මෙවර ඔලිම්පික් තරගාවලියේදී මීටර් 1500 තරගයට ඇය සහභාගී වුණා. එම තරගයේදී ඇය අතරමග ඇද වැටෙන මොහොත බොහෝ දෙනෙක් සංවේදී කළ දර්ශනයක් වුණා.
කෙසේ වෙතත්, එයින් පසුබට නොවුනු ඇය සිය උත්සාහය අත් නොහැර එදිනම මීටර් 5000 ඉසව්වෙන් ජය ලබමින් රන් පදක්කමකට හිමිකම් කියන්නට සමත් වනවා.
28 හැවිරිදි සිෆාන් හසාන් මීට පෙරද නෙදර්ලන්තයේ පැවැති මලල ක්රීඩා තරගාවලියකදී ලෝක වාර්තාවක් පිහිටවනු ලැබුවා.
ඒ, 10,000 කාන්තා ධාවන ඉසව්වේ ලෝක වාර්තාව තමන් සතු කර ගනිමින්.
ඇය එහිදී මීටර 10,000 කාන්තා ඉසව්ව අවසන් කළේ, මිනිත්තු 29 යි තත්පර 6.82ක කාලයකින්.
ඉතියෝපියාවේ උපත ලැබූ සිෆාන් හසාන් නෙදර්ලන්තයට සංක්රමණය වූයේ 2008 වසරේදීයි. ඒ වනවිට ඇය 15 වැනි වියේ පසු වූවා.
2019 දෝහා ලෝක ශූරතා මලල ක්රීඩා තරගාවලියේ මීටර 1,500 සහ මීටර 10,000 ධාවන ඉසව් ජය ගත් ඇය එම ඉසව්වල වත්මන් ලෝක ශූරියයි.
ඒ වන තෙක් ඉහත ඉසව් දෙකම එක් ලෝක ශූරතා මලල ක්රීඩා තරගාවලියක් තුළ ජය ගැනීමට කිසිදු ක්රීඩකයෙකු හෝ ක්රීඩිකාවක් සමත්ව තිබුණේ නැහැ.