivaduwak
Warsha Vihangi Samaranayaka
⤵  7,795 Downloads

Guru Geethaya - Bhanuka G Senarath
Guru Geethaya
Bhanuka G Senarath
⤵  4,106 Downloads

Thanikada Ahase - Bhanuka G Senarath
Thanikada Ahase
Bhanuka G Senarath
⤵  1,954 Downloads

Awasan Haduwa - Pawan Minon
Awasan Haduwa
Pawan Minon
⤵  38,065 Downloads



Top