ඇස්, අක්මා, වකුගඩු ඇතුලු අවයව ගණනාවකට බලපෑ හැකි මෙම රෝගය මේ දක්වා මෙරටින් වාර්තාවී ඇත්තේ වයස අවුරුදු 8 ත් 15 ත් අතර දරුවන් අතර බවයි විශේෂඥ වෛද්ය නලින් කිතුල්වත්ත පෙන්වා දෙන්නේ.
මේ අතර දරුණු ඉන්දීය ඩෙල්ටා ප්රභේදය හමුවූ දෙමටගොඩ - ආරාමය පාර ප්රදේශයේ ඊයේ සිදුකළ කොරෝනා පරීක්ෂණවලින් කොරෝනා ආසාදිත 15 දෙනෙකු හමුවී තිබෙනවා.
කෙසේ වෙතත් එම නව ආසාදිතයන්ගේ ප්රභේදය ඉන්දීය ප්රභේදයදැයි තවමත් තහවුරු වී නොමැති බවයි සෞඛ්ය අංශ සඳහන් කළේ.
මෙම ආසාදිතයන්ට පවතින්නේ ඉන්දීය ඩෙල්ටා ප්රභේදැයි පරීක්ෂා කිරීම සඳහා එම සාම්පල ශ්රී ජයවර්ධනපුර විශ්වවිද්යාලයට යොමු කර තිබෙනවා. එමෙන්ම ආරාමය පාර ප්රදේශයේ හැටහයේ වත්ත සහ දෙසීය වත්තේ ජනතාවට කොරෝනා ප්රතිශක්තිකරණ එන්නත් ලබාදීම අද සිදු කෙරුණා.
ඉන්දීය ඩෙල්ටා ප්රභේදය දිවයිනට පැමිණියේ ඉන්දීය ජාතිකයන්ට මෙරට තුළ නිරෝධායනයට ඉඩ සැළසීමෙන් බවට හිටපු සෞඛ්ය අමාත්ය වෛද්ය රාජිත සේනාරත්න චෝදනා කළා.
අද දිනයේ මේ දක්වා කාලය තුළ නව ආසාදිතයින් 1420 දෙනෙකු හඳුනාගෙන ඇති බව යුධ හමුදාපති ජෙනරාල් ශවේන්ද්ර සිල්වා ප්රකාශ කළා.
අද දිනයේ ආසාදිතයින් 2314 දෙනෙකු සුවය ලැබුවා.
පවතින කොරෝනා තත්වය සහ සෞඛ්ය සේවකයන් මුහුණදෙන ගැටළු සම්බන්ධයෙන් සෞඛ්ය වෘත්තිය සමිති 44 කගෙන් සමන්විත සෞඛ්ය වෘත්තිය සමිති එකමුතුව සහ සෞඛ්ය සේවා අධ්යක්ෂ ජනරල්වරයා අතර අද සාකච්ඡාවක් පැවැත්වුණා.
මේ අතර රත්නපුර දිස්ත්රික්කයේ සීග්රයෙන් ව්යාප්ත වන කොරෝනා තත්වය පාලනය කිරීම සම්බන්ධයෙන් සාකච්ඡාවක් අද පැවැත්වුණේ සෞඛ්ය ඇමතිනි පවිත්රා වන්නිආරච්චිගේ ප්රධානත්වයෙන්.
වසංගත රෝග විද්යා අංශයේ අධ්යක්ෂ විශේෂඥ වෛද්ය සුදත් සමරවීරගේ ස්ථාන මාරුව සම්බන්ධයෙන් වෛද්ය අසේල ගුණවර්ධන අද පැවති මාධ්ය හමුවකදී කියා සිටියේ එය, සෞඛ්ය අංශය ප්රතිව්යුහගත කිරීම සඳහා සිදුකළ ස්ථාන මාරුවක් බවයි.
මේ අතර දෙහිවල ජාතික සත්වෝද්යානයේ සිංහයෙකුට කොරෝනා ආසාදනය වීම හේතුවෙන් නිරෝධායනයට ලක් කළ රැකවලෙකුට ද කොරෝනා ආසාදිත වී ඇති බවට තහවුරු වී තිබෙනවා.
සිංහයාට කොරෝනා ආසාදනය වී ඇති බවට තහවුරු වූයේ ඊයේ දිනයේදියි.
පශු වෛද්යවරුන් පෙන්වා දෙන්නේ මිනිසාගෙන් වන සතුන්ට බෝවන කොරෝනා වෛරසය බළල් කුලයේ සත්වයින්ට බෝවීමේ වැඩි ප්රවණතාවක් දක්නට ලැබෙන බවයි.
කොරෝනා ආසාදනය වීමේ අවදානම් සත්වයින් අතර, ප්රමුඛතාවයේ සිටින්නේ චිම්පන්සියා සහ ගෝරිල්ලායි.
මේ වනවිට දෙහිවල සත්වෝද්යානයේ වඳුරු විශේෂයකට කොරෝනා ආසාදනය වී ඇත්දැයි සෙවීමට විශේෂ අවධානය යොමුවී ඇති බවයි පේරාදෙණිය විශ්වවිද්යාලයේ පශු වෛද්ය පීඨයේ ආචාර්ය වෛද්ය ඩිලාන් ඒ. සතරසිංහ ප්රකාශ කළේ.
VIDEO