මියන්මාර හමුදාව විසින් එරට ජනතාව පීඩාවට පත්කරමින් සිදුකරන හිංසාවන්ට එරෙහිව හඬ අවධි කළ "මිස් ග්රෑන්ඩ් මියන්මාර්" හන් ලේ ගැන මේ වෙද්දි ලෝකයේම අවධානය යොමුවෙන්න පටන් අරන්.
මින් මාසයකට පමණ පෙර 22 හැවිරිදි හන් ලේ මියන්මාරයේ විශාලතම නගරය වන යැන්ගුන් හි වීදිවල හමුදාවට එරෙහිව උද්ඝෝෂණයකද නිරත වී තිබෙනවා.
පසුගිය වසරේ පැවති මැතිවරණයේදී විශාල වශයෙන් වංචා සිදුව ඇතැයි චෝදනා කරන මියන්මාර හමුදාව, එරට පාලන බලය අල්ලා ගත්තේ පසුගිය පෙබරවාරි 01 වැනිදායි.
මෙයට විරෝධය පලකරමින් දහස් ගණනක ජනතාවක් හමුදාවේ මර්දනකාරී පාලනයට එරෙහිව දැවැන්ත උද්ඝෝෂණද සිදුකරමින් සිටිනවා.
පසුගිය සෙනසුරාදා දින 100කට වැඩි පිරිසක් මරා දැමුනේ එදින, ගැටුමේ මාරාන්තික දිනයක් බවට පත්කරමින්.
යැන්ගුන් විශ්ව විද්යාලයේ මනෝ විද්යාව සම්බන්ධ උපාධියක් හදාරන හන් ලේ, සිය මව්රට ගැන ජාත්යන්තරයේ අවධානය දිනා ගැනීමට සුදුසුම වේදිකාව Miss Grand International 2020 යැයි තීරණය කළාය.
"මියන්මාරයේ මාධ්යවේදීන් සිරගත කරලා.. ඉතින් මම කතා කරන්න තීරණය කළා," යනුවෙන් විදෙස් මාධ්යයට අදහස් දක්වමින් පැවසුවා.
මිනිත්තු දෙකක් පමණ වූ තමන්ගේ කතාව මියන්මාර හමුදාවේ අවධානයට යොමුවී තිබීම ගැන මේ වනවිට සැලකිලිමත් වන බවත් අවම වශයෙන් ඉදිරි මාස තුනක කාලය හෝ තායිලන්තයේ නැවතීමට තීරණය කර ඇති බවත් ඇය පැවසුවා ය.
හමුදාව හෝ බලධාරීන් මෙතෙක් තමන්ට කතා කර නැති නමුත් සමාජ මාධ්ය ඔස්සේ තර්ජන එල්ල වන බව හන් ලේ පවසනවා.
"සමාජ මාධ්යයෙන් ඔවුන් මට තර්ජනය කරනවා. මම මියන්මාරයට එනවිට සිරගෙදර මා වෙනුවෙන් විවෘත වෙලා තියෙනවා කියලා."