ටෙස්ට් ක්රිකට් ලෝක ශූරතාවලියේ අවසන් තරඟය කඩුලු 08 කින් ජය ගැනීමට නවසීලන්ත කණ්ඩායම සමත් වුණා.
ඒ, ප්රබල ඉන්දීය කණ්ඩායම පරාජයට පත් කරමින්.
තරගයේ කාසියේ වාසිය දිනු නවසීලන්ත කණ්ඩායම ප්රථමයෙන් පන්දු යැවීමට තීරණය කළා.
ඒ අනුව පන්දුවට පහර දුන් ඉන්දිය කණ්ඩායම සිය පළමු ඉනිමට ලබාගත් ලකුණු සංඛ්යාව 217ක්.
අනතුරුව නවසීලන්ත කණ්ඩායම තම ඉනිමට ලකුණු 249 ක් රැස්කරගැනීමටයි සමත් වුණේ.
නවසීලන්ත පළමු ඉනිමට වඩා ලකුණු 32ක් පිටුපසින් සිට සිය දෙවන ඉනිම ආරම්භ කළ ඉන්දිය කණ්ඩායම සියලු දෙනා දැවි ලකුණු 170ක් රැස්කරගත්තා.
ඒ අනුව තරගයෙන් ජය ගැනීමට නවසීලන්ත කණ්ඩායමට හිමි වූ ඉලක්කය ලකුණු 139ක්.
එම ජයග්රාහි ඉලක්කය හඹා යාමට පිටියට පිවිසි නවසීලන්ත කණ්ඩායම කඩුලු දෙකක් පමණක් දැවි සිය ජය වාර්තා කරගත්තා.
අන්තර්ජාතික ක්රිකට් කවුන්සිලිය විසින් සංවිධානය කරනු ලැබු තරගාවලියක නවසීලන්ත කණ්ඩායම ශූරතාවය දිනු පළමු අවස්ථාව ද මෙය වනවා.
මෙම තරගයේ ප්රථම දිනය වර්ෂාව හේතුවෙන් සම්පූර්ණයෙන් අතහැර දැමීමත් විශේෂත්වයක් වනවා.
කෙසේ වෙතත්, තරගය සඳහා දින හයක් වෙන් කිරීමටයි අන්තර්ජාතික ක්රිකට් කවුන්සිලය පෙර සිටම කටයුතු කර තිබුණේ.