හිරු මාධ්‍ය ජාලයේ සභාපති රේනෝ සිල්වා මහතාගේ සංකල්පයක් මත රටට ජාතියට සෙත් පතමින් සූර්ය සිංහලේ හිරුත් එක්ක තුන්හෙලයේ අවුරුදු වැඩසටහනට සමගාමීව පැවැත්වෙන සත් පත්තිනි සෙත් ශාන්තිකර්මය අවසානයේ පිදෙන දේව දානය උදෙසා මුළු රටෙන්ම අලුත් සහල් පූජා කිරීම මේ දිනවල සිදුකෙරෙනවා.

දිවයිනේ දිස්ත්‍රික්ක 20ක් ආවරණය කරමින් මාර්ග 3ක් ඔස්සේ විහාරස්ථාන 90කදී අලුත් සහල් පූජා කිරීමේ කටයුතු දින10ක් පුරා සිදු කිරීමට නියමිතයි.

ඒ අනුව පසුගිය 31 වැනිදා අනුරාධපුරයෙන් ගමන් ආරම්භ කළ නැවුම් සහල් පූජා කරන ශාන්තියේ යාත්‍රාව අද අලව්ව ශ්‍රී රාහුල පිරිවෙනින් ගමන් අරඹා නාරම්මල දම්පැලැස්ස විද්‍යාලංකාර මහ පිරිවෙනට සහ ගිරිඋල්ල සංඝරක්ෂිත පිරිවෙන් විහාරස්ථානයට පැමිණියා.

පිරිවෙණ පුවක්පිටිය ශ්‍රී විද්‍යාසංවර්ධන මූලික පිරිවෙන, හංවැල්ල බෞද්ධ මධ්‍යස්ථානය සහ කිරිඳිවැල ශ්‍රී සද්ධර්මාරාම පුරාණ ටැම්පිට විහාර කේන්ද්‍රකරගනිමින් අද සහල් පූජා කිරීමේ කටයුතු සිදුකෙරුණේ මහියංගනයෙන් ඇරඹි මාර්ගය ඔස්සේ පැමිණි ශාන්තියේ යාත්‍රාවටයි.

කතරගමින් ඇරඹූණු ගමන් මාර්ගයේ අලුත් සහල් පූජා කිරීමේ කටයුතු අද සිදුකෙරුණේ උඩුගම ශාසනාලංකාරාමය, තවලම බටහේන ශ්‍රී ධර්මගවේෂී ධර්ම
නිකේතනය සහ නෙළුව බටුවන්ගල රජමහා විහාරය කේන්ද්‍රකරගනිමින්.

හෙට උදෑසන 8 සිට 11 දක්වා මීගහතැන්න විද්‍යායතන පිරිවෙණටත්, මීරිගම ශාසනවර්ධන පිරිවෙණටත්, අත්තනගල්ල රජමහා විහාරයටත්, දහවල් 12 සිට පස්වරු 2 දක්වා වළල්ලාවිට ශ්‍රී සුවසුද්ධාරාම පුරාණ විහාරයටත් කොටදෙණියාව ශරබද්ධ ගල්ලෙන් රජ මහා විහාරයටත්, යක්කල ශ්‍රී අබයසේකරාමයටත් පැමිණෙන ශාන්තියේ යාත්‍රා සවස 3 සිට 5 දක්වා හොරවල නිග්‍රෝධාරාමයේදීත්, දිවුලපිටිය ශ්‍රී ප්‍රියදර්ශනාරාමයේදීත්, නවගමුව පත්තිනි දේවාලයේදීත් සහල් පූජා කිරීමේ කටයුතු සිදුකිරීමට නියමිතයි.

ඔබේ ගමටත් නගරයටත් පැමිණෙන ශාන්තියේ යාත්‍රාවට සුපිරිසිදුව සකස් කරගත් නොඉඳුල් සහල් මිටක් පූජා කර සත් පත්තිනි දේව මෑණියන්ගේ ආශිර්වාද ලබාගන්නා ලෙස හිරු ටි.වී. සහ හිරු එෆ්. එම්. ඔබට බැතිබරව ඇරයුම් කරනවා.